| ᠰᠤᠷ ᠬᠠᠷᠪᠤᠯᠲᠠ ᠪᠣᠯ ︽ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ︾ ᠤᠨ ᠨᠢᠭᠡᠨ ᠵᠦᠢᠯ ᠮᠥᠨ᠃ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠪᠣᠯ ᠳᠡᠯᠡᠬᠡᠢ ᠶᠢᠨ ᠤᠯᠠᠨ | ᠦᠨᠳᠦᠰᠦᠲᠡᠨ ᠤ ᠳᠤᠮᠳᠠ ᠨᠤᠮᠤ ᠰᠤᠮᠤ ᠶᠢ ᠬᠠᠮᠤᠭ ᠤᠨ ᠡᠷᠲᠡ ᠦᠢᠯᠡᠳᠴᠦ ᠬᠡᠷᠡᠭᠯᠡᠭᠰᠡᠨ ᠦᠨᠳᠦᠰᠦᠲᠡᠨ ᠤ ᠨᠢᠭᠡ ᠨᠢ ᠶᠤᠮ᠃ ᠲᠡᠷᠡ ᠪᠠᠷᠤᠭ ᠰᠢᠨᠡ ᠴᠢᠯᠠᠭᠤᠨ | ᠵᠡᠪᠰᠡᠭ ᠤᠨ ᠦᠶᠡ ᠶᠢᠨ ᠰᠡᠭᠦᠯᠴᠢ ᠪᠠᠷ ᠨᠤᠮᠤ ᠰᠤᠮᠤ ᠶᠢ ᠡᠭᠦᠳᠦᠨ ᠪᠦᠲᠦᠭᠡᠵᠡᠢ᠃ ᠣᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡ ᠵᠢᠷᠭᠤᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠠᠴᠠ | ᠮᠣᠩᠭᠤᠯ ᠤᠨ ᠥᠨᠳᠦᠷᠯᠢᠭ ᠳᠡᠭᠡᠷᠡ ᠤᠷᠢᠳ ᠬᠤᠵᠢᠳ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠾᠦᠩᠨᠦ᠂ ᠳ᠋ᠦᠩᠬᠤ᠂ ᠰᠢᠶᠠᠨᠪᠢ ᠵᠡᠷᠭᠡ ᠤᠭᠰᠠᠭᠠᠲᠠᠨ ᠪᠠ ᠠᠶᠢᠮᠠᠭ ᠤᠨ | ᠬᠤᠯᠪᠤᠭᠠ ᠨᠤᠭᠤᠳ ᠠᠭᠤᠯᠠ᠂ ᠤᠰᠤ᠂ ᠲᠡᠭᠷᠢ᠂ ᠭᠠᠵᠠᠷ᠂ ᠣᠪᠣᠭᠠ᠂ ᠤᠡᠭᠭᠤᠨ ᠲᠠᠬᠢᠬᠤ ᠪᠤᠶᠤ ᠵᠡᠷᠭᠡᠯᠡᠳᠡᠭᠡ ᠠᠶᠢᠮᠠᠭ ᠲᠠᠢ ᠪᠠᠨ ᠬᠤᠯᠪᠤᠭᠠ ᠪᠠᠶᠢᠭᠤᠯᠬᠤ᠂ ᠲᠠᠶᠢᠨ | ᠪᠠᠶᠢᠯᠳᠤᠭᠠᠨ ᠳᠤ ᠮᠣᠷᠳᠠᠬᠤ ᠪᠠ ᠪᠠᠶᠢᠯᠳᠤᠭᠠᠨ ᠤ ᠢᠯᠠᠯᠲᠠ ᠪᠠᠨ ᠪᠡᠯᠭᠡᠯᠡᠬᠦ ᠳᠤ ᠪᠦᠷ ᠨᠠᠶᠢᠷ ᠨᠠᠭᠠᠳᠤᠮ ᠬᠢᠵᠦ ᠨᠤᠮᠤ ᠰᠤᠮᠤ ᠬᠠᠷᠪᠤᠬᠤ ᠮᠥᠷᠥᠶᠢᠴᠡᠭᠡᠨ ᠢ | ᠶᠠᠪᠤᠭᠤᠯᠳᠠᠭ ᠪᠠᠶᠢᠵᠠᠢ᠃ | ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠬᠠᠮᠲᠤ ᠶᠢᠨ ᠴᠣᠭᠴᠠ ᠪᠦᠷᠢᠯᠳᠦᠬᠦ ᠠᠴᠠ ᠡᠮᠦᠨᠡ ᠮᠣᠩᠭᠤᠯᠴᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠮᠣᠷᠢᠨ ᠳᠡᠭᠡᠷᠡ ᠠᠴᠠ | ᠨᠠᠮᠨᠠᠬᠤ ᠳᠠᠭᠠᠨ ᠴᠢᠳᠠᠮᠠᠭᠠᠢ ᠭᠡᠵᠦ ᠬᠤᠯᠠ ᠣᠶᠢᠷᠠ ᠳᠠᠭᠠᠨ ᠠᠯᠳᠠᠷᠰᠢᠭᠰᠠᠨ ᠪᠠᠶᠢᠵᠠᠢ᠃ ᠢᠲ᠋ᠠᠯᠢ ᠶᠢᠨ ᠱᠠᠰᠢᠨ ᠳᠡᠯᠭᠡᠷᠡᠭᠦᠯᠦᠭᠴᠢ ᠺᠠᠷᠪᠢᠨᠢ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ | ᠵᠠᠭᠤᠨ ᠤ ᠰᠡᠭᠦᠯᠴᠢ ᠦᠶᠡ ᠪᠠᠷ ᠮᠣᠩᠭᠤᠯ ᠣᠷᠣᠨ ᠳᠤ ᠢᠷᠡᠵᠦ ᠥᠩᠭᠡᠷᠡᠵᠡᠢ᠃ ᠲᠡᠷᠡ ᠠᠶᠠᠯᠠᠯ ᠤᠨ ᠲᠡᠮᠳᠡᠭᠯᠡᠯ ᠳᠡᠭᠡᠨ ︽ᠡᠷᠡᠭᠲᠡᠢ ᠬᠥᠮᠥᠨ ᠰᠤᠮᠤ ᠵᠣᠬᠢᠶᠠᠬᠤ ᠪᠠ | ᠮᠠᠯ ᠢᠶᠠᠨ ᠬᠠᠷᠢᠭᠤᠯᠬᠤ ᠠᠴᠠ ᠭᠠᠳᠠᠨᠠ ᠶᠠᠭᠤ ᠶᠢ ᠴᠦ ᠬᠠᠮᠢᠶᠠᠷᠬᠤ ᠦᠭᠡᠢ᠃ ᠲᠡᠳᠡ ᠭᠠᠷᠴᠤ ᠠᠩ ᠠᠩᠨᠠᠨ ᠬᠠᠷᠪᠤᠵᠤ ᠨᠠᠮᠨᠠᠬᠤ ᠶᠢ ᠪᠣᠯᠪᠠᠰᠤᠷᠠᠳᠠᠭ᠃ ᠲᠡᠳᠡᠨ ᠤ | ᠶᠡᠭᠡ ᠪᠠᠭᠠ ᠭᠡᠰᠡᠨ ᠦᠭᠡᠢ ᠪᠦᠷ ᠰᠢᠯᠢᠳᠡᠭ ᠬᠠᠷᠪᠤᠭᠠᠴᠢᠨ ᠶᠤᠮ᠃ ᠲᠡᠳᠡ ᠭᠠᠷᠴᠤ ᠠᠩ ᠠᠩᠨᠠᠨ ᠬᠠᠷᠪᠤᠵᠤ ᠨᠠᠮᠨᠠᠬᠤ ᠶᠢ ᠪᠣᠯᠪᠠᠰᠤᠷᠠᠳᠠᠭ᠃ ᠲᠡᠳᠡᠨ ᠤ ᠶᠡᠭᠡ ᠪᠠᠭᠠ | ᠭᠡᠰᠡᠨ ᠦᠭᠡᠢ ᠪᠦᠷ ᠰᠢᠯᠢᠳᠡᠭ ᠬᠠᠷᠪᠤᠭᠠᠴᠢᠨ ᠶᠤᠮ᠃ ᠲᠡᠳᠡᠨ ᠤ ᠬᠡᠦᠬᠡᠳ ᠨᠢ ᠬᠤᠶᠠᠷ ᠭᠤᠷᠪᠠᠨ ᠨᠠᠰᠤᠯᠠᠮᠠᠭᠴᠠ ᠡᠬᠢᠯᠡᠨ ᠮᠣᠷᠢ ᠤᠨᠤᠵᠦ᠂ ᠮᠣᠷᠢ ᠰᠤᠷᠭᠠᠵᠤ᠂ | ᠮᠣᠷᠢᠨ ᠳᠡᠭᠡᠷᠡ ᠦᠰᠦᠷᠦᠨ ᠭᠠᠷᠴᠤ ᠴᠢᠳᠠᠬᠤ ᠪᠥᠭᠡᠳ ᠪᠠᠰᠠ ᠬᠡᠦᠬᠡᠳ ᠤᠨ ᠨᠠᠰᠤᠨ ᠤ ᠠᠳᠠᠯᠢ ᠪᠤᠰᠤ ᠪᠠᠷ ᠶᠡᠭᠡ ᠪᠠᠭᠠ ᠨᠤᠮᠤ ᠥᠭᠴᠦ᠂ ᠲᠡᠳᠡᠨ ᠢ ᠬᠠᠷᠪᠤᠭᠤᠯᠵᠤ | ᠰᠤᠷᠭᠠᠳᠠᠭ᠃ ᠲᠡᠳᠡ ᠳᠠᠳᠮᠠᠭᠠᠢ ᠮᠥᠷᠲᠡᠭᠡᠨ ᠡᠷᠡᠯᠬᠡᠭ ᠪᠠᠶᠢᠳᠠᠭ︾ ᠭᠡᠵᠦ ᠪᠢᠴᠢᠵᠡᠢ᠃ ᠡᠷᠲᠡᠨ ᠤ ᠦᠶᠡ ᠳᠤ ᠬᠦᠦ ᠲᠠᠢ ᠪᠣᠯᠪᠠᠯ ᠡᠭᠦᠳᠡᠨ ᠳᠡᠭᠡᠷᠡ ᠪᠠᠨ ᠨᠤᠮᠤ | ᠡᠯᠭᠦᠵᠦ ᠪᠠᠶᠠᠷᠯᠠᠨ ᠪᠡᠯᠭᠡᠯᠡᠵᠦ᠂ ᠡᠷᠡᠭᠲᠡᠶᠢᠴᠦᠳ ᠪᠣᠯ ᠬᠥᠳᠡᠯᠮᠦᠷᠢᠯᠡᠬᠦ ᠪᠠ ᠤᠯᠤᠰ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠣᠯᠬᠤᠷ ᠬᠥᠮᠥᠨ ᠪᠦᠬᠦᠨ | ᠨᠤᠮᠤ ᠰᠤᠮᠤ ᠬᠠᠷᠪᠤᠵᠤ ᠰᠤᠷᠬᠤ ᠬᠡᠷᠡᠭᠲᠡᠢ ᠪᠠᠶᠢᠳᠠᠭ᠃ ᠡᠷᠲᠡᠨ ᠤ ᠦᠶᠡ ᠳᠤ ᠴᠥᠭᠡᠨ ᠪᠤᠰᠤ ᠰᠢᠯᠢᠳᠡᠭ ᠰᠤᠷᠴᠢᠨ ᠪᠠᠶᠢᠵᠠᠢ᠃ ᠲᠤᠬᠠᠶᠢᠯᠠᠪᠠᠯ᠂ ᠴᠢᠩᠭᠢᠰ ᠬᠠᠭᠠᠨ ᠤ | ᠥᠷᠯᠥᠭ ᠤᠳ ᠪᠣᠯ ᠨᠢᠭᠡ ᠨᠢᠭᠡ ᠪᠠᠷ ᠢᠶᠠᠨ ᠪᠦᠷ ᠴᠠᠴᠠᠨ ᠬᠠᠷᠪᠤᠭᠠᠴᠢ ᠴᠣᠯᠠ ᠲᠠᠢ ᠶᠤᠮ᠃ ᠮᠣᠩᠭᠤᠯ ᠡᠮᠡᠭᠲᠡᠶᠢᠴᠦᠳ ᠤᠨ ᠳᠣᠲᠣᠷᠠ ᠴᠦ ᠰᠢᠯᠢᠳᠡᠭ ᠰᠤᠷᠴᠢᠨ | ᠪᠠᠶᠢᠵᠠᠢ᠃ ︽ᠮᠣᠩᠭᠤᠯ ᠳᠤ ᠡᠯᠴᠢᠨ ᠢᠶᠠᠷ ᠣᠴᠢᠭᠰᠠᠨ ᠲᠡᠮᠳᠡᠭᠯᠡᠯ︾ ᠳᠤ ︽ᠮᠣᠩᠭᠤᠯ ᠪᠦᠰᠡᠭᠦᠶᠢᠴᠦᠳ ᠪᠦᠷ ᠥᠮᠥᠳᠦ ᠡᠮᠦᠰᠳᠡᠭ᠂ ᠡᠷᠡᠭᠲᠡᠶᠢᠴᠦᠳ ᠲᠠᠢ ᠠᠳᠠᠯᠢ ᠪᠠᠷ | ᠰᠤᠷ ᠬᠠᠷᠪᠤᠵᠤ ᠴᠢᠳᠠᠮᠤᠢ︾ ᠭᠡᠵᠦ ᠪᠢᠴᠢᠵᠦ ᠪᠠᠶᠢᠳᠠᠭ᠃ ᠡᠷᠲᠡᠨ ᠤ ᠮᠣᠩᠭᠤᠯᠴᠤᠳ ᠰᠤᠷ ᠬᠠᠷᠪᠤᠬᠤ ᠳᠠᠭᠠᠨ ᠶᠠᠪᠠᠭᠠᠨ ᠬᠠᠷᠪᠤᠯᠲᠠ᠂ ᠮᠣᠷᠢᠨ ᠬᠠᠷᠪᠤᠯᠲᠠ ᠳᠤ ᠪᠦᠷ | ᠴᠢᠳᠠᠮᠠᠭᠠᠢ ᠪᠠᠶᠢᠳᠠᠭ᠃ ︽ᠬᠠᠷᠠ ᠲᠠᠲ᠋ᠠᠷ ᠤᠨ ᠪᠦᠷᠢᠨ ᠲᠡᠮᠳᠡᠭᠯᠡᠯ︾ ᠳᠤ ︽ᠳᠥᠷᠪᠡ ᠲᠠᠪᠤᠨ ᠨᠠᠰᠤᠨ ᠳᠤᠨᠢ ᠪᠠᠭᠠ ᠨᠤᠮᠤ᠂ ᠣᠬᠤᠷ ᠰᠤᠮᠤ ᠤᠷᠤᠯᠳᠤᠭᠤᠯᠤᠬᠰᠠᠭᠠᠷ | ᠥᠰᠦᠭᠰᠡᠨ ᠤ ᠬᠤᠶᠢᠨᠠ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠠᠩ ᠠᠪᠠ ᠬᠢᠬᠦ ᠳᠤ ᠶᠠᠪᠤᠭᠤᠯᠤᠮᠤᠢ᠂ ᠳᠠᠪᠬᠢᠯᠳᠤᠭᠤᠯᠤᠨ ᠬᠠᠷᠠᠶᠢᠯᠭᠠᠬᠤᠢ ᠳᠤᠷ ᠭᠡᠳᠡᠶᠢᠨ | ᠵᠤᠬᠰᠤᠬᠤ ᠠᠴᠠ ᠪᠢᠰᠢ ᠰᠠᠭᠤᠬᠤ ᠦᠭᠡᠢ᠂ ᠡᠶᠢᠮᠦ ᠠᠴᠠ ᠨᠠᠢᠮᠠ ᠶᠢᠰᠦᠨ ᠬᠤᠪᠢ ᠶᠢᠨ ᠬᠦᠴᠦᠨ ᠨᠢ ᠰᠠᠶ᠋ᠢ ᠭᠤᠳᠤᠯ ᠳᠤᠷ ᠬᠦᠷᠳᠡᠭ᠂ ᠬᠤᠢ ᠰᠠᠯᠬᠢ ᠢᠷᠡᠬᠦ ᠰᠢᠭ | ᠲᠦᠷᠭᠡᠨ ᠪᠥᠭᠡᠳ ᠠᠭᠤᠯᠠ ᠨᠤᠷᠠᠭᠠᠮᠠᠷ ᠬᠦᠴᠦᠨ ᠲᠠᠢ᠂ ᠵᠡᠭᠦᠨᠰᠢ ᠨᠤᠭᠤᠯᠤᠷᠠᠨ ᠡᠷᠭᠢᠯᠳᠦᠬᠦ ᠨᠢ ᠵᠢᠭᠦᠷᠲᠡᠨ ᠠᠮᠢᠳᠠᠨ ᠰᠢᠭ᠋ ᠬᠥᠩᠭᠡᠨ ᠪᠣᠯᠬᠤᠷ ᠵᠡᠭᠦᠨᠰᠢ ᠬᠢ ᠶᠢ | ᠠᠩᠬᠠᠷᠤᠨ᠂ ᠪᠠᠷᠠᠭᠤᠨᠰᠢ ᠬᠢ ᠶᠢ ᠬᠠᠷᠪᠤᠬᠤ ᠳᠠᠭᠠᠨ ᠴᠢᠳᠠᠮᠠᠭᠠᠢ ᠪᠦᠯᠦᠭᠡ᠃ ᠬᠤᠳᠠᠷᠭᠠᠨ ᠭᠤᠳᠤᠰ ᠨᠠᠮᠨᠠᠬᠤ ᠪᠠᠷ ᠦᠯᠦ ᠪᠠᠷᠠᠮ ᠶᠠᠪᠠᠭᠠᠨ ᠢᠶᠠᠷ ᠬᠠᠷᠪᠤᠬᠤ ᠳᠠᠭᠠᠨ | ᠬᠥᠯ ᠢᠶᠠᠨ ᠠᠯᠴᠠᠶᠢᠨ ᠵᠣᠭᠰᠣᠵᠤ ᠠᠯᠬᠤᠴᠠ ᠨᠢ ᠠᠭᠤᠳᠠᠮ᠂ ᠭᠤᠶᠠ ᠪᠠᠨ ᠨᠤᠬᠳᠤᠯᠭᠠᠵᠦ᠂ ᠨᠢᠷᠤᠭᠤ ᠪᠠᠨ ᠪᠥᠭᠲᠥᠶᠢᠬᠦ ᠪᠣᠯᠬᠤᠷ ᠬᠦᠴᠦᠲᠡᠢ ᠪᠥᠭᠡᠳ ᠬᠠᠪᠲᠠᠰᠤ ᠶᠢ | ᠨᠡᠪᠲᠡ ᠰᠢᠪᠲᠤᠯᠵᠤ ᠴᠢᠳᠠᠮᠤᠢ︾ ᠭᠡᠵᠡᠢ᠃ ᠠᠳᠡ ᠮᠣᠷᠢᠨ ᠳᠡᠭᠡᠷᠡ ᠠᠴᠠ ᠨᠠᠮᠨᠠᠬᠤ ᠪᠣᠯᠣᠨ ᠶᠠᠪᠠᠭᠠᠨ ᠢᠶᠠᠷ ᠬᠠᠷᠪᠤᠬᠤ ᠠᠷᠭᠠ ᠶᠢ ᠶᠠᠷᠢᠵᠠᠢ᠃ |