| ● ᠬᠥᠭᠵᠢᠯ | ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤᠨ ᠨᠢᠭᠡ ᠪᠤᠯᠬᠤ ᠪᠦᠭᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠪᠣᠯ ᠮᠣᠩᠭᠤᠯ ᠬᠥᠮᠥᠨ ᠤ ᠡᠷᠡᠯᠬᠡᠭ ᠵᠣᠷᠢᠭ ᠢ ᠭᠠᠶᠢᠬᠠᠭᠤᠯᠤᠭᠰᠠᠨ | ᠤᠯᠠᠮᠵᠢᠯᠠᠯᠲᠤ ᠨᠠᠭᠠᠳᠤᠮ ᠤᠨ ᠲᠦᠷᠦᠯ ᠪᠣᠯᠣᠨᠠ᠃ ᠡᠸᠦ᠋ᠷᠦᠫᠡᠴᠦᠳ ᠨᠣᠭᠤᠭᠠᠨ ᠵᠦᠯᠭᠡᠨ ᠳᠡᠭᠡᠷᠡᠬᠢ ᠭᠠᠶᠢᠬᠠᠮᠰᠢᠭ ᠪᠣᠯᠤᠭᠰᠠᠨ ᠪᠦᠯ ᠪᠥᠮᠪᠦᠭᠡ ᠪᠠᠨ | ᠱᠣᠬᠤᠭᠤᠷᠬᠠᠳᠠᠭ ᠪᠣᠯ ᠮᠣᠩᠭᠤᠯᠴᠤᠳ ᠴᠦ ᠲᠠᠷᠠ ᠯᠡ ᠶᠣᠰᠣ ᠪᠠᠷ ᠮᠣᠩᠭᠤᠯ ᠪᠦᠭᠡ ᠪᠠᠨ ᠱᠣᠬᠤᠭᠤᠷᠬᠠᠵᠤ ᠮᠣᠩᠭᠤᠯ ᠪᠦᠭᠡ ᠪᠠᠷ ᠢᠶᠠᠨ ᠣᠮᠣᠭᠰᠢᠳᠠᠭ᠃ | ᠨᠢᠭᠡ᠂ ᠮᠣᠩᠭᠤᠯ ᠪᠦᠭᠡ ᠶᠢᠨ ᠤᠷᠠ ᠲᠠᠮ | ᠮᠣᠩᠭᠤᠯᠴᠤᠳ ᠪᠦᠭᠡ ᠪᠠᠷ ᠢᠶᠠᠨ ᠪᠠᠭ᠋ᠠᠳᠤᠨ ᠣᠮᠣᠭᠰᠢᠵᠤ ᠪᠦᠭᠡ ᠰᠢᠭ ᠢᠶᠠᠨ ᠴᠢᠭᠢᠷᠠᠭ ᠶᠠᠪᠤᠬᠤ ᠶᠢ ᠪᠡᠯᠭᠡᠳᠡᠨ ᠵᠥᠩᠨᠡᠳᠡᠭ ᠪᠣᠯᠬᠤᠷ ᠲᠡᠦᠬᠡᠨ ᠠᠴᠠ ᠪᠠᠨ | ᠠᠪᠤᠭᠠᠳ ᠪᠦᠭᠡ ᠨᠢ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ᠂ ᠵᠣᠷᠢᠭ ᠰᠠᠨᠠᠭᠠᠨ ᠤ ᠪᠡᠯᠭᠡᠳᠡᠯ ᠪᠣᠯᠵᠤ ᠢᠷᠡᠵᠡᠢ᠃ ︽ᠬᠥᠮᠥᠨ ᠪᠤᠯᠬᠤ ᠳᠤ | ᠪᠠᠭᠠ ᠠᠴᠠ ᠪᠠᠨ ᠭᠦᠯᠦᠭ ᠪᠤᠯᠬᠤ ᠳᠤ ᠤᠨᠠᠭᠠᠨ ᠠᠴᠠ ᠪᠠᠨ︾ ᠭᠡᠳᠡᠭᠴᠢᠯᠡᠨ ᠮᠣᠩᠭᠤᠯ ᠬᠡᠦᠬᠡᠳ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠪᠦᠭᠡ ᠪᠠᠨ ᠪᠠᠷᠢᠯᠳᠤᠵᠤ ᠤᠷᠠ ᠲᠠᠮ᠂ | ᠤᠬᠠᠭᠠᠨ ᠰᠠᠨᠠᠭᠠ᠂ ᠰᠥᠰᠥ ᠵᠣᠷᠢᠭ ᠢᠶᠠᠨ ᠰᠢᠯᠭᠠᠵᠤ ᠤᠷᠤᠯᠳᠤᠨᠠ᠃ ᠮᠣᠩᠭᠤᠯ ᠪᠦᠭᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠨᠢ ᠬᠤᠶᠠᠷ ᠬᠥᠮᠥᠨ ᠬᠠᠷᠢᠯᠴᠠᠨ ᠨᠢᠭᠡᠨ ᠨᠢᠭᠡᠨ ᠢᠶᠠᠨ | ᠤᠨᠠᠭᠠᠬᠤ ᠪᠠᠷ ᠥᠷᠢᠰᠦᠯᠳᠦᠨ ᠲᠡᠮᠡᠴᠡᠳᠡᠭ ᠤᠴᠢᠷ ᠥᠷᠢᠰᠦᠯᠳᠦᠭᠴᠢ ᠪᠠᠨ ᠢᠯᠠᠬᠤ ᠶᠠᠪᠤᠴᠠ ᠳᠤ ᠬᠦᠴᠦ ᠲᠠᠮᠢᠷ᠂ ᠤᠷᠠ ᠲᠡᠮ ᠱᠠᠭᠠᠷᠳᠠᠳᠠᠭ᠃ ᠪᠦᠭᠡ ᠶᠢᠨ ᠤᠷᠮᠠ | ᠲᠠᠮ ᠳᠤ᠄ | 1. ᠲᠠᠲᠠᠭᠠ᠄ ᠪᠦᠭᠡ ᠶᠢᠨ ᠦᠨᠳᠦᠰᠦᠨ ᠤᠷᠮᠠ ᠲᠠᠮ ᠤᠨ ᠨᠢᠭᠡ᠃ ᠲᠠᠲᠠᠭᠠ ᠨᠢ ᠰᠢᠭᠤᠳ ᠬᠥᠯ ᠢᠶᠠᠷ ᠢᠶᠠᠨ ᠨᠦᠭᠦᠭᠡ ᠡᠲᠡᠭᠡᠳ ᠢᠶᠠᠨ ᠬᠥᠨᠳᠡᠭᠡᠬᠦ ᠦᠭᠡᠢ | ᠴᠦ ᠵᠠᠪᠠᠯ ᠬᠥᠯ ᠤᠨ ᠬᠥᠳᠡᠯᠭᠡᠭᠡᠨ ᠪᠡᠶᠡ ᠶᠢᠨ ᠪᠠᠶᠢᠳᠠᠯ ᠲᠡᠩᠴᠡᠭᠦᠯᠦᠨ ᠬᠢᠳᠡᠭ ᠲᠤᠯᠠ ᠪᠦᠭᠦ ᠪᠡᠶᠡ ᠶᠢᠨ ᠬᠥᠳᠡᠯᠭᠡᠭᠡᠨ ᠢᠶᠠᠨ ᠵᠣᠬᠢᠴᠠᠭᠤᠯᠬᠤ ᠬᠡᠷᠡᠭᠲᠡᠢ ᠪᠠᠶᠢᠳᠠᠭ᠃ | ᠲᠠᠲᠠᠭᠠ ᠬᠢᠬᠦ ᠳᠤ ᠣᠷᠣᠨ ᠢᠶᠠᠷ ᠪᠠᠷᠢᠴᠠ ᠪᠠᠨ ᠬᠤᠨᠵᠢᠵᠤ ᠡᠰᠡᠷᠭᠦ ᠡᠲᠡᠭᠡᠳ ᠤᠨ ᠪᠠᠭᠤᠷᠠᠢ ᠲᠠᠯᠠ ᠶᠢ ᠠᠰᠢᠭᠯᠠᠨ ᠲᠠᠲᠠᠵᠤ ᠤᠨᠠᠭᠠᠳᠠᠭ᠃ ᠲᠠᠲᠠᠭᠠ ᠬᠢᠬᠦ ᠳᠤ ᠵᠠᠪᠠᠯ | ᠠᠩᠬᠠᠷᠬᠤ ᠨᠢᠭᠡᠨ ᠵᠦᠢᠯ ᠪᠣᠯ ᠠᠯᠬᠤᠯᠲᠠ ᠵᠥᠪ ᠪᠠᠶᠢᠯᠭᠠᠬᠤ ᠶᠠᠪᠤᠳᠠᠯ ᠪᠣᠯᠣᠨᠠ᠃ ᠳᠠᠷᠤᠢ ᠬᠠᠭᠤᠷᠮᠠᠭ ᠬᠥᠳᠡᠯᠭᠡᠭᠡᠨ ᠢᠶᠠᠷ ᠡᠰᠡᠷᠭᠦ ᠡᠲᠡᠭᠡᠳ ᠤᠨ ᠢᠶᠠᠨ ᠬᠦᠨᠳᠦ ᠶᠢᠨ | ᠲᠥᠪ ᠢ ᠬᠥᠳᠡᠯᠭᠡᠨ ᠥᠪᠡᠷ ᠤᠨ ᠬᠦᠨᠳᠦ ᠶᠢᠨ ᠲᠥᠪ᠂ ᠳᠠᠷᠤᠢ ᠪᠡᠶᠡ ᠪᠠᠨ ᠪᠤᠰᠢᠭᠤ ᠱᠠᠯᠠᠮᠠᠭᠠᠢ ᠵᠠᠶᠢᠯᠠᠭᠤᠯᠵᠤ ᠪᠤᠰᠤᠳ ᠤᠨ ᠣᠶᠢᠴᠢᠬᠤ ᠣᠷᠣᠨ ᠢ ᠦᠯᠡᠳᠡᠭᠡᠵᠦ | ᠥᠭᠬᠦ ᠶᠠᠪᠤᠳᠠᠯ ᠪᠣᠯᠣᠨᠠ᠃ | 2. ᠡᠯᠭᠦᠭᠡ᠄ ᠨᠦᠭᠦᠭᠡ ᠡᠲᠡᠭᠡᠳ ᠤᠨ ᠢᠶᠠᠨ ᠨᠢᠭᠡ ᠬᠥᠯ ᠢ ᠱᠠᠭᠠ ᠪᠤᠶᠤ ᠦᠰᠦᠭᠡᠢ ᠪᠠᠷ ᠨᠢ ᠡᠯᠭᠦᠵᠦ ᠭᠠᠷᠭᠠᠬᠤ᠃ 1990 ᠣᠨ ᠤ ᠰᠢᠯᠢ ᠶᠢᠨ ᠭᠤᠣᠯ | ᠠᠶᠢᠮᠠᠭ ᠤᠨ ᠮᠢᠩᠭᠠᠨ ᠪᠦᠭᠡ ᠶᠢᠨ ᠳᠡᠭᠡᠳᠦ ᠨᠠᠢᠮᠠ ᠶᠢᠨ ᠤᠨᠤᠭᠠᠨ ᠳᠤ ᠵᠡᠭᠦᠨ ᠦᠵᠦᠮᠦᠴᠢᠨ ᠤ ᠪᠤᠶᠠᠨᠠ ᠵᠡᠭᠦᠨ ᠰᠥᠨᠢᠳ ᠤᠨ ᠠᠮᠤᠭᠤᠯᠠᠩ ᠢ ᠶᠠᠭ ᠡᠶᠢᠮᠦᠷᠬᠦᠦ | ᠬᠢᠳᠡᠯ ᠢᠶᠠᠷ ᠡᠯᠭᠦᠵᠦ ᠬᠠᠶᠠᠭᠰᠠᠨ ᠶᠤᠮ᠃ | 3. ᠲᠡᠭᠡᠭᠡ᠄ ᠥᠷᠥᠭᠡᠰᠦᠨ ᠬᠥᠯ ᠢᠶᠠᠷ ᠢᠶᠠᠨ ᠨᠦᠭᠦᠭᠡ ᠡᠲᠡᠭᠡᠳ ᠤᠨ ᠢᠶᠠᠨ ᠬᠥᠯ ᠢ ︵ᠵᠡᠭᠦᠨ ᠬᠥᠯ ᠢ ᠪᠠᠷᠠᠭᠤᠨ ᠬᠥᠯ ᠢᠶᠠᠷ︶ ᠳᠣᠲᠣᠷ ᠲᠠᠯᠠ ᠠᠴᠠ ᠨᠢ | ᠪᠤᠯᠴᠢᠩ ᠠᠴᠠ ᠳᠣᠷᠣᠭᠰᠢᠬᠢ ᠬᠡᠰᠡᠭ ᠢᠶᠠᠷ ᠭᠠᠳᠠᠭᠰᠢ ᠳᠡᠭᠡᠭᠡᠯᠡᠵᠦ ᠠᠷᠤᠨᠰᠢ ᠬᠦᠴᠦᠲᠡᠢ ᠲᠡᠶᠢᠷᠦᠨ ᠳᠡᠭᠡᠭᠡᠯᠡᠬᠦ᠃ ᠲᠡᠭᠡᠭᠡ ᠶᠢ ᠡᠪ ᠲᠣᠬᠢᠷᠠᠭᠰᠠᠨ ᠪᠠᠶᠢᠳᠠᠯ ᠳᠤ ᠶᠠᠮᠠᠷ | ᠴᠦ ᠪᠦᠭᠡ ᠪᠦᠷ ᠬᠢᠳᠡᠭ᠃ | 4. ᠥᠰᠥᠭᠡᠶᠢᠳᠡᠭᠡ᠄ ᠬᠥᠯ ᠤᠨ ᠦᠵᠦᠭᠦᠷ ᠢᠶᠠᠷ ᠢᠶᠠᠨ ᠥᠷᠢᠰᠦᠯᠳᠦᠭᠴᠢ ᠶᠢᠨ ᠬᠤᠶᠠᠷ ᠬᠥᠯ ᠤᠨ ᠬᠤᠭᠤᠷᠣᠨᠳᠤᠭᠤᠷ ᠳᠣᠲᠣᠭᠰᠢ ᠭᠤᠬᠠᠳᠠᠬᠤ᠃ ᠠᠪᠤᠷᠭᠤ | ᠪᠠᠶᠠᠷᠪᠠᠭᠠᠲᠤᠷ 2006 ᠣᠨ ᠳᠤ ︽ᠪᠤᠷᠬᠠᠨ ᠬᠠᠯᠲᠤᠨ︾ ᠺᠠᠯᠦ᠋ᠪ ᠤᠨ ᠤᠤᠭᠠᠨ ᠨᠠᠶᠢᠷ ᠲᠤ ᠰᠢᠯᠤᠭᠤᠨ ᠴᠠᠭᠠᠨ ᠤ ᠮᠢ᠊ · ᠰᠣᠶᠣᠯ ᠢ ᠥᠰᠥᠭᠡᠶᠢᠳᠡᠵᠦ ᠬᠠᠶᠠᠪᠠ᠃ | 5. ᠴᠣᠬᠢᠶᠠ᠄ ᠥᠷᠥᠭᠡᠰᠦᠨ ᠬᠥᠯ ᠢᠶᠠᠷ ᠨᠦᠭᠦᠭᠡ ᠡᠲᠡᠭᠡᠳ ᠤᠨ ᠢᠶᠠᠨ ᠬᠥᠯ ᠢ ᠪᠤᠯᠴᠢᠩ ᠠᠴᠠ ᠳᠣᠷᠣᠭᠰᠢᠬᠢ ᠬᠡᠰᠡᠭ ᠢᠶᠠᠷ ᠭᠠᠳᠠᠷ ᠲᠠᠯᠠ ᠠᠴᠠ ᠨᠢ | ᠬᠦᠴᠦᠲᠡᠢ ᠲᠠᠰᠢᠵᠤ ᠬᠠᠪᠰᠤᠷᠬᠤ᠃ 1997 ᠣᠨ ᠤ ᠣᠷᠣᠨ ᠤ ᠨᠠᠶᠢᠷ ᠤᠨ 512 ᠪᠦᠭᠡ ᠶᠢᠨ ᠲᠡᠷᠢᠭᠦᠨ ᠳᠡᠳ᠋ ᠤᠨ ᠲᠡᠮᠡᠴᠡᠭᠡᠨ ᠳᠤ ᠰᠢᠯᠤᠭᠤᠨ ᠬᠥᠬᠡ ᠶᠢᠨ | ᠬᠠᠳᠠ ᠰᠡᠴᠡᠨᠪᠥ᠋ᠬᠡ ᠶᠢ ᠴᠣᠬᠢᠶᠠ ᠡᠷᠳᠡᠮ ᠢᠶᠠᠷ ᠬᠠᠶᠠᠭᠰᠠᠨ ᠪᠠᠶᠢᠨᠠ᠃ | 6. ᠬᠥᠨᠲᠥᠷᠦᠭᠡ᠄ ᠵᠢᠰᠢᠭᠦᠯᠵᠦ ᠣᠷᠣᠭᠠᠳ ᠲᠠᠰᠢᠶᠠᠯᠠᠨ ᠲᠤᠩᠭᠤᠷᠴᠤ ᠭᠠᠷᠭᠠᠬᠤ᠃ | 7. ᠡᠭᠦᠷᠦᠭᠡ᠄ ᠨᠦᠭᠦᠭᠡ ᠡᠲᠡᠭᠡᠳ ᠢᠶᠠᠨ ᠡᠭᠦᠷᠦᠭᠡᠳ ᠤᠷᠤᠭᠰᠢ ᠬᠥᠮᠥᠷᠢᠨ ᠭᠠᠷᠭᠠᠬᠤ᠃ ᠡᠭᠦᠷᠦᠭᠡ ᠪᠣᠯ ᠬᠤᠶᠠᠷ ᠬᠥᠯ ᠵᠣᠭᠰᠣᠭᠰᠠᠨ ᠶᠣᠰᠣᠭᠠᠷ ᠬᠢᠳᠡᠭ | ᠡᠷᠳᠡᠮ ᠶᠤᠮ᠃ ᠭᠡᠬᠦ ᠳᠤ ᠤᠷᠢᠳ ᠢᠶᠠᠷ ᠵᠠᠪᠠᠯ ᠡᠰᠡᠷᠭᠦ ᠡᠲᠡᠭᠡᠳ ᠢᠶᠠᠨ ᠲᠠᠲᠠᠵᠤ ᠠᠯᠬᠤᠭᠤᠯᠬᠤ ᠪᠤᠶᠤ ᠪᠠᠷᠢᠴᠠ ᠳᠠᠭᠠᠭᠤᠯᠤᠨ ᠠᠯᠬᠤᠭᠤᠯᠳᠠᠭ᠃ | ᠬᠤᠶᠠᠷ᠂ ᠮᠣᠩᠭᠤᠯ ᠪᠦᠭᠡ ᠶᠢᠨ ᠠᠴᠢ ᠲᠤᠰᠠ | 1. ᠦᠨᠳᠦᠰᠦᠲᠡᠨ ᠤ ᠰᠣᠶᠣᠯ ᠢ ᠤᠯᠠᠮᠵᠢᠯᠠᠨ ᠬᠥᠭᠵᠢᠭᠦᠯᠬᠦ | ᠥᠨᠥᠳᠥᠷ ᠤᠨ ᠮᠣᠩᠭᠤᠯᠴᠤᠳ ᠲᠤ ᠦᠨᠳᠦᠰᠦᠲᠡᠨ ᠤ ᠥᠪ ᠰᠣᠶᠣᠯ ᠢᠶᠠᠨ ᠵᠠᠯᠭᠠᠮᠵᠢᠯᠠᠨ ᠬᠥᠭᠵᠢᠭᠦᠯᠬᠦ ᠭᠡᠳᠡᠭ ᠠᠰᠤᠷᠤ ᠲᠣᠮᠣ ᠬᠠᠷᠢᠭᠤᠴᠠᠯᠭᠠ ᠪᠤᠢ᠃ | ᠮᠣᠩᠭᠤᠯᠴᠤᠳ ᠬᠡᠦᠬᠡᠳ ᠢᠶᠠᠨ ᠮᠡᠳᠡᠭᠡ ᠣᠷᠣᠬᠤ ᠲᠠᠢ ᠵᠡᠷᠭᠡ ︽ᠮᠣᠩᠭᠤᠯ ᠬᠥᠮᠥᠨ︾ ᠭᠡᠳᠡᠭ ᠢ ᠲᠠᠨᠢᠭᠤᠯᠵᠤ ᠮᠡᠳᠡᠭᠦᠯᠦᠨ ᠦᠨᠳᠦᠰᠦᠲᠡᠨ ᠢᠶᠠᠨ ᠬᠠᠶᠢᠷᠠᠯᠠᠬᠤ | ᠬᠥᠮᠦᠵᠢᠯ ᠤᠨ ᠰᠠᠭᠤᠷᠢ ᠶᠢ ᠲᠠᠯᠪᠢᠨᠠ᠃ ᠡᠭᠦᠨ ᠳᠤ ᠨᠠᠭᠠᠳᠤᠮ ᠲᠣᠭᠯᠠᠭᠠᠮ ᠤᠨ ᠬᠢᠨᠢ ᠳᠤᠮᠳᠠ ᠡᠨᠡ ᠬᠦ ᠬᠥᠮᠦᠵᠢᠯ ᠢ ᠠᠭᠤᠰᠬᠠᠵᠤ ᠠᠭᠠᠵᠢᠮ ᠠᠭᠠᠵᠢᠮ ᠢᠶᠠᠷ | ᠬᠥᠮᠥᠵᠢᠭᠦᠯᠬᠦ ᠨᠢ ᠨᠢᠭᠡᠨ ᠰᠠᠶᠢᠨ ᠠᠷᠭᠠ ᠠᠪᠴᠠᠯ ᠪᠣᠯᠣᠨᠠ᠃ ᠮᠣᠩᠭᠤᠯ ᠬᠡᠦᠬᠡᠳ ᠤᠳ ᠢ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ ᠲᠠᠮᠢᠷ ᠤᠨ ᠵᠦᠢᠯᠡᠰ | - ᠪᠦᠭᠡ ᠪᠠᠷᠢᠯᠳᠤᠬᠤ᠂ ᠮᠣᠷᠢ ᠤᠷᠤᠯᠳᠤᠬᠤ᠂ ᠰᠤᠷ ᠬᠠᠷᠪᠤᠬᠤ ᠵᠡᠷᠭᠡ ᠳᠤ ᠭᠦᠨᠵᠡᠭᠡᠢ ᠣᠶᠢᠯᠠᠭᠠᠯᠲᠠ ᠲᠠᠢ ᠪᠤᠯᠭᠠᠵᠤ ᠪᠦᠭᠡ ᠶᠢᠨ ᠦᠢᠯᠡᠰ ᠢ ᠨᠡᠩ ᠰᠠᠶᠢᠨ ᠤᠯᠠᠮᠵᠢᠯᠠᠨ | ᠬᠥᠭᠵᠢᠭᠦᠯᠬᠦ ᠵᠣᠷᠢᠭ ᠢ ᠬᠥᠪᠴᠢᠯᠡᠨᠡ᠃ | 2. ᠮᠣᠩᠭᠤᠯ ᠲᠣᠭᠠᠲᠠᠨ ᠤ ᠰᠥᠰᠥ ᠵᠣᠷᠢᠭ ᠢ ᠡᠷᠴᠢᠯᠡᠬᠦ | ᠮᠣᠩᠭᠤᠯ ᠪᠦᠭᠡ ᠨᠢ ᠮᠣᠩᠭᠤᠯ ᠲᠣᠭᠠᠲᠠᠨ ᠤ ᠰᠥᠰᠥ ᠵᠣᠷᠢᠭ ᠢ ᠳᠠᠪᠲᠠᠨ ᠪᠤᠯᠪᠠᠰᠤᠷᠠᠭᠤᠯᠵᠤ ᠰᠥᠰᠥ ᠵᠣᠷᠢᠭ ᠢ ᠨᠢ ᠡᠷᠴᠢᠯᠡᠵᠦ ᠪᠠᠶᠢᠳᠠᠭ᠃ ᠵᠣᠷᠢᠭ | ᠪᠠᠶᠢᠪᠠᠯ ᠶᠠᠭᠤᠨ ᠳᠤ ᠴᠦ ᠭᠦᠷᠦᠨᠡ ᠭᠡᠳᠡᠭ ᠢ ᠪᠢ ᠢᠲᠡᠭᠡᠨᠡ᠃ ᠥᠪᠡᠷ ᠤᠨ ᠦᠵᠡᠵᠦ ᠥᠩᠭᠡᠷᠡᠭᠦᠯᠦᠭᠰᠡᠨ ᠪᠦᠭᠦᠨ ᠳᠤ ᠶᠠᠮᠠᠷ ᠨᠢᠭᠡᠨ ᠰᠤᠷᠭᠠᠮᠵᠢ ᠵᠠᠪᠠᠯ | ᠪᠠᠶᠢᠳᠠᠭ ᠤᠨ ᠤᠴᠢᠷ ᠬᠥᠮᠥᠨ ᠪᠦᠭᠦᠨ ᠢᠯᠠᠭᠳᠠᠯ ᠳᠤ ᠴᠦ ᠲᠡᠷᠠ ᠠᠮᠵᠢᠯᠲᠠ ᠳᠤ ᠴᠦ ᠲᠠᠷᠠ ᠰᠥᠰᠥ ᠵᠣᠷᠢᠭ ᠢᠶᠠᠨ ᠬᠥᠪᠴᠢᠯᠡᠨ ᠭᠠᠭᠴᠠ ᠰᠡᠳᠬᠢᠯ ᠭᠠᠭᠴᠠ | ᠵᠣᠷᠢᠭ ᠢᠶᠠᠷ ᠴᠥᠬᠦᠷᠡᠯ ᠦᠭᠡᠢ ᠴᠢᠷᠮᠠᠶᠢᠨ ᠲᠡᠮᠡᠴᠡᠬᠦ ᠨᠢ ᠵᠦᠢ ᠲᠠᠢ᠃ ᠮᠠᠭᠲᠠᠭᠤᠰᠢᠲᠠᠢ ᠨᠢᠭᠡᠨ ᠵᠦᠢᠯ ᠭᠡᠪᠡᠯ ᠮᠣᠩᠭᠤᠯᠴᠤᠳ ᠬᠡᠦᠬᠡᠳ ᠢᠶᠠᠨ ᠬᠠᠷᠠᠬᠠᠨ ᠪᠠᠭᠠ ᠠᠴᠠ | ᠨᠢ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠳᠤ ᠣᠷᠣᠯᠴᠠᠭᠤᠯᠵᠤ ᠵᠣᠷᠢᠭ ᠰᠥᠰᠥ ᠵ᠊ ᠢ ᠨᠢ ᠳᠠᠪᠲᠠᠳᠠᠭ ᠪᠠᠶᠢᠨᠠ᠃ ᠮᠣᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠶᠡᠷᠦ ᠳᠤ ᠪᠠᠨ ︽ᠪᠢ | ᠲᠠᠨ ᠳᠤ ᠵᠢᠩᠬᠢᠨᠢ ᠮᠣᠩᠭᠤᠯ ᠬᠥᠮᠥᠨ ᠢᠶᠠᠨ ᠦᠵᠡᠭᠦᠯᠴᠢᠬᠡᠶᠡ︾ ᠭᠡᠳᠡᠭ ᠪᠠᠷᠳᠠᠮ ᠦᠭᠡ ᠶᠢ ᠤᠯᠠᠨ ᠶᠠᠷᠢᠳᠠᠭ᠃ ᠡᠭᠦᠨ ᠤ ᠳᠠᠯᠳᠠ ᠤᠳᠬᠠ ᠨᠢ ᠪᠢ ᠮᠣᠩᠭᠤᠯ | ᠬᠥᠮᠥᠨ ᠤ ᠨᠡᠷᠡ ᠠᠯᠳᠠᠷ ᠢ ᠮᠠᠨᠳᠤᠭᠤᠯᠵᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠳᠤ ᠪᠠᠨ ᠭᠡᠷᠡᠯ ᠭᠢᠯᠪᠠᠭᠠ ᠣᠯᠭᠤᠵᠤ ᠥᠭᠬᠦ ᠠᠴᠠ ᠪᠢᠰᠢ ᠮᠣᠩᠭᠤᠯ ᠬᠥᠮᠥᠨ ᠤ ᠨᠢᠭᠤᠷ ᠢ | ᠭᠡᠭᠡᠭᠦ ᠦᠭᠡᠢ ᠭᠡᠰᠡᠨ ᠤᠴᠢᠷ ᠶᠤᠮ᠃ ᠮᠣᠩᠭᠤᠯ ᠪᠦᠭᠡ ᠶᠢᠨ ᠪᠠᠷᠢᠯᠳᠤᠭᠠᠨ ︽ᠨᠢᠭᠤᠷ ᠨᠢᠭᠤᠷ ᠢᠶᠠᠷ ᠢᠶᠠᠨ ᠤᠴᠠᠷᠠᠨ᠂ ᠬᠥᠯ ᠨᠢ ᠬᠥᠯ ᠲᠠᠢ ᠪᠠᠨ᠂ ᠭᠠᠷ ᠨᠢ | ᠭᠠᠷ ᠲᠠᠢ ᠪᠠᠨ︾ ᠪᠠᠷᠢᠯᠳᠤᠬᠤ ᠪᠣᠯᠪᠠᠰᠤᠨ ᠰᠠᠶᠢᠬᠠᠨ ᠲᠡᠮᠡᠴᠡᠭᠡᠨ ᠤ ᠵᠢᠷᠤᠮ ᠢᠶᠠᠷ ᠬᠥᠭᠵᠢᠵᠦ ᠪᠥᠬᠡᠴᠦᠳ ᠢ ᠥᠷᠢᠰᠦᠯᠳᠦᠭᠴᠢ ᠡᠲᠡᠭᠡᠳ ᠢᠶᠠᠨ ᠡᠷᠬᠡ ᠪᠠᠷ ᠪᠢᠰᠢ ᠡᠷᠡ | ᠵᠣᠷᠢᠭ ᠢᠶᠠᠷ ᠢᠶᠠᠨ ᠢᠯᠠᠨ ᠲᠠᠶᠢᠯᠭᠦ ᠪᠠᠷ ᠲᠡᠮᠡᠴᠡᠨᠡ᠃ ᠮᠣᠩᠭᠤᠯ ᠪᠦᠭᠡ ᠶᠢᠨ ᠲᠡᠮᠡᠴᠡᠭᠡᠨ ᠪᠦᠭᠦ ᠮᠣᠩᠭᠤᠯ ᠲᠣᠭᠠᠲᠠᠨ ᠤ ᠰᠡᠳᠬᠢᠯ ᠳᠤ ᠨᠢᠭᠡᠨ ᠨᠠᠨᠳᠢᠨ ᠵᠣᠷᠢᠭ | ᠰᠠᠨᠠᠭᠠ ᠶᠢ ᠥᠪᠯᠡᠭᠰᠡᠨ ᠤᠴᠢᠷ ᠲᠠᠢ᠂ ᠲᠠᠷᠠ ᠬᠤᠭᠤᠷᠠᠬᠤ ᠠᠴᠠ ᠪᠢᠰᠢ ᠨᠤᠭᠤᠷᠠᠬᠤ ᠦᠭᠡᠢ ᠵᠣᠷᠢᠭ᠃ ᠴᠢᠩᠭᠢᠰ ᠬᠠᠭᠠᠨ ᠤᠯᠤᠰ ᠭᠡᠷ ᠢ ᠵᠠᠰᠠᠬᠤ ᠰᠤᠷᠭᠠᠨ | ᠬᠥᠮᠦᠵᠢᠯ ᠤᠨ ᠲᠠᠯᠠ ᠪᠠᠷ ᠲᠦᠷᠪᠡᠨ ᠬᠥᠪᠡᠭᠦᠳ ᠲᠤ ᠪᠠᠨ ︽ᠥᠨᠳᠥᠷ ᠠᠭᠤᠯᠠ ᠶᠢᠨ ᠬᠥᠲᠥᠯ ᠢ ᠵᠣᠷᠢ᠂ ᠥᠷᠭᠡᠨ ᠮᠥᠷᠡᠨ ᠤ ᠣᠯᠣᠮ ᠢ ᠵᠣᠷᠢ᠂ ᠪᠡᠶᠡ ᠪᠦᠭᠡ | ᠪᠣᠯᠪᠠᠰᠤ ᠭᠠᠭᠴᠠ ᠶᠢ ᠢᠯᠠᠵᠤ ᠰᠡᠳᠬᠢᠯ ᠪᠦᠭᠡ ᠪᠣᠯᠪᠠᠰᠤ ᠤᠯᠠᠨ ᠢ ᠢᠯᠠᠨᠠ︾ ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠭᠡᠳᠡᠭ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠦᠵᠡᠬᠦ ᠪᠠᠷ ᠨᠢᠭᠡ | ᠬᠥᠮᠥᠨ ᠵᠦᠪᠭᠡᠨ ᠰᠥᠰᠥ ᠵᠣᠷᠢᠭ ᠪᠠᠶᠢᠭᠠᠳ ᠪᠤᠯᠬᠤ ᠦᠭᠡᠢ᠂ ᠨᠡᠩ ᠴᠢᠬᠤᠯᠠ ᠨᠢ ᠰᠥᠰᠥ ᠵᠣᠷᠢᠭ ᠲᠠᠢ ᠪᠠᠷ ᠨᠢᠭᠡ ᠰᠡᠳᠬᠢᠯ ᠨᠢᠭᠡ ᠵᠣᠷᠢᠭ ᠢᠶᠠᠷ ᠣᠴᠢᠵᠤ | ᠭᠦᠢᠴᠡᠳᠬᠡᠬᠦ ᠶᠠᠪᠤᠳᠠᠯ ᠪᠣᠯᠣᠨᠠ᠃ ᠲᠡᠷᠡ ᠬᠡᠦᠬᠡᠳ ᠳᠡᠭᠦᠦ ᠨᠠᠷ ᠢᠶᠠᠨ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠪᠣᠯᠣᠨ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢ ᠶᠢᠨ ᠳᠤᠮᠳᠠ ᠳᠠᠪᠲᠠᠨ | ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠶᠡᠷᠦ ᠨᠢ ᠠᠮᠢᠳᠤᠷᠠᠯ ᠳᠤᠮᠳᠠ ᠭᠡᠳᠤ ᠠᠮᠤᠷ ᠵᠢᠮᠤᠷ ᠪᠠᠶᠢᠬᠤ ᠨᠢ ᠬᠥᠮᠥᠰ ᠤᠨ ᠰᠥᠰᠥ ᠵᠣᠷᠢᠭ ᠢ ᠰᠤᠯᠠᠷᠠᠭᠤᠯᠵᠤ ᠴᠠᠭᠠᠰᠢᠯᠠᠪᠠᠯ | ᠬᠥᠮᠥᠰ ᠢ ᠬᠡᠪ ᠤᠨ ᠪᠠᠶᠢᠳᠠᠯ ᠳᠤ ᠬᠡᠪᠰᠢᠭᠦᠯᠵᠦ ᠥᠩᠭᠡᠷᠡᠭᠰᠡᠨ ᠤ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢ ᠶᠢ ᠤᠮᠠᠷᠲᠠᠭᠤᠯᠳᠠᠭ᠃ ᠲᠡᠦᠬᠡ ᠶᠢᠨ ᠡᠳᠡᠭᠡᠷ ᠤᠯᠠᠨ ᠵᠢᠱᠢᠶᠡ ᠠᠴᠠ | ᠮᠣᠩᠭᠤᠯ ᠪᠦᠭᠡ ᠨᠢ ᠮᠣᠩᠭᠤᠯ ᠬᠥᠮᠥᠨ ᠤ ᠰᠥᠰᠥ ᠵᠣᠷᠢᠭ ᠢ ᠳᠠᠪᠲᠠᠨ ᠪᠤᠯᠪᠠᠰᠤᠷᠠᠭᠤᠯᠵᠤ ᠪᠠᠶᠢᠳᠠᠭ ᠢ ᠤᠬᠠᠵᠤ ᠪᠣᠯᠣᠨᠠ᠃ | 3. ᠤᠷᠠ ᠲᠠᠮ ᠤᠨ ᠬᠥᠮᠦᠵᠢᠯ | ᠮᠣᠩᠭᠤᠯ ᠪᠦᠭᠡ ᠨᠢ ᠮᠣᠩᠭᠤᠯ ᠬᠥᠮᠥᠨ ᠤ ᠤᠷᠠ ᠲᠠᠮ ᠤᠨ ᠰᠣᠷᠢᠯᠲᠠ ᠪᠤᠯᠬᠤ ᠶᠢ ᠪᠦᠭᠡ ᠶᠢᠨ ᠬᠥᠭᠵᠢᠯᠲᠡ ᠶᠢᠨ ᠬᠠᠨᠳᠤᠰᠢ ᠪᠣᠯᠣᠨ ᠪᠦᠭᠡ ᠶᠢᠨ | ᠪᠠᠷᠢᠯᠳᠤᠭᠠᠨ ᠤ ᠲᠤᠷᠰᠢᠯᠭᠠ ᠬᠠᠷᠠᠭᠤᠯᠵᠤ ᠪᠤᠢ᠃ ᠮᠣᠩᠭᠤᠯᠴᠤᠳ ᠮᠣᠩᠭᠤᠯ ᠪᠦᠭᠡ ᠪᠠᠨ ᠪᠠᠷᠢᠯᠳᠤᠵᠤ ᠤᠷᠠᠯᠢᠭ ᠳᠡᠮᠲᠡᠢ ᠡᠷᠳᠡᠮ ᠮᠡᠭᠡ ᠪᠠᠷ ᠥᠷᠢᠰᠦᠯᠳᠦᠭᠴᠢ | ᠡᠲᠡᠭᠡᠳ ᠢᠶᠠᠨ ᠲᠠᠶᠢᠯᠭᠦ ᠣᠨᠴᠠ ᠰᠠᠶᠢᠨ ᠪᠦᠭᠡ ᠶᠢᠨ ᠠᠷᠭᠠ ᠮᠡᠷᠭᠡᠰᠢᠯ ᠢ ᠡᠵᠡᠮᠰᠢᠬᠦ ᠶᠢᠨ ᠤᠯᠠᠮ ᠠᠴᠠ ᠪᠤᠰᠤᠳ ᠵᠦᠢᠯ ᠤᠨ ᠴᠢᠳᠠᠪᠤᠷᠢ ᠶᠢᠨ ᠬᠥᠭᠵᠢᠯᠲᠡ ᠳᠤ ᠴᠦ | ᠨᠥᠯᠥᠭᠡ ᠲᠠᠢ ᠪᠠᠶᠢᠳᠠᠭ᠃ ᠨᠠᠭᠠᠳᠤᠮ ᠳᠤ ᠭᠠᠷᠮᠠᠭᠠᠢ ᠪᠠᠷᠢᠯᠳᠤᠭᠰᠠᠨ ᠪᠥᠬᠡᠴᠦᠳ ᠢᠶᠠᠨ ᠴᠣᠯᠠᠯᠠᠬᠤ ᠪᠤᠶᠤ ᠲᠠᠷᠬᠠᠨ ᠪᠦᠭᠡ ᠶᠢ ᠴᠣᠯᠠᠯᠠᠬᠤ ᠳᠤ ᠵᠦᠩ ᠪᠢᠯᠢᠭ ᠲᠠᠢ | ᠦᠭᠡ ᠥᠭᠦᠯᠡᠪᠦᠷᠢ ᠪᠠᠷ ᠮᠠᠭᠲᠠᠨ ᠳᠠᠭᠤᠯᠠᠵᠤ ᠢᠷᠦᠭᠡᠨ ᠪᠡᠯᠭᠡᠳᠡᠳᠡᠭ᠃ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠨᠢ ᠰᠠᠶᠢᠨ ᠰᠠᠶᠢᠬᠠᠨ ᠢ ᠬᠦᠰᠡᠵᠦ ᠮᠥᠷᠥᠭᠡᠳᠦᠭᠰᠡᠨ ᠠᠷᠠᠳᠴᠢ ᠴᠢᠨᠠᠷ᠂ | ᠪᠠᠶᠠᠰᠤᠩᠭᠤᠢ ᠦᠵᠡᠯ ᠤᠨ ᠭᠡᠷᠡᠯ ᠭᠢᠯᠪᠠᠭᠠ ᠲᠠᠢ ᠥᠷᠭᠡᠨ ᠤᠯᠠᠨ ᠮᠣᠩᠭᠤᠯᠴᠤᠳ ᠤᠨ ᠤᠶᠤᠨ ᠤ ᠲᠡᠵᠢᠭᠡᠯ ᠪᠠ ᠤᠷᠠᠯᠢᠭ ᠤᠨ ᠬᠦᠷᠲᠡᠭᠡᠯ ᠪᠤᠯᠬᠤ ᠶᠤᠮ᠃ | ᠡᠭᠦᠨ ᠠᠴᠠ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠮᠣᠩᠭᠤᠯᠴᠤᠳ ᠤᠨ ᠵᠠᠩ ᠠᠭᠠᠯᠢ᠂ ᠦᠵᠡᠯ ᠰᠤᠷᠲᠠᠯ᠂ ᠠᠵᠤ ᠠᠮᠢᠳᠤᠷᠠᠯ᠂ ᠶᠣᠰᠣ ᠰᠤᠷᠲᠠᠬᠤᠨ ᠢ ᠢᠯᠡᠭᠡᠨ ᠣᠶᠢᠯᠠᠭᠠᠵᠤ ᠪᠤᠯᠬᠤ | ᠮᠥᠷᠲᠡᠭᠡᠨ ᠢᠯᠠᠩᠭᠤᠶᠠ ᠤᠷᠠᠯᠢᠭ ᠤᠨ ᠲᠠᠯᠠ ᠪᠠᠷ ᠰᠢᠩᠭᠡᠭᠡᠵᠦ ᠠᠪᠤᠭᠤᠰᠢᠲᠠᠢ ᠰᠢᠮᠡ ᠲᠡᠵᠢᠭᠡᠯ ᠤᠯᠠᠨ ᠪᠠᠶᠢᠳᠠᠭ ᠮᠥᠷᠲᠡᠭᠡᠨ ᠡᠨᠡ ᠨᠢ ᠬᠡᠦᠬᠡᠳ ᠪᠠᠭᠠᠴᠤᠳ ᠢ | ᠨᠥᠯᠥᠭᠡᠯᠡᠵᠦ ᠲᠡᠳᠡᠨ ᠤ ᠰᠢᠯᠦᠭ ᠳᠠᠭᠤᠤ ᠵᠣᠬᠢᠶᠠᠬᠤ ᠴᠢᠳᠠᠪᠤᠷᠢ ᠶᠢ ᠬᠥᠮᠥᠵᠢᠭᠦᠯᠬᠦ ᠳᠤ ᠲᠤᠩ ᠴᠢᠬᠤᠯᠠ ᠠᠴᠢ ᠬᠤᠯᠪᠣᠭᠳᠠᠯ ᠲᠠᠢ ᠶᠤᠮ᠃ | 4. ᠤᠶᠤᠨ ᠤᠬᠠᠭᠠᠨ ᠤ ᠬᠥᠮᠦᠵᠢᠯ | ᠪᠦᠭᠡ ᠨᠢ ᠮᠣᠩᠭᠤᠯᠴᠤᠳ ᠲᠤ ᠶᠣᠰᠣ ᠮᠣᠷᠠᠯ ᠤᠨ ᠬᠥᠮᠦᠵᠢᠯ ᠪᠠ ᠭᠤᠸᠠ ᠰᠠᠶᠢᠬᠠᠨ ᠤ ᠬᠦᠷᠲᠡᠭᠡᠯ ᠢ ᠬᠦᠷᠲᠡᠭᠡᠨᠡ᠃ ᠪᠦᠭᠡ ᠪᠠᠷᠢᠯᠳᠤᠬᠤ ᠳᠦᠷᠢᠮ | ᠵᠢᠷᠤᠮ ᠠᠴᠠ ᠦᠵᠡᠪᠡᠯ ᠪᠠᠷᠢᠯᠳᠤᠵᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠪᠠᠨ ᠬᠤᠶᠠᠷ ᠪᠦᠭᠡ ᠶᠠᠷᠢᠯᠴᠠᠬᠤ᠂ ᠢᠨᠢᠶᠡᠬᠦ ᠶᠠᠪᠤᠳᠠᠯ ᠢ ᠴᠡᠭᠡᠷᠯᠡᠬᠦ ᠪᠠ ᠨᠦᠭᠦᠭᠡ ᠡᠲᠡᠭᠡᠳ ᠤᠨ | ᠭᠡᠵᠢᠭᠡ ᠦᠰᠦ ᠵᠠᠩᠭᠢᠶᠠ ᠲᠤᠤᠬᠤᠤ ᠠᠴᠠ ᠲᠠᠲᠠᠵᠤ ᠴᠢᠩᠭᠠᠭᠠᠬᠤ ᠵᠡᠷᠭᠡ ᠪᠣᠯᠪᠠᠰᠤᠨ ᠪᠤᠰᠤ ᠬᠥᠳᠡᠯᠦᠯ ᠪᠠᠷᠢᠯ ᠢ ᠲᠠᠰᠤ ᠴᠡᠭᠡᠷᠯᠡᠵᠦ ᠪᠠᠷᠢᠯᠳᠤᠬᠤ ᠶᠠᠪᠤᠴᠠ ᠳᠤ ᠪᠠᠨ | ᠬᠠᠷᠢᠯᠴᠠᠨ ᠭᠡᠮᠲᠦᠭᠡᠵᠦ ᠮᠡᠳᠡᠬᠦ ᠮᠡᠭᠡ ᠬᠥᠳᠡᠯᠦᠯ ᠢ ᠴᠡᠭᠡᠷᠯᠡᠳᠡᠭ ᠳᠦᠷᠢᠮ ᠲᠣᠭᠲᠠᠭᠠᠯ ᠲᠠᠢ ᠮᠥᠷᠲᠡᠭᠡᠨ ᠠᠲᠠᠭᠠ ᠵᠢᠲᠥᠭᠡ ᠲᠠᠢ ᠪᠠᠷᠢᠯᠳᠤᠳᠠᠭ ᠦᠭᠡᠢ᠂ | ᠰᠢᠷᠦ᠋ᠢᠳᠠᠭᠰᠠᠨ ᠪᠦᠭᠡ ᠪᠠᠨ ᠬᠦᠨᠳᠦᠯᠡᠵᠦ ᠲᠦᠰᠢᠨ ᠪᠣᠰᠬᠠᠵᠤ ᠬᠠᠷᠢᠯᠴᠠᠨ ᠶᠣᠰᠣ ᠬᠢᠵᠦ ᠮᠥᠷᠥ ᠮᠥᠷᠥ ᠪᠠᠨ ᠳᠠᠷᠤᠨ ᠮᠠᠭᠰᠢᠨ ᠲᠠᠪᠢᠵᠦ ᠲᠠᠯᠠᠪᠤᠷ ᠠᠴᠠ ᠭᠠᠷᠳᠠᠬ᠃ | ᠡᠨᠡ ᠨᠢ ᠬᠠᠷᠢᠯᠴᠠᠨ ᠬᠦᠨᠳᠦᠳᠬᠡᠬᠦ᠂ ᠬᠠᠷᠢᠯᠴᠠᠨ ᠬᠠᠶᠢᠷᠠᠯᠠᠬᠤ᠂ ᠬᠠᠮᠲᠤ ᠪᠠᠷ ᠲᠠᠪᠰᠢᠬᠤ ᠪᠠ ᠨᠠᠶᠢᠷ ᠲᠠᠢ ᠪᠠᠶᠢᠬᠤ ᠵᠠᠩ ᠰᠤᠷᠲᠠᠯ ᠢ ᠠᠬᠤᠭᠤᠯᠵᠤ ᠦᠭᠡ ᠶᠠᠷᠢᠶᠠ | ᠦᠢᠯᠡ ᠬᠥᠳᠡᠯᠦᠯ ᠪᠦᠭᠦᠨ ᠢ ᠨᠢ ᠨᠡᠶᠢᠭᠡᠮ ᠨᠠᠶᠢᠳᠠ ᠶᠢᠨ ᠶᠣᠰᠣ ᠰᠤᠷᠲᠠᠬᠤᠨ᠂ ᠪᠣᠯᠪᠠᠰᠤᠨ ᠰᠠᠶᠢᠬᠠᠨ ᠰᠤᠷᠲᠠᠯ ᠳᠤ ᠬᠡᠪᠰᠢᠭᠦᠯᠵᠦ ᠰᠠᠶᠢᠨ ᠰᠠᠶᠢᠬᠠᠨ ᠬᠡᠪ | ᠰᠤᠷᠲᠠᠯ ᠢᠶᠠᠷ ᠬᠥᠮᠥᠵᠢᠭᠦᠯᠬᠦ ᠳᠤ ᠰᠠᠭᠤᠷᠢ ᠪᠤᠯᠳᠠᠬ᠃ ᠮᠣᠩᠭᠤᠯ ᠪᠦᠭᠡ ᠶᠢᠨ ᠨᠠᠭᠠᠳᠤᠮ ᠤᠨ ᠲᠤᠪᠤᠶᠢᠭᠰᠠᠨ ᠣᠨᠴᠠᠯᠢᠭ ᠪᠣᠯ ᠦᠨᠳᠦᠰᠦᠲᠡᠨ ᠤ ᠬᠦᠴᠦ ᠲᠠᠮᠢᠷ ᠤᠨ | ᠪᠣᠯᠪᠠᠰᠤᠷᠠᠯ ᠪᠣᠯᠣᠨ ᠴᠡᠩᠭᠡᠯ ᠨᠠᠭᠠᠳᠤᠮ ᠢ ᠤᠶᠠᠯᠳᠤᠭᠤᠯᠬᠤ ᠳᠤᠮᠳᠠ ᠮᠣᠩᠭᠤᠯ ᠤᠷᠠᠯᠢᠭ ᠤᠨ ᠠᠪᠢᠶᠠᠰ ᠳᠦᠷᠢ ᠶᠢ ᠪᠦᠲᠦᠭᠡᠯᠴᠢ ᠪᠠᠷ ᠢᠯᠡᠷᠡᠭᠦᠯᠵᠦ ᠱᠤᠭᠤᠭᠰᠠᠨ | ᠶᠤᠮ᠃ ᠮᠣᠩᠭᠤᠯ ᠪᠦᠭᠡ ᠨᠢ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠳᠦᠷᠢᠮ᠂ ᠠᠷᠭᠠ᠂ ᠦᠢᠯᠡ ᠬᠥᠳᠡᠯᠦᠯ᠂ ᠲᠠᠯᠠᠪᠤᠷ᠂ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠵᠡᠷᠭᠡ ᠲᠠᠯᠠ ᠪᠠᠷ ᠪᠦᠷ ᠥᠪᠡᠷᠮᠢᠴᠡ | ᠣᠨᠴᠠᠯᠢᠭ ᠲᠠᠢ ᠮᠥᠷᠲᠡᠭᠡᠨ ᠶᠠᠮᠠᠷ ᠨᠢᠭᠡᠨ ᠲᠠᠯᠠ ᠠᠴᠠ ᠨᠢ ᠠᠪᠴᠤ ᠦᠵᠡᠭᠰᠡᠨ ᠴᠦ ᠪᠦᠷ ᠭᠤᠸᠠ ᠰᠠᠶᠢᠬᠠᠨ ᠤ ᠡᠯᠧᠮᠧᠨ᠋ᠲ ᠢ ᠣᠯᠵᠤ ᠬᠠᠷᠠᠬᠤ ᠶᠤᠮ᠃ ᠭᠡᠬᠦ ᠳᠤ ᠪᠠᠨ | ᠡᠳᠡᠭᠡᠷ ᠨᠢ ᠭᠤᠸᠠ ᠰᠠᠶᠢᠬᠠᠨ ᠤ ᠣᠨ ᠵᠢᠯ ᠤᠨ ᠳᠠᠪᠲᠠᠯᠲᠠ ᠶᠢ ᠥᠩᠭᠡᠷᠡᠭᠦᠯᠦᠭᠰᠡᠨ ᠶᠤᠮ᠃ ᠪᠦᠭᠡ ᠶᠢᠨ ᠲᠠᠯᠠᠪᠤᠷ ᠲᠤ ᠪᠥᠬᠡᠴᠦᠳ ᠢ ᠰᠣᠨᠢᠷᠬᠠᠬᠤ ᠦᠶᠡ ᠠᠷᠰᠯᠠᠨ | ᠪᠦᠷᠭᠦᠳ ᠮᠡᠲᠦ ᠶᠢᠨ ᠡᠷᠡᠯᠬᠡᠭ ᠬᠦᠴᠦᠨ ᠤ ᠭᠤᠸᠠ ᠰᠠᠶᠢᠬᠠᠨ ᠢ ᠣᠯᠵᠤ ᠬᠠᠷᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠲᠠᠳᠠᠨ ᠤ ᠱᠠᠯᠠᠮᠠᠭᠠᠢ ᠯᠠᠪᠳᠠᠭᠤᠨ ᠭᠤᠸᠠ ᠰᠠᠶᠢᠬᠠᠨ ᠦᠢᠯᠡ | ᠬᠥᠳᠡᠯᠦᠯ ᠤᠷᠠᠨ ᠲᠡᠮᠯᠢᠭ ᠤᠬᠠᠭᠠᠨ ᠰᠠᠨᠠᠭᠠᠨ ᠤ ᠭᠠᠶᠢᠬᠠᠮᠰᠢᠭ ᠢ ᠣᠯᠵᠤ ᠬᠠᠷᠠᠳᠠᠭ᠂ ᠪᠥᠬᠡᠴᠦᠳ ᠤᠨ ᠡᠶᠢᠮᠦᠷᠬᠦᠦ ᠵᠣᠷᠢᠭ ᠪᠠ ᠬᠦᠴᠦᠨ ᠰᠠᠮᠪᠠᠭᠠ ᠶᠢᠨ ᠨᠢᠭᠡᠳᠦᠯ | ᠨᠢ ᠦᠵᠡᠭᠴᠢᠳ ᠲᠤ ᠭᠤᠸᠠ ᠰᠠᠶᠢᠬᠠᠨ ᠤ ᠪᠠᠭ᠋ᠠᠷᠬᠠᠯ ᠪᠣᠯᠵᠤ ᠣᠯᠠᠨᠠ ᠱᠠᠭᠰᠢᠭᠳᠠᠳᠠᠭ᠃ ᠥᠰᠪᠦᠷᠢ ᠶᠢᠨ ᠪᠠᠭᠠᠴᠤᠳ ᠲᠤ ︽ᠪᠢ ᠪᠥᠬᠡᠴᠢᠨ ᠪᠣᠯᠣᠨᠠ︾ ᠭᠡᠬᠦ ᠪᠤᠳᠤᠯ | ᠬᠦᠰᠡᠯ ᠢ ᠤᠷᠭᠤᠭᠤᠯᠳᠠᠬ᠃ ᠨᠠᠶᠢᠷ ᠤᠨ ᠪᠠᠷᠢᠯᠳᠤᠭᠠᠨ ᠡᠬᠢᠯᠡᠬᠦ ᠦᠶᠡᠰ ᠵᠠᠪᠠᠯ ᠬᠦᠩᠭᠢᠨᠡᠮᠡ ᠲᠣᠳᠣ ᠳᠠᠭᠤᠨ ᠢᠶᠠᠷ ᠤᠶᠠᠩᠭᠠᠲᠤ ᠰᠢᠯᠦᠭ ᠤᠩᠰᠢᠬᠤ ᠪᠤᠶᠤ | ᠪᠦᠭᠡ ᠶᠢᠨ ᠠᠯᠳᠠᠷ ᠴᠣᠯᠠ᠂ ᠨᠤᠲᠤᠭ ᠤᠰᠤ᠂ ᠣᠪᠣᠭ ᠨᠡᠷᠡ ᠶᠢ ᠮᠠᠭᠲᠠᠨ ᠳᠠᠭᠤᠳᠠᠵᠤ ᠪᠦᠭᠡ ᠶᠢᠨ ᠤᠷᠢᠶᠠ ᠶᠢ ᠠᠶᠠᠯᠠᠭᠤᠯᠤᠨ ᠤᠷᠢᠵᠤ ᠭᠠᠷᠭᠠᠬᠤ ᠨᠢ ᠭᠦᠷᠳᠡᠯᠡ | ᠰᠡᠳᠬᠢᠯ ᠤᠨ ᠭᠤᠸᠠ ᠰᠠᠶᠢᠬᠠᠨ ᠢ ᠢᠯᠡᠷᠡᠭᠦᠯᠵᠦ ᠪᠠᠶᠢᠳᠠᠭ᠃ |