| ᠪᠢᠯᠠᠭᠤ ᠪᠣᠯ ᠮᠣᠩᠭᠤᠯᠴᠤᠳ ᠤᠨ ᠡᠷᠲᠡ ᠳᠡᠭᠡᠳᠦ ᠦᠶᠡ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠵᠡᠪᠰᠡᠭ᠂ ᠠᠪᠠ ᠠᠩᠨᠠᠯ ᠤᠨ ᠪᠠᠭᠠᠵᠢ᠂ | ᠪᠣᠯᠪᠠᠰᠤᠷᠠᠯ ᠨᠠᠭᠠᠳᠤᠮ ᠤᠨ ᠬᠡᠷᠡᠭᠯᠡᠭᠦᠷ ᠪᠥᠭᠡᠳ ᠮᠣᠩᠭᠤᠯ ᠠᠶᠢᠯ ᠤᠨ ᠭᠡᠷ ᠤᠨ ᠡᠷᠳᠡᠨᠢ ᠶᠤᠮ᠃ | ᠪᠢᠯᠠᠭᠤ ᠰᠢᠳᠡᠬᠦ ᠬᠥᠳᠡᠯᠭᠡᠭᠡᠨ ᠨᠢ ᠬᠥᠮᠥᠨ ᠤ ᠪᠡᠶᠡ ᠮᠠᠬᠠᠪᠤᠳ ᠲᠤ ᠲᠤᠶᠢᠯ ᠢᠶᠠᠷ ᠠᠰᠢᠭᠲᠠᠢ ᠪᠠᠶᠢᠳᠠᠭ᠃ ᠪᠢᠯᠠᠭᠤ ᠴᠣᠬᠢᠬᠤ ᠦᠶᠡ ᠳᠤ ᠭᠦᠶᠦᠵᠦ | ᠪᠠᠶᠢᠭᠠᠳ ᠴᠣᠬᠢᠬᠤ ᠲᠤᠯᠠ ᠬᠥᠮᠥᠨ ᠤ ᠭᠦᠶᠦᠵᠦ ᠬᠠᠷᠠᠶᠢᠬᠤ ᠴᠢᠳᠠᠪᠤᠷᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠳᠡᠭ᠃ ᠪᠠᠰᠠ ᠨᠢᠷᠤᠭᠤ ᠴᠡᠭᠡᠵᠢ᠂ ᠮᠥᠷᠥ ᠶᠢᠨ ᠬᠦᠴᠦ ᠶᠢ | ᠪᠤᠯᠪᠠᠰᠤᠷᠠᠭᠤᠯᠬᠤ ᠮᠥᠷᠲᠡᠭᠡᠨ ᠪᠦᠬᠦ ᠪᠡᠶᠡ ᠶᠢᠨ ᠵᠣᠬᠢᠴᠠᠩᠭᠤᠢ ᠴᠢᠨᠠᠷ ᠪᠣᠯᠣᠨ ᠤᠶᠠᠨ ᠬᠠᠳᠠᠨ ᠴᠢᠨᠠᠷ ᠢ ᠲᠡᠭᠡᠭᠰᠢᠯᠡᠭᠦᠯᠬᠦ ᠳᠤ ᠠᠰᠢᠭᠲᠠᠢ ᠪᠠᠶᠢᠳᠠᠭ᠃ ᠪᠢᠯᠠᠭᠤ ᠳᠤ | ᠣᠩᠭᠢᠨ ᠪᠢᠯᠠᠭᠤ᠂ ᠵᠢᠷᠦᠬᠡᠨ ︵ᠳᠡᠭᠦᠵᠢᠩ︶ ᠪᠢᠯᠠᠭᠤ᠂ ᠬᠠᠶᠢᠪ ︵ᠬᠠᠶᠠᠮᠠᠯ︶ ᠭᠡᠵᠦ ᠶᠡᠭᠡ ᠲᠥᠯᠥᠪ ᠭᠤᠷᠪᠠᠨ ᠬᠡᠯᠪᠡᠷᠢ ᠪᠠᠶᠢᠳᠠᠭ᠃ ᠪᠢᠯᠠᠭᠤ ᠶᠢ ᠣᠩᠭᠢ ᠪᠠ ᠵᠢᠷᠦᠬᠡ ᠶᠢ | ᠳᠤᠭᠤᠯᠠᠭᠠ ᠪᠤᠶᠤ ᠵᠡᠰ ᠭᠠᠤᠯᠢ᠂ ᠲᠡᠮᠦᠷ ᠢᠶᠠᠷ ᠬᠢᠳᠡᠭ᠃ ᠪᠢᠯᠠᠭᠤ ᠶᠢᠨ ᠡᠰᠢ ᠶᠢ ᠬᠠᠶᠢᠯᠠᠰᠤ᠂ ᠰᠢᠷᠠ ᠳᠠᠯᠳᠤᠨ ᠮᠣᠳᠣ ᠪᠠᠷ ᠮᠠᠳᠠᠵᠦ ᠬᠢᠨᠡ᠃ ᠪᠢᠯᠠᠭᠤ ᠨᠢ ᠭᠠᠷ ᠤᠨ | ᠬᠦᠴᠦ ᠪᠠᠨ ᠦᠨᠳᠦᠰᠦᠯᠡᠨ ᠲᠠᠤᠯᠠᠢ ᠴᠣᠬᠢᠬᠤ᠂ ᠴᠢᠨ᠋ᠸᠠ ᠴᠣᠬᠢᠬᠤ ᠪᠠᠷ ᠣᠩᠭᠢ ᠶᠢ ᠨᠢ ᠴᠢᠳᠬᠤᠳᠠᠭ᠃ ᠪᠢᠯᠠᠭᠤ ᠶᠢᠨ ᠡᠰᠢ ᠶᠢ ᠬᠡᠷᠡᠭᠯᠡᠬᠦ ᠬᠥᠮᠥᠨ ᠤ ᠪᠠᠨ ᠵᠢᠷᠭᠤᠭᠠᠨ | ᠪᠠᠷᠢᠮ ᠬᠭᠠᠰ ᠣᠷᠴᠢᠮ ᠤᠷᠲᠦ ᠬᠢᠳᠡᠭ᠃ | ᠪᠢᠯᠠᠭᠤ ᠴᠣᠬᠢᠬᠤ ᠬᠥᠳᠡᠯᠭᠡᠭᠡᠨ ᠳᠤ ᠭᠠᠯᠠᠭᠤ ᠴᠣᠬᠢᠬᠤ᠂ ᠳ᠋ᠢᠩᠭᠠ ᠴᠣᠬᠢᠬᠤ᠂ ᠲᠤᠩᠭᠠ ᠴᠣᠬᠢᠬᠤ᠂ ᠮᠠᠨᠤᠤᠯ ᠴᠣᠬᠢᠬᠤ᠂ ᠳᠤᠭᠤᠢ ᠴᠣᠬᠢᠬᠤ᠂ ᠲᠠᠤᠯᠠᠢ ᠴᠣᠬᠢᠬᠤ | ᠵᠡᠷᠭᠡ ᠬᠡᠯᠪᠡᠷᠢ ᠪᠠᠶᠢᠳᠠᠭ᠃ ᠵᠤᠤ ᠤᠳᠠ ᠶᠢᠨ ᠪᠠᠭᠠᠷᠢᠨ᠂ ᠠᠷᠤ ᠬᠤᠷᠴᠢᠨ᠂ ᠣᠩᠨᠢᠭᠤᠳ ᠢᠶᠠᠷ ᠤᠤᠯ ᠳᠤ ᠪᠠᠨ ᠲᠠᠤᠯᠠᠢ ᠶᠢᠨ ᠠᠪᠠ ᠳᠡᠭᠡᠷᠡ ᠮᠣᠷᠢᠨ ᠤ ᠲᠣᠷᠭᠠᠨ | ᠭᠦᠶᠦᠳᠡᠯ ᠳᠡᠭᠡᠷᠡ ᠭᠦᠶᠦᠭᠡ ᠲᠠᠤᠯᠠᠢ ᠶᠢ ᠤᠨᠤᠪᠴᠢᠲᠠᠢ ᠴᠣᠬᠢᠵᠤ ᠠᠪᠠᠯᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠪᠢᠯᠠᠭᠤ ᠴᠣᠬᠢᠬᠤ ᠬᠥᠳᠡᠯᠭᠡᠭᠡᠨ ᠨᠢ ᠥᠪᠥᠷ ᠮᠣᠩᠭᠤᠯ ᠤᠨ ᠵᠤᠤ | ᠤᠳᠠ᠂ ᠵᠢᠷᠢᠮ᠂ ᠬᠥᠯᠥᠨ ᠪᠤᠶᠢᠷ ᠢᠶᠠᠷ ᠬᠠᠷᠠᠭᠳᠠᠵᠤ ᠪᠠᠶᠢᠳᠠᠭ᠃ | ᠪᠢᠯᠠᠭᠤ ᠴᠣᠬᠢᠬᠤ ᠶᠢ ᠮᠣᠷᠢᠨ ᠳᠡᠭᠡᠷᠡ ᠠᠴᠠ ᠴᠣᠬᠢᠬᠤ ᠪᠠ ᠶᠠᠪᠠᠭᠠᠨ ᠴᠣᠬᠢᠬᠤ︔ ᠶᠠᠪᠠᠭᠠᠨ ᠴᠣᠬᠢᠬᠤ ᠳᠤ ᠣᠷᠣᠨ ᠳᠤ ᠪᠠᠨ ᠵᠣᠭᠰᠣᠵᠤ ᠴᠣᠬᠢᠬᠤ ᠪᠠ | ᠣᠭᠵᠣᠮ ᠭᠦᠶᠦᠭᠡᠳ ᠴᠣᠬᠢᠬᠤ ᠭᠡᠵᠦ ᠪᠤᠢ᠃ ᠮᠥᠷᠥᠶᠢᠴᠡᠭᠡᠨ ᠳᠤ ᠪᠢᠯᠠᠭᠤ ᠶᠢ ᠬᠤᠯᠠ ᠴᠣᠬᠢᠬᠤ ᠪᠠ ᠤᠨᠤᠪᠴᠢᠲᠠᠢ ᠴᠣᠬᠢᠬᠤ ᠭᠡᠵᠦ ᠬᠤᠶᠠᠷ ᠬᠡᠯᠪᠡᠷᠢ ᠬᠤᠪᠢᠶᠠᠳᠠᠭ ᠃ | | ᠪᠢᠯᠠᠭᠤ ᠶᠢᠨ ᠲᠤᠬᠠᠢ ᠵᠠᠩ ᠦᠢᠯᠡ ᠳᠤ ᠮᠣᠩᠭᠤᠯᠴᠤᠳ ᠠᠩ ᠬᠢᠬᠦ ᠠᠴᠠ ᠭᠠᠳᠠᠨᠠ ᠮᠠᠯ ᠰᠦᠷᠦᠭ ᠲᠤ ᠪᠠᠨ ᠶᠠᠪᠤᠬᠤ ᠳᠤ ᠪᠢᠯᠠᠭᠤ ᠰᠤᠶᠢᠷᠠᠵᠤ ᠶᠠᠪᠤᠳᠠᠭ᠃ | ᠡᠨᠡ ᠨᠢ ᠴᠢᠨ᠋ᠸᠠ ᠨᠣᠬᠠᠢ ᠮᠠᠯ ᠰᠦᠷᠦᠭ ᠲᠤ ᠣᠷᠣᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠮᠥᠷᠲᠡᠭᠡᠨ ᠮᠠᠯ ᠡᠷᠭᠢᠭᠦᠯᠬᠦ ᠳᠤ ᠵᠠᠷᠤᠳᠠᠭ ᠪᠠᠶᠢᠨᠠ᠃ ᠡᠷᠡ ᠬᠥᠮᠥᠨ ᠮᠠᠯ᠂ ᠲᠠᠷᠢᠶᠠ᠂ ᠲᠦᠯᠡᠭᠡ᠂ | ᠮᠣᠳᠣᠨ ᠳᠤ ᠶᠠᠪᠤᠬᠤ ᠳᠤ ᠪᠢᠯᠠᠭᠤ ᠠᠪᠴᠤ ᠶᠠᠪᠤᠳᠠᠭ᠃ ᠪᠢᠯᠠᠭᠤ ᠪᠠᠨ ᠰᠤᠶᠢᠷᠠᠵᠤ ᠠᠶᠢᠯ ᠤᠨ ᠭᠡᠷ ᠲᠤ ᠣᠷᠣᠬᠤ ᠦᠭᠡᠢ᠂ ᠵᠠᠪᠠᠯ ᠭᠠᠳᠠᠨᠠ ᠡᠭᠦᠳᠡᠨ ᠤ | ᠬᠠᠵᠠᠭᠤ ᠳᠠᠬᠢ ᠡᠯᠭᠦᠭᠦᠷ ᠳᠡᠭᠡᠷᠡ ᠡᠯᠭᠦᠵᠦ ᠲᠠᠯᠪᠢᠳᠠᠭ᠃ ᠠᠶᠢᠯ ᠤᠨ ᠵᠣᠴᠢᠨ ᠤ ᠪᠢᠯᠠᠭᠤ ᠶᠢ ᠬᠡᠦᠬᠡᠳ ᠢᠶᠠᠷ ᠢᠶᠠᠨ ᠨᠠᠭᠠᠳᠤᠭᠤᠯᠬᠤ ᠦᠭᠡᠢ᠂ ᠪᠢᠯᠠᠭᠤ ᠪᠠᠨ ᠳᠡᠭᠡᠷᠡ | ᠳᠣᠣᠷᠠ ᠬᠠᠶᠠᠵᠤ ᠬᠥᠮᠥᠨ ᠮᠠᠯ ᠢᠶᠠᠷ ᠭᠢᠰᠬᠢᠭᠦᠯᠬᠦ ᠶᠢ ᠲᠠᠰᠤ ᠴᠡᠭᠡᠷᠯᠡᠨᠡ᠃ ᠪᠢᠯᠠᠭᠤ ᠪᠠᠨ ᠭᠡᠭᠡᠭᠡᠳ ᠪᠠᠶᠢᠬᠤ ᠳᠤ ᠣᠯᠵᠤ ᠠᠪᠤᠭᠰᠠᠨ ᠡᠵᠡᠨ ᠳᠤ ᠰᠠᠶᠢᠲᠤᠷ | ᠲᠠᠯᠠᠷᠬᠠᠨᠠ᠃ ᠬᠦᠦ ᠲᠠᠢ ᠪᠣᠯᠪᠠᠯ ᠤᠢ ᠶᠢᠨ ᠬᠤᠷᠢᠮ ᠳᠡᠭᠡᠷᠡ ᠬᠡᠦᠬᠡᠳ ᠢᠶᠠᠷ ᠢᠶᠠᠨ ᠡᠳ᠋ ᠪᠠᠷᠠᠭᠠ ᠰᠣᠩᠭᠤᠭᠤᠯᠬᠤ ᠳᠤ ᠪᠢᠯᠠᠭᠤ ᠲᠠᠯᠪᠢᠳᠠᠭ᠃ ᠬᠡᠦᠬᠡᠳ ᠨᠢ ᠪᠢᠯᠠᠭᠤ | ᠠᠪᠤᠭᠰᠠᠨ ᠪᠠᠶᠢᠪᠠᠯ ᠠᠲᠠᠭᠠᠲᠠᠨ ᠳᠠᠶᠢᠰᠤᠨ ᠢ ᠥᠨᠳᠡᠶᠢᠯᠭᠡᠳᠡᠭ ᠦᠭᠡᠢ ᠰᠠᠶᠢᠨ ᠡᠷᠡ ᠪᠣᠯᠣᠨᠠ ᠭᠡᠵᠦ ᠪᠡᠯᠭᠡᠰᠢᠶᠡᠳᠡᠭ᠃ ᠤᠯᠠᠨ ᠬᠦᠦ ᠲᠠᠢ ᠬᠥᠮᠥᠨ ᠬᠦᠦ ᠨᠢ ᠪᠢᠯᠠᠭᠤ | ᠵᠠᠷᠤᠬᠤ ᠨᠠᠰᠤᠨ ᠳᠤ ᠬᠦᠷᠦᠮᠡᠭᠴᠡ ᠪᠢᠯᠠᠭᠤ ᠴᠢᠳᠬᠤᠭᠤᠯᠵᠤ ᠭᠠᠷ ᠤᠨ ᠵᠡᠪᠰᠡᠭ ᠲᠠᠢ ᠪᠣᠯᠭᠠᠳᠠᠭ᠃ ᠪᠢᠯᠠᠭᠤ ᠪᠠᠷ ᠰᠠᠶᠢᠨ ᠬᠥᠮᠥᠨ ᠢ ᠴᠣᠬᠢᠵᠤ ᠪᠤᠯᠳᠠᠬ ᠦᠭᠡᠢ ᠭᠡᠬᠦ | ᠮᠡᠲᠦ᠃ |