| ᠵᠧᠩ ᠾᠧ ᠪᠠ ᠲᠠᠯᠠᠢ ᠶᠢᠨ ᠲᠣᠷᠭᠠᠨ ᠤ ᠵᠠᠮ ︵ᠬᠤᠶᠠᠷ︶ | ᠳ᠋ᠠᠨᠽᠠᠨ ᠵᠣᠬᠢᠶᠠᠪᠠ | | | ᠪᠣᠯᠪᠠᠰᠤᠨ ᠤ ᠠᠶᠠᠯᠠᠯ | ᠵᠧᠩ ᠾᠧ ᠪᠣᠯ ᠳᠡᠯᠡᠬᠡᠢ ᠶᠢᠨ ᠲᠠᠯᠠᠢ ᠶᠢᠨ ᠠᠶᠠᠯᠠᠯ ᠤᠨ ᠲᠡᠦᠬᠡᠨ ᠳᠠᠬᠢ ᠲᠣᠮᠣ ᠬᠥᠰᠢᠶᠡ᠂ ᠳᠡᠯᠡᠬᠡᠢ ᠪᠠᠷ ᠢᠶᠠᠨ ᠮᠡᠳᠡᠷᠡᠬᠦ ᠲᠠᠯᠠᠢ ᠶᠢᠨ ᠠᠪᠤᠷᠭᠤ ᠬᠥᠮᠥᠨ᠂ | ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠨᠥᠬᠦᠷᠯᠡᠯ ᠳᠤ ᠨᠠᠰᠤ᠂ ᠪᠡᠶᠡ ᠪᠠᠨ ᠵᠣᠷᠢᠭᠤᠯᠤᠭᠰᠠᠨ ᠠᠭᠤᠤ ᠬᠥᠮᠥᠨ ᠪᠦᠯᠦᠭᠡ᠃ ᠡᠸᠦ᠋ᠷᠦᠫᠡ ᠶᠢᠨ ᠭᠤᠷᠪᠠᠨ ᠲᠠᠯᠠᠢ ᠶᠢᠨ | ᠠᠶᠠᠯᠠᠯᠴᠢᠨ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠦᠭᠡᠢ ᠪᠣᠯ ᠮᠡᠳᠡᠬᠦ ᠦᠭᠡᠢ᠂ ᠬᠠᠷᠢᠴᠠᠭᠤᠯᠪᠠᠯ ᠨᠢᠳᠦ ᠪᠦᠯᠳᠣ ᠰᠣᠴᠢᠬᠤ ᠠᠵᠤᠭᠤ᠃ ᠴᠠᠭ ᠤᠨ ᠬᠤᠪᠢ ᠳᠤ ᠵᠧᠩ ᠾᠧ 1405 | ᠣᠨ ᠳᠤ ᠠᠩᠬᠠ ᠤᠳᠠᠭᠠ ᠠᠳ᠋ᠯᠠᠨᠲ ᠲᠠᠯᠠᠢ ᠪᠠᠷ ᠠᠹᠧᠷᠢᠺᠠ ᠳᠤ ᠬᠦᠷᠦᠭᠰᠡᠨ ᠨᠢ ᠢᠲ᠋ᠠᠯᠢ ᠶᠢᠨ ᠺᠣᠯᠤᠮᠪᠤ ᠠᠳ᠋ᠯᠠᠨᠲ ᠲᠠᠯᠠᠢ ᠶᠢ ᠬᠥᠨᠳᠡᠯᠡᠨ ᠲᠣᠭᠤᠯᠵᠣ᠂ ᠠᠮᠧᠷᠢᠺᠠ | ᠲᠢᠪ ᠢ ᠢᠯᠡᠷᠡᠭᠦᠯᠦᠭᠰᠡᠨ ᠠᠴᠠ 87 ᠵᠢᠯ ᠡᠷᠲᠡ᠂ ᠫᠣᠷᠲ᠋ᠣᠭᠠᠯ ᠤᠨ ᠳ᠋᠊ · ᠭᠠᠮᠨ ᠰᠠᠶᠢᠨ ᠢᠲᠡᠭᠡᠯᠲᠦ ᠬᠤᠰᠢᠭᠤ ᠶᠢ ᠣᠷᠢᠶᠠᠵᠤ ᠡᠨᠡᠳᠬᠡᠭ ᠲᠤ ᠬᠦᠷᠦᠭᠰᠡᠨ ᠠᠴᠠ 92 | ᠵᠢᠯ ᠡᠷᠲᠡ᠂ ᠫᠣᠷᠲ᠋ᠣᠭᠠᠯ ᠤᠨ ᠮᠠᠵᠧᠯᠧᠨ ᠪᠥᠮᠪᠥᠷᠴᠡᠭ ᠢ ᠲᠣᠭᠤᠷᠢᠵᠤ ᠠᠶᠠᠯᠠᠭᠰᠠᠨ ᠠᠴᠠ 116 ᠵᠢᠯ ᠡᠷᠲᠡ ᠠᠪᠠᠢ᠃ ᠬᠡᠪᠴᠢᠶᠡ ᠶᠢᠨ ᠬᠤᠪᠢ ᠳᠤ ᠵᠧᠩ ᠾᠧ | ᠤᠳᠠᠭᠠ ᠪᠣᠯᠭᠠᠨ ᠠᠳ᠋ᠯᠠᠨᠲ ᠲᠠᠯᠠᠢ ᠪᠠᠷ ᠠᠶᠠᠯᠠᠬᠤ ᠳᠤ 260 ᠭᠠᠷᠤᠢ ᠣᠩᠭᠤᠴᠠ᠂ 27000 ᠰᠢᠬᠠᠮ ᠬᠥᠮᠥᠨ ᠲᠠᠢ᠂ ᠺᠣᠯᠤᠮᠪᠤ ᠠᠩᠬᠠ ᠠᠶᠠᠯᠠᠬᠤ ᠳᠤ 3 | ᠣᠩᠭᠤᠴᠠ᠂ 90 ᠬᠥᠮᠥᠨ ᠲᠠᠢ᠂ ᠳ᠋᠊ · ᠭᠠᠮᠨ ᠠᠩᠬᠠ ᠠᠶᠠᠯᠠᠬᠤ ᠳᠤ 4 ᠣᠩᠭᠤᠴᠠ᠂ 170 ᠬᠥᠮᠥᠨ ᠲᠠᠢ᠂ ᠮᠠᠵᠧᠯᠧᠨ ᠳᠡᠯᠡᠬᠡᠢ ᠶᠢᠨ ᠪᠥᠮᠪᠥᠷᠴᠡᠭ ᠢ ᠲᠣᠭᠤᠷᠢᠵᠤ | ᠠᠶᠠᠯᠠᠬᠤ ᠳᠤ 5 ᠣᠩᠭᠤᠴᠠ᠂ 265 ᠬᠥᠮᠥᠨ ᠲᠠᠢ ᠪᠦᠯᠦᠭᠡ᠃ ᠵᠠᠮᠨᠠᠭᠰᠠᠨ ᠵᠠᠮ ᠤᠨ ᠬᠤᠪᠢ ᠳᠤ ᠵᠧᠩ ᠾᠧ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ᠂ ᠪᠠᠷᠠᠭᠤᠨ ᠠᠽᠢᠶᠠ ᠪᠠᠷ | ᠵᠡᠭᠦᠨ ᠠᠹᠧᠷᠢᠺᠠ ᠳᠤ ᠬᠦᠷᠴᠡᠢ᠂ ᠺᠣᠯᠤᠮᠪᠤ ᠠᠳ᠋ᠯᠠᠨᠲ ᠲᠠᠯᠠᠢ ᠶᠢ ᠲᠣᠭᠤᠯᠣᠨ ᠲᠣᠮᠳᠠᠳᠣ ᠠᠮᠧᠷᠢᠺᠠ ᠲᠢᠪ ᠲᠤ ᠯᠨ ᠬᠦᠷᠪᠡ᠂ ᠳ᠋᠊ · ᠭᠠᠮᠨ ᠠᠹᠧᠷᠢᠺᠠ ᠪᠠᠷ | ᠡᠨᠡᠳᠬᠡᠭ ᠲᠤ ᠬᠦᠷᠴᠡᠢ᠂ ᠮᠠᠵᠧᠯᠧᠨ ᠨᠢᠭᠡ ᠯᠨ ᠤᠳᠠᠭᠠ ᠳᠡᠯᠡᠬᠡᠢ ᠶᠢᠨ ᠪᠥᠮᠪᠥᠷᠴᠡᠭ ᠢ ᠲᠣᠭᠤᠷᠢᠵᠤ ᠠᠶᠠᠯᠠᠭᠠᠳ ᠹᠢᠯᠢᠫᠢᠨ ᠤᠯᠤᠰ ᠲᠤ ᠬᠦᠷᠴᠦ᠂ ᠲᠤᠬᠠᠢ ᠶᠢᠨ | ᠨᠤᠲᠤᠭ ᠤᠨ ᠪᠤᠯᠢᠶᠠᠯᠳᠤᠭᠠᠨ ᠳᠤ ᠣᠷᠣᠯᠴᠠᠬᠰᠠᠨ ᠤ ᠡᠷᠬᠡ ᠪᠠᠷ ᠠᠷᠠᠯ ᠤᠨ ᠰᠠᠭᠤᠭᠠᠯᠢ ᠳᠤ ᠠᠯᠠᠭᠳᠠᠯᠤᠭᠠ᠃ ᠵᠧᠩ ᠾᠧ 28 ᠵᠢᠯ ᠳᠤ 7 ᠤᠳᠠᠭᠠ᠂ 10 ᠲᠦᠮᠡᠨ | ᠺᠢᠯᠣᠮᠧᠳ᠋ᠷ ᠪᠠᠶᠢᠵᠤ᠂ ᠳᠡᠯᠡᠬᠡᠢ ᠶᠢᠨ ᠪᠥᠮᠪᠥᠷᠴᠡᠭ ᠢ ᠭᠤᠷᠪᠠ ᠣᠷᠢᠶᠠᠭᠰᠠᠨ ᠠᠴᠠ ᠪᠠᠰᠠ ᠢᠯᠡᠭᠦᠦ᠃ ᠵᠧᠩ ᠾᠧ ᠶᠢᠨ ᠲᠠᠯᠠᠢ ᠶᠢᠨ ᠠᠶᠠᠯᠠᠯ ᠡᠮᠦᠨᠡᠲᠦ ᠲᠠᠯᠠᠢ ᠶᠢᠨ | ᠠᠷᠠᠯ ᠣᠯᠲᠣᠷᠢᠭ ᠤᠨ ᠭᠤᠣᠯ ᠤᠯᠤᠰ ᠲᠡᠳᠦᠢ ᠦᠭᠡᠢ᠂ ᠠᠹᠧᠷᠢᠺᠠ ᠲᠢᠪ ᠤᠨ ᠵᠡᠭᠦᠨ ᠡᠷᠭᠢ ᠬᠦᠷᠴᠦ᠂ 30 ᠢᠯᠡᠭᠦᠦ ᠤᠯᠤᠰ ᠢᠶᠠᠷ ᠶᠠᠪᠤᠪᠠᠢ᠃ ᠵᠧᠩ ᠾᠧ ᠶᠢᠨ | ᠴᠠᠭ ᠦᠶᠡ ᠳᠤ ᠺᠣᠫᠧᠷᠨᠢᠺ ᠤᠨ ︽ᠨᠠᠷᠨ ᠪᠠᠷ ᠲᠥᠪ ᠪᠣᠯᠭᠠᠬᠤ ᠰᠤᠷᠭᠠᠯ︾ ᠠᠯᠠᠭᠠ᠂ ᠳᠡᠯᠡᠬᠡᠢ ᠶᠢᠨ ᠪᠥᠮᠪᠥᠷᠴᠡᠭ ᠤᠨ ᠵᠠᠭᠪᠤᠷ ᠴᠦ ᠠᠯᠠᠭᠠ᠂ ᠤᠷᠲᠤᠷᠢᠭ ᠥᠷᠭᠡᠷᠢᠭ ᠢ | ᠬᠡᠮᠵᠢᠬᠦ ᠠᠷᠭᠠ ᠶᠢ ᠨᠡᠩ ᠬᠡᠯᠡᠬᠦ ᠶᠠᠭᠤᠨ︖ ᠵᠧᠩ ᠾᠧ ᠶᠢᠨ ᠣᠩᠭᠤᠴᠠᠲᠤ ᠠᠩᠭᠢ ᠭᠠᠵᠠᠷ ᠵᠦᠢ ᠶᠢᠨ ᠲᠠᠯᠠᠢ ᠶᠢᠨ ᠠᠶᠠᠯᠠᠯ᠂ ᠣᠳᠣᠨ ᠣᠷᠣᠨ ᠤ ᠲᠠᠯᠠᠢ ᠶᠢᠨ | ᠠᠶᠠᠯᠠᠯ᠂ ᠵᠦᠭᠯᠡᠭᠦᠷ᠂ ᠠᠶᠠᠯᠠᠯ ᠤᠨ ᠵᠠᠮ ᠢᠶᠠᠨ ᠬᠡᠮᠵᠢᠬᠦ ᠵᠡᠷᠭᠡ ᠮᠡᠷᠭᠡᠵᠢᠯ ᠢ ᠤᠶᠠᠯᠳᠤᠭᠤᠯᠤᠨ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠲᠠᠯᠠᠢ ᠶᠢᠨ ᠠᠶᠠᠯᠠᠯ ᠤᠨ ᠮᠡᠷᠭᠡᠵᠢᠯ ᠢ ᠰᠢᠨᠡ | ᠣᠷᠬᠢᠯ ᠳᠤ ᠬᠦᠷᠭᠡᠭᠰᠡᠨ ᠲᠡᠳᠦᠢ ᠦᠭᠡᠢ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠬᠠᠮᠤᠭ ᠡᠷᠲᠡᠨ ᠤ ᠲᠠᠯᠠᠢ ᠶᠢᠨ ᠠᠶᠠᠯᠠᠯ ᠤᠨ ᠵᠢᠷᠤᠭ ᠪᠣᠯᠬᠤ ︽ᠵᠧᠩ ᠾᠧ ᠶᠢᠨ ᠲᠠᠯᠠᠢ ᠶᠢᠨ ᠠᠶᠠᠯᠠᠯ | ᠤᠨ ᠵᠢᠷᠤᠭ︾ ᠢ ᠵᠢᠷᠤᠪᠠᠢ᠃ ᠡᠨᠡ ᠪᠣᠯ ᠮᠠᠨ ᠤ ᠤᠯᠤᠰ ᠤᠨ ᠬᠠᠮᠤᠭ ᠡᠷᠲᠡᠨ ᠤ ᠲᠠᠯᠠᠢ ᠶᠢᠨ ᠵᠢᠷᠤᠭ᠂ ᠳᠡᠯᠡᠬᠡᠢ ᠶᠢᠨ ᠬᠡᠪᠴᠢᠶᠡ ᠠᠴᠠ ᠶᠠᠷᠢᠬᠤ ᠳᠤ ᠴᠦ ᠳᠡᠯᠡᠬᠡᠢ ᠶᠢᠨ | ᠠᠩᠬᠠᠳᠠᠭᠴᠢ ᠲᠠᠯᠠᠢ ᠶᠢᠨ ᠵᠢᠷᠤᠭ ᠤᠨ ᠴᠤᠭᠯᠠᠷᠠᠯ ᠭᠡᠭᠳᠡᠬᠦ ᠬᠤᠯᠯᠠᠨᠳ᠋ ᠤᠯᠤᠰ ᠤᠨ ᠸᠡᠭᠨᠧᠷ ᠤᠨ ︽ ᠲᠠᠯᠠᠢ ᠶᠢᠨ ᠠᠶᠠᠯᠠᠯ ᠤᠨ ᠬᠡᠬᠡᠨ ᠲᠣᠯᠢ︾ ᠠᠴᠠ ᠬᠡᠴᠢᠨᠡᠨ ᠵᠢᠯ | ᠡᠷᠲᠡ ᠪᠠᠶᠢᠵᠤ᠂ ᠳᠡᠯᠡᠬᠡᠢ ᠶᠢᠨ ᠭᠠᠵᠠᠷ ᠤᠨ ᠵᠢᠷᠤᠭ ᠤᠨ ᠬᠥᠭᠵᠢᠯᠲᠡ ᠳᠤ ᠬᠡᠷᠡᠯ ᠰᠠᠴᠤᠷᠠᠩᠭᠤᠢ ᠪᠠᠶᠢᠷᠢ ᠶᠢ ᠡᠵᠡᠯᠡᠬᠦ ᠪᠦᠯᠦᠭᠡ᠃ | ᠡᠮᠦᠨᠡ ᠳᠤᠷᠠᠳᠤᠭᠰᠠᠨ ᠡᠸᠦ᠋ᠷᠦᠫᠡ ᠶᠢᠨ ᠭᠤᠷᠪᠠᠨ ᠲᠠᠯᠠᠢ ᠶᠢᠨ ᠠᠶᠠᠯᠠᠯᠴᠢᠨ ᠤ ᠠᠵᠢᠯᠯᠠᠭᠠ ᠶᠢ ᠬᠠᠮᠲᠤ ᠳᠤᠨᠢ ︽ᠭᠠᠵᠠᠷ ᠵᠦᠢ ᠶᠢᠨ ᠲᠣᠮᠣ ᠢᠯᠡᠷᠡᠭᠦᠯᠦᠯ︾ | ᠭᠡᠵᠦ ᠬᠡᠯᠡᠳᠡᠭ᠃ ᠭᠠᠵᠠᠷ ᠵᠦᠢ ᠶᠢᠨ ᠢᠯᠡᠷᠡᠭᠦᠯᠦᠯᠲᠡ ᠪᠠᠷ ᠲᠠᠮᠵᠢᠨ ᠪᠠᠷᠠᠭᠤᠨ ᠡᠸᠦ᠋ᠷᠦᠫᠡ ᠶᠢᠨ ᠤᠯᠤᠰ ᠤᠳ ᠭᠠᠳᠠᠭᠠᠳᠤ ᠠᠴᠠ ᠶᠡᠭᠡ ᠬᠡᠮᠵᠢᠶᠡᠨ ᠤ ᠡᠳ᠋ ᠪᠠᠶᠠᠯᠢᠭ | ᠪᠠ ᠬᠠᠷᠠ ᠠᠰᠢᠭ ᠣᠯᠪᠠ᠃ ᠢᠰᠫᠠᠨᠢ ᠶᠢᠨ ᠺᠣᠯᠣᠨᠢᠴᠢᠯᠠᠭᠴᠢᠳ ᠯᠠᠲ᠋ᠢᠨ ᠠᠮᠧᠷᠢᠺᠠ ᠲᠢᠪ ᠢ 3 ᠵᠠᠭᠤᠨ ᠡᠵᠡᠷᠬᠡᠵᠦ᠂ ᠤᠤᠭᠠᠯ ᠢᠷᠭᠡᠳ ᠢ ᠬᠠᠷᠭᠢᠰ ᠬᠡᠷᠴᠡᠭᠡᠢ᠂ ᠬᠠᠷᠠ | ᠬᠤᠣᠷᠠᠳᠠᠢ ᠪᠠᠷ ᠬᠥᠨᠥᠭᠡᠬᠦ ᠪᠠ ᠪᠣᠭᠤᠯᠴᠢᠯᠠᠵᠤ᠂ 2500 ᠲᠦᠮᠡᠨ ᠢᠨᠳᠢᠶᠠᠨᠴᠤᠳ ᠢ ᠬᠤᠷᠣᠭᠠᠵᠤ᠂ 250 ᠲᠦᠮᠡᠨ ᠺᠢᠯᠦᠭᠷᠠᠮ ᠰᠢᠵᠢᠷ ᠠᠯᠳᠠ ᠪᠠ ᠳ᠋ᠦᠡᠭᠰᠢᠭᠤᠷ | ᠲᠣᠨ ᠮᠥᠩᠭᠦ ᠲᠣᠨᠣᠪᠠᠢ᠃ ᠫᠣᠷᠲ᠋ᠦ᠋ᠭᠠᠯ ᠤᠨ ᠺᠣᠯᠣᠨᠢᠴᠢᠠᠯᠬᠴᠢᠳ ᠪᠷᠠᠽᠢᠯ ᠠᠴᠠ 6 ᠳ᠋ᠦᠡᠭᠰᠢᠭᠤᠷ ᠳ᠋ᠣᠯᠯᠠᠷ ᠤᠨ ᠰᠢᠵᠢᠷ ᠠᠯᠳᠠ ᠪᠠ 3 ᠳ᠋ᠦᠡᠭᠰᠢᠭᠤᠷ ᠳ᠋ᠣᠯᠯᠠᠷ ᠤᠨ | ᠠᠯᠠᠮᠠᠰ ᠠᠪᠠᠴᠢᠵᠠᠢ᠃ 15 ᠳ᠋ᠤᠭᠠᠷ ᠵᠠᠭᠤᠨ ᠤ ᠳᠤᠮᠳᠠᠴᠢ ᠳᠤ ᠫᠣᠷᠲ᠋ᠦ᠋ᠭᠠᠯᠴᠣᠳ ᠠᠹᠧᠷᠢᠺᠠ ᠲᠢᠪ ᠤᠨ ᠪᠠᠷᠠᠭᠤᠨ ᠲᠠᠯᠠᠢ ᠶᠢᠨ ᠡᠷᠭᠢ ᠠᠴᠠ ᠪᠣᠭᠤᠯᠴᠤᠳ ᠢ | ᠪᠤᠯᠢᠶᠠᠬᠤ ᠪᠠ ᠬᠤᠳᠠᠯᠳᠤᠨ ᠠᠪᠴᠤ ᠤᠯᠤᠰ ᠲᠠᠭᠠᠨ ᠠᠪᠠᠴᠢᠵᠤ ᠠᠷᠠᠯᠵᠢᠶᠠᠯᠠᠨ᠂ ᠴᠥᠭᠡᠩᠬᠢ ᠨᠢ ᠪᠠᠶᠠᠨ ᠠᠶᠢᠯ ᠳᠤ ᠵᠠᠷᠤᠴᠠᠯᠠᠭᠳᠠᠨ᠂ ᠣᠯᠠᠩᠬᠢ ᠨᠢ ᠠᠳ᠋ᠯᠠᠨᠲ | ᠲᠠᠯᠠᠢ ᠶᠢᠨ ᠡᠵᠡᠯᠡᠭᠳᠡᠭᠰᠡᠨ ᠠᠷᠠᠯ ᠬᠤᠶᠢᠭ ᠢᠶᠠᠷ ᠠᠭᠤᠷᠬᠠᠢ ᠨᠡᠭᠡᠭᠡᠬᠦ᠂ ᠲᠠᠷᠢᠵᠣ ᠠᠷᠠᠴᠢᠯᠠᠬᠤ ᠵᠡᠷᠭᠡ ᠬᠠᠷᠠ ᠠᠵᠢᠯ ᠳᠤ ᠪᠠᠷᠢᠭᠳᠠᠪᠠ᠃ ᠠᠹᠧᠷᠢᠺᠠ᠂ ᠯᠠᠲ᠋ᠢᠨ ᠠᠮᠧᠷᠢᠺᠠ | ᠲᠢᠪ ᠲᠤ ᠪᠠᠷᠠᠭᠤᠨ ᠡᠸᠦ᠋ᠷᠦᠫᠡᠴᠦᠳ ᠰᠣᠬᠤᠷ ᠵᠣᠭᠤᠰᠤᠨ ᠤ ᠦᠨᠡ ᠦᠭᠡᠢ ᠰᠢᠯ ᠪᠥᠮᠪᠦᠭᠡ᠂ ᠲᠣᠯᠢ᠂ ᠭᠥᠨᠵᠢᠭᠦᠷ᠂ ᠲᠣᠪᠴᠢ ᠵᠡᠷᠭᠡ ᠪᠠᠷ ᠲᠡᠨᠳᠡᠬᠢ ᠦᠨᠡ ᠪᠡᠨᠡ | ᠲᠠᠢ ᠬᠢᠷᠢᠰ ᠤᠨ ᠡᠪᠡᠷ᠂ ᠵᠠᠭᠠᠨ ᠤ ᠰᠣᠶᠤᠭᠠ᠂ ᠰᠢᠵᠢᠷ ᠠᠯᠳᠠ᠂ ᠮᠥᠩᠭᠦ᠂ ᠪᠣᠭᠤᠯᠴᠤᠳ ᠢ ᠰᠣᠯᠢᠳᠠᠭ᠂ ᠢᠩᠭᠢᠵᠦ ᠠᠳᠠᠯᠢ ᠪᠤᠰᠤ ᠦᠨᠡ ᠲᠠᠢ ᠪᠣᠳᠠᠰ ᠤᠨ | ᠰᠣᠯᠢᠯᠴᠠᠭᠠ ᠳᠤᠮᠳᠠ ᠠᠴᠠ ᠬᠠᠷᠠ ᠠᠰᠢᠭ ᠣᠯᠬᠤ ᠨᠢ ᠣᠳᠣ ᠶᠢᠨ ᠦᠭᠡ ᠪᠠᠷ ᠬᠡᠯᠡᠪᠡᠯ ᠬᠥᠮᠥᠨ ᠴᠢᠨᠠᠷ ᠢᠶᠠᠨ ᠠᠯᠳᠠᠭᠰᠠᠨ ᠬᠤᠳᠠᠯᠳᠤᠭᠠᠨ ᠤ ᠮᠡᠬᠡᠯᠡᠯ ᠪᠠᠶᠢᠯᠤᠭᠠ᠃ | ᠳᠡᠯᠡᠬᠡᠢ ᠳᠡᠭᠡᠷᠡ ᠲᠠᠯᠠᠢ ᠶᠢᠨ ᠠᠶᠠᠯᠠᠯ ᠢ ᠶᠡᠷᠦ ᠨᠢ ᠪᠠᠷᠳᠠᠭᠠ ᠰᠢᠨᠵᠢᠯᠡᠬᠦ᠂ ᠡᠷᠬᠡᠰᠢᠶᠡᠬᠦ᠂ ᠪᠤᠯᠢᠶᠠᠨ ᠳᠡᠭᠡᠷᠡᠮᠳᠡᠬᠦ ᠲᠠᠢ ᠬᠤᠯᠪᠣᠵᠤ ᠶᠠᠷᠢᠳᠠᠭ᠂ ᠭᠡᠲᠡᠯᠡ ᠵᠧᠩ | ᠾᠧ ᠶᠢᠨ ᠲᠠᠯᠠᠢ ᠶᠢᠨ ᠠᠶᠠᠯᠠᠯ ᠨᠢ ᠪᠠᠯᠠᠮᠠᠳ ᠡᠷᠬᠡᠰᠢᠶᠡᠯ᠂ ᠪᠤᠯᠢᠶᠠᠨ ᠳᠡᠭᠡᠷᠡᠮᠳᠡᠯᠭᠡ ᠪᠢᠰᠢ ᠮᠥᠷᠲᠡᠭᠡᠨ ᠴᠢᠰᠤᠲᠤ ᠲᠠᠮᠤᠯᠠᠯ ᠪᠠ ᠠᠯᠠᠯᠭᠠ ᠬᠢᠳᠤᠯᠭᠠ ᠴᠦ ᠠᠯᠠᠭᠠ | ᠶᠤᠮ᠃ ᠪᠤᠰᠤᠳ ᠤᠨ ᠡᠳ᠋ ᠬᠥᠷᠥᠩᠭᠡ ᠶᠢ ᠶᠡᠷᠦ ᠠᠴᠠ ᠳᠡᠭᠡᠷᠡᠮᠳᠡᠭᠡ ᠦᠭᠡᠢ᠂ ᠪᠤᠰᠤᠳ ᠤᠯᠤᠰ ᠤᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠢ ᠰᠥᠭᠦᠮ ᠲᠡᠳᠦᠢ ᠡᠵᠡᠯᠡᠭᠡ ᠦᠭᠡᠢ᠂ ᠬᠡᠮ | ᠦᠭᠡᠢ ᠢᠷᠭᠡᠳ ᠢ ᠦᠰᠣᠨ ᠲᠡᠳᠦᠢ ᠬᠥᠨᠥᠭᠡᠭᠡ ᠦᠭᠡᠢ ᠶᠤᠮ᠃ 15 ᠳ᠋ᠤᠭᠠᠷ ᠵᠠᠭᠤᠨ ᠤ ᠲᠣᠮᠳᠠᠳᠣ ᠤᠯᠤᠰ ᠨᠤᠲᠤᠭ ᠳᠡᠪᠢᠰᠬᠡᠷ ᠥᠷᠭᠡᠨ ᠠᠭᠤᠳᠠᠮ᠂ ᠬᠥᠮᠥᠨ | ᠪᠦᠯᠢ ᠣᠯᠠᠨ᠂ ᠤᠯᠤᠰ ᠬᠦᠴᠦᠷᠬᠡᠭ᠂ ᠠᠽᠢᠶᠠ ᠲᠢᠪ ᠢ ᠪᠠᠶᠢᠴᠢᠬᠠ᠂ ᠪᠦᠬᠦ ᠳᠡᠯᠡᠬᠡᠢ ᠳᠤ ᠴᠦ ᠭᠠᠷ ᠤᠨ ᠲᠠᠪᠤᠨ ᠬᠤᠷᠤᠭᠤᠨ ᠳᠤ ᠪᠠᠭᠲᠠᠬᠤ ᠤᠯᠤᠰ ᠪᠠᠶᠢᠯᠠ᠃ | ᠭᠠᠳᠠᠭᠠᠳᠤ ᠠᠴᠠ ᠰᠢᠨᠡ ᠭᠠᠵᠠᠷ ᠰᠢᠷᠣᠢ ᠣᠯᠬᠤ᠂ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠨ ᠥᠷᠭᠡᠳᠬᠡᠬᠦ ᠱᠠᠭᠠᠷᠳᠠᠯᠭᠠ ᠠᠯᠠᠭᠠ᠂ ᠨᠡᠩ ᠴᠦ ᠠᠯᠤᠰ ᠬᠤᠯᠨ ᠲᠠᠯᠠᠢ ᠲᠠᠮᠵᠢᠨ ᠰᠢᠵᠢᠷ | ᠠᠯᠳᠠ᠂ ᠴᠠᠭᠠᠨ ᠮᠥᠩᠭᠦ ᠡᠷᠢᠬᠦ ᠱᠠᠭᠠᠷᠳᠠᠯᠭᠠ ᠦᠭᠡᠢ᠃ ᠮᠢᠩ ᠤᠯᠤᠰ ᠵᠧᠩ ᠾᠧ ᠶᠢ ᠠᠳ᠋ᠯᠠᠨᠲ ᠲᠠᠯᠠᠢ ᠳᠤ ᠲᠣᠮᠢᠯᠠᠭᠰᠠᠨ ᠤ ᠤᠭ ᠵᠣᠷᠢᠯᠭᠠ ᠪᠣᠯ ᠳᠡᠯᠡᠬᠡᠢ ᠶᠢᠨ | ᠡᠯᠡ ᠤᠯᠤᠰ ᠯᠤᠭᠠ ᠡᠩᠬᠡ ᠲᠠᠶᠢᠪᠤᠩ᠂ ᠨᠦᠬᠦᠷᠰᠡᠭ ᠢᠶᠠᠷ ᠨᠥᠬᠦᠷᠯᠡᠯ ᠢᠶᠠᠨ ᠪᠠᠲᠤᠳᠬᠠᠵᠤ᠂ ᠨᠡᠭᠡᠭᠡᠭᠳᠡᠭᠡ ᠦᠭᠡᠢ ᠭᠠᠳᠠᠭᠠᠳᠤ ᠠᠷᠠᠯᠵᠢᠶᠠ ᠶᠢ ᠨᠠᠪᠲᠠᠷᠡᠭᠦᠯᠵᠦ᠂ | ᠰᠣᠶᠣᠯ ᠢᠶᠠᠨ ᠰᠣᠯᠢᠯᠴᠠᠬᠤ᠂ ᠲᠡᠭᠷᠢ ᠶᠢ ᠰᠢᠨᠵᠢᠵᠦ ᠭᠠᠵᠠᠷ ᠢ ᠬᠡᠮᠵᠢᠨ ᠲᠠᠯᠠᠢ ᠶᠢᠨ ᠵᠢᠷᠤᠭ ᠵᠢᠷᠤᠬᠤ᠂ ᠣᠩᠭᠤᠴᠠ ᠦᠢᠯᠡᠳᠦᠨ ᠲᠠᠯᠠᠢ ᠪᠠᠷ ᠠᠶᠠᠯᠠᠵᠤ ᠰᠢᠨᠵᠢᠯᠡᠬᠦ | ᠮᠡᠷᠭᠡᠵᠢᠯ ᠢ ᠤᠯᠠᠮᠵᠢᠯᠠᠬᠤ ᠶᠢᠨ ᠳᠠᠭᠠᠤ ᠬᠠᠷᠢᠯᠴᠠᠨ ᠰᠣᠷᠣᠯᠴᠠᠬᠤ ᠶᠠᠪᠤᠳᠠᠯ ᠪᠣᠯᠣᠨᠠ᠃ | ᠮᠢᠩ ᠤᠯᠤᠰ ᠤᠨ ᠡᠬᠢᠨ ᠤ ᠦᠶᠡ ᠳᠤ ᠭᠤᠷᠪᠠᠨ ᠬᠠᠭᠠᠨ ᠰᠣᠯᠢᠬᠳᠠᠬᠠᠰᠠᠨ ᠶᠤᠮ᠂ ᠵᠦ ᠶᠤᠸᠠᠨ ᠵᠠᠩ ᠤᠨ ᠲᠣᠭᠲᠠᠭᠠᠭᠰᠠᠨ ᠡᠩᠬᠡ ᠲᠠᠶᠢᠪᠤᠩ ᠭᠠᠳᠠᠭᠠᠳᠤ | ᠬᠠᠷᠢᠯᠴᠠᠭᠠᠨ ᠤ ᠪᠣᠳᠣᠯᠭᠠ ᠨᠢ ᠥᠨᠢᠳᠡ ᠪᠠᠶᠠᠰᠬᠤᠯᠠᠩᠲᠤ ᠪᠠ ᠡᠷᠳᠡᠮ ᠢ ᠳᠡᠯᠭᠡᠷᠡᠭᠦᠯᠬᠦᠢ ᠬᠠᠭᠠᠨ ᠤ ᠦᠶᠡ ᠳᠤ ᠤᠯᠠᠮᠵᠢᠯᠠᠭᠳᠠᠨ ᠬᠥᠭᠵᠢᠪᠡ᠃ ᠶᠡᠭᠡ ᠰᠦᠷᠲᠦ ᠶᠢᠨ | ᠬᠤᠶᠠᠳᠤᠭᠠᠷ ᠣᠨ ︵1369︶ ᠣᠨ ᠳᠤ ᠵᠦ ᠶᠤᠸᠠᠨ ᠵᠠᠩ ︽ᠬᠠᠭᠠᠨ ᠣᠷᠢᠳᠠᠰ ᠤᠨ ᠰᠤᠷᠭᠠᠯ︾ ᠳᠠᠭᠠᠨ ᠡᠯᠡ ᠤᠯᠤᠰ ᠤᠨ ᠠᠷᠠᠳ ᠲᠦᠮᠡᠨ ᠲᠠᠢ ᠡᠩᠬᠡ ᠲᠠᠶᠢᠪᠤᠩ | ᠣᠷᠣᠰᠢᠬᠤ ᠪᠣᠳᠣᠯᠭᠠ ᠶᠢ ᠭᠠᠳᠠᠭᠠᠳᠤ ᠬᠠᠷᠢᠯᠴᠠᠭᠠᠨ ᠤ ᠰᠠᠭᠤᠷᠢ ᠲᠦᠷᠣ ᠶᠢᠨ ᠪᠣᠳᠣᠯᠭᠠ ᠪᠣᠯᠭᠠᠨ ︽ᠮᠡᠬᠦᠰ ᠪᠢ ᠪᠠᠷ ᠬᠤᠶᠢᠴᠢ ᠦᠶᠡ ᠶᠢᠨ ᠬᠥᠪᠡᠭᠦᠨ ᠠᠴᠢᠨᠠᠷ | ᠲᠣᠮᠳᠠᠳᠣ ᠤᠯᠤᠰ ᠤᠨ ᠪᠠᠶᠠᠨ ᠬᠦᠴᠦᠷᠬᠡᠭ ᠲᠤᠷ ᠡᠷᠳᠦᠨ᠂ ᠲᠦᠷ ᠵᠠᠭᠤᠷᠠ ᠶᠢᠨ ᠴᠡᠷᠢᠭ ᠲᠠᠶᠢᠨ ᠤ ᠭᠠᠪᠢᠶᠠ ᠠᠯᠳᠠᠷ ᠲᠤᠷ ᠰᠢᠨᠤᠬᠠᠶᠢᠷᠠᠵᠤ᠂ ᠳᠠᠶᠢᠰᠤᠨ ᠠᠯᠠᠭᠠ | ᠠᠳᠠᠯᠠ ᠴᠡᠷᠢᠭ ᠬᠥᠳᠡᠯᠭᠡᠨ᠂ ᠤᠯᠤᠰ ᠢᠷᠬᠡᠨ ᠢ ᠵᠣᠪᠠᠯᠠᠩ ᠬᠥᠨᠥᠭᠡᠯ ᠳᠤᠷ ᠲᠤᠯᠭᠠᠷᠠᠭᠤᠯᠬᠤ ᠪᠣᠯᠣᠭᠤᠵᠠᠢ ᠬᠡᠮᠡᠨ ᠡᠭᠡᠨᠡᠭᠲᠡ ᠡᠮᠢᠶᠡᠵᠦ ᠪᠠᠶᠢᠯᠤᠭᠠ᠃ ᠡᠶᠢᠨ ᠮᠡᠲᠦ | ᠬᠡᠷᠡᠭ ᠦᠢᠯᠨ ᠶᠢ ᠬᠡᠷᠬᠢᠪᠡᠴᠦ ᠦᠯᠣ ᠵᠥᠪᠰᠢᠶᠡᠮᠦᠢ ᠬᠡᠮᠡᠬᠦᠨ ᠢ ᠪᠠᠲᠤ ᠴᠡᠭᠡᠵᠢᠯᠡᠭᠲᠦᠨ︾ ᠬᠡᠮᠡᠪᠡᠢ᠃ ᠡᠭᠦᠨ ᠤ ᠬᠠᠮᠲᠤ ᠲᠣᠮᠳᠠᠳᠣ ᠤᠯᠤᠰ ᠪᠠ ᠬᠠᠵᠠᠭᠤ ᠬᠠᠪᠢ ᠶᠢᠨ | 15 ᠤᠯᠤᠰ ᠢ ᠨᠦᠬᠦᠷᠰᠡᠭ ᠬᠥᠷᠰᠢ ᠪᠣᠯᠭᠠᠵᠣ᠂ ᠦᠯᠣ ᠳᠠᠶᠢᠯᠠᠬᠤ ᠤᠯᠤᠰ ᠬᠡᠮᠡᠯᠦᠭᠡ᠃ ᠵᠦ ᠳ᠋ᠢ ︽ᠵᠢᠩ ᠨᠠᠨ ᠤ ᠪᠠᠶᠢᠯᠳᠤᠭᠠᠨ︾ ᠢᠶᠠᠷ ᠲᠠᠮᠵᠢᠨ ᠤᠳᠬᠠ | ᠬᠥᠭᠵᠢᠩᠭᠦᠢ ᠶᠢᠨ ᠳᠥᠷᠪᠡᠳᠦᠭᠡᠷ ᠣᠨ ︵1402︶ ᠳᠤ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠵᠤ᠂ ᠲᠠᠷᠠᠭᠠ ᠵᠢᠯ ᠨᠢ ᠣᠨ ᠤ ᠴᠣᠯᠠ ᠪᠠᠨ ᠥᠨᠢᠳᠡ ᠪᠠᠶᠠᠰᠬᠤᠯᠠᠩᠲᠤ | ᠬᠡᠮᠡᠵᠦ᠂ ︽ᠲᠦᠷᠪᠡᠨ ᠵᠦᠭ ᠤᠨ ᠬᠠᠷᠢᠴᠤᠳ ᠡᠶᠡᠳᠡᠪᠡᠰᠦ᠂ ᠲᠣᠮᠳᠠᠳᠣ ᠤᠯᠤᠰ ᠠᠮᠤᠭᠤᠯᠠᠩ ᠪᠣᠯᠣᠮᠤᠢ︾᠂ ︽ᠡᠶᠢᠨ ᠬᠦ ᠳᠣᠲᠣᠭᠠᠳᠤ ᠳᠤᠷ ᠲᠣᠳᠣᠷᠠᠳᠣ ᠣᠷᠣᠨ ᠢᠶᠠᠨ | ᠲᠣᠭᠲᠠᠭᠠᠵᠤ ᠠᠮᠤᠷᠵᠢᠭᠤᠯᠤᠨ᠂ ᠭᠠᠳᠠᠭᠠᠳᠤ ᠳᠤᠷ ᠲᠦᠷᠪᠡᠨ ᠵᠦᠭ ᠤᠨ ᠬᠠᠷᠢᠴᠤᠳ ᠢ ᠢᠯᠪᠢᠨ ᠲᠣᠬᠤᠨᠢᠭᠤᠯᠵᠤ᠂ ᠢᠵᠢᠯᠢᠰᠢᠨ ᠣᠷᠣᠰᠢᠵᠤ ᠲᠡᠭᠰᠢ ᠪᠠᠷ ᠬᠠᠨᠳᠤᠨ᠂ | ᠬᠤᠲᠠᠯᠠ ᠪᠦᠭᠦᠳᠡᠭᠡᠷ ᠴᠡᠴᠡᠭᠯᠡᠨ ᠬᠥᠭᠵᠢᠰᠦᠭᠡᠢ︾ ᠬᠡᠮᠡᠬᠦᠢ ᠭᠠᠳᠠᠭᠠᠳᠤ ᠲᠠᠢ ᠶᠠᠪᠤᠯᠴᠠᠬᠤ ᠨᠦᠬᠦᠷᠰᠡᠭ ᠪᠣᠳᠣᠯᠭᠠ ᠳᠤᠷᠠᠳᠪᠠᠢ᠃ ᠵᠧᠩ ᠾᠧ ᠠᠳ᠋ᠯᠠᠨᠲ ᠲᠠᠯᠠᠢ ᠪᠠᠷ | ᠠᠶᠠᠯᠠᠭᠰᠠᠨ ᠨᠢ ︽ᠡᠵᠡᠨ ᠬᠥᠮᠥᠨ ᠪᠠᠷ ᠲᠡᠭᠷᠢ ᠶᠢᠨ ᠲᠣᠣᠷᠠᠬᠢᠨ ᠢ ᠡᠵᠡᠮᠳᠡᠬᠦᠢ ᠠᠨᠤ ᠡᠨᠡᠷᠢᠯ ᠢᠪᠡᠭᠡᠬᠦ ᠥᠷᠥᠰᠢᠶᠡᠯ ᠦᠭᠯᠢᠬᠡᠬᠦᠢ ᠳᠤᠷ ᠠᠮᠣᠢ︾᠂ ︽ᠥᠨᠥᠴᠢᠨ | ᠭᠠᠭᠴᠠ ᠶᠢ ᠳᠠᠷᠤᠯᠠᠬᠤ ᠶᠢ ᠴᠡᠭᠡᠷᠯᠡᠨ᠂ ᠦᠭᠡᠶᠢᠭᠦᠦ ᠪᠠᠭᠤᠷᠠᠢ ᠶᠢ ᠳᠣᠷᠣᠮᠵᠢᠯᠠᠬᠤ ᠶᠢ ᠲᠡᠪᠴᠢᠵᠦ᠂ ᠲᠠᠶᠢᠪᠤᠩ ᠴᠠᠭ ᠤᠨ ᠪᠤᠶᠠᠨ ᠢ ᠬᠠᠮᠲᠤᠳᠠ ᠡᠳ᠋ᠯᠡᠰᠦᠭᠡᠢ︾ ᠬᠡᠮᠡᠬᠦ | ᠲᠡᠭᠷᠢ ᠶᠢᠨ ᠵᠠᠷᠯᠢᠭ ᠢ ᠵᠢᠷᠤᠮᠯᠠᠪᠠ᠂ ᠡᠨᠡ ᠲᠡᠭᠷᠢ ᠶᠢᠨ ᠵᠠᠷᠯᠢᠭ ᠤᠨ ᠰᠡᠷᠡᠮᠵᠢ ᠶᠢᠨ ᠵᠠᠭᠠᠭ ᠲᠠᠯᠠᠢ ᠶᠢᠨ ᠠᠶᠠᠯᠠᠯ ᠤᠨ ᠪᠦᠬᠦ ᠶᠠᠪᠤᠴᠠ ᠳᠤ ᠲᠤᠤᠱᠯᠠᠭᠳᠠᠭᠰᠠᠨ | ᠪᠣᠯᠬᠤ ᠠᠴᠠ ᠣᠩᠭᠤᠴᠠᠲᠤ ᠠᠩᠭᠢ ᠬᠦᠷᠦᠭᠰᠡᠨ ᠭᠠᠵᠠᠷ ᠪᠣᠯᠭᠠᠨ ᠳᠤ ᠲᠤᠬᠠᠢ ᠶᠢᠨ ᠨᠤᠲᠤᠭ ᠤᠨ ᠬᠢᠨ ᠤ ᠴᠢᠩ ᠰᠡᠳᠬᠢᠯ ᠤᠨ ᠬᠠᠮᠤᠭ ᠡᠷᠬᠢᠮ ᠬᠦᠨᠳᠦᠳᠬᠡᠯ ᠢ | ᠣᠯᠪᠠᠢ᠃ | 1409 ᠣᠨ ᠤ 12 ᠰᠠᠷᠠ ᠳᠤ ᠵᠧᠩ ᠾᠧ ᠠᠳ᠋ᠯᠠᠨᠲ ᠲᠠᠯᠠᠢ ᠪᠠᠷ ᠳᠣᠯᠤᠭᠠᠨᠲᠠ ᠠᠶᠠᠯᠠᠬᠤ ᠳᠤ ᠵᠠᠪᠠᠯ ᠬᠦᠷᠬᠦ ᠶᠣᠰᠣᠲᠠᠢ ᠸᠧᠶᠧᠳ᠋ᠨᠠᠮ ᠤᠨ ᠬᠦᠢ ᠷᠧᠨ | ᠭᠠᠷᠠᠮ ᠤᠨ ᠬᠢᠨ ᠵᠧᠩ ᠾᠧ ᠶᠢᠨ ᠣᠩᠭᠤᠴᠠᠲᠤ ᠠᠩᠭᠢ ᠲᠠᠬᠢᠨ ᠬᠦᠷᠴᠦ ᠢᠷᠡᠭᠰᠡᠨ ᠳᠤ ᠠᠬᠠᠯᠠᠭᠴᠢ ᠨᠢ ᠭᠤᠷᠪᠠᠨ ᠰᠠᠭᠤᠳᠠᠯᠲᠤ ᠠᠯᠳᠠᠨ ᠴᠡᠴᠡᠭ ᠤᠨ ᠲᠢᠲᠢᠮ | ᠵᠡᠭᠦᠵᠦ᠂ ᠤᠯᠠᠭᠠᠨ ᠨᠣᠭᠤᠭᠠᠨ ᠲᠣᠷᠭᠠ ᠲᠣᠷᠳᠣᠩ ᠳᠤᠬᠤᠭᠰᠠᠨ ᠵᠠᠭᠠᠨ ᠣᠨᠣᠵᠣ᠂ ᠠᠷᠤ ᠥᠪᠥᠷ ᠠᠴᠠ ᠪᠠᠨ ᠬᠦᠷᠢᠶᠡᠯᠡᠭᠦᠯᠵᠦ ᠲᠡᠬᠦᠷᠬᠡ ᠶᠢᠨ ᠭᠠᠳᠠᠨᠠ ᠠᠴᠠ | ᠲᠣᠰᠴᠣ ᠠᠪᠤᠭᠰᠠᠨ ᠪᠥᠭᠡᠳ ᠫᠠᠨ ᠭᠠᠵᠠᠷ ᠤᠨ 500 ᠰᠢᠬᠠᠮ ᠴᠡᠷᠢᠭ ᠬᠤᠷᠴᠠ ᠬᠢᠳᠤᠭᠠ᠂ ᠭᠠᠯ ᠫᠤᠤ ᠡᠷᠭᠦᠯᠴᠡᠨ᠂ ᠨᠤᠲᠤᠭ ᠤᠨ ᠪᠥᠵᠢᠭ ᠪᠥᠵᠢᠭᠯᠡᠨ᠂ ᠮᠣᠳᠣᠨ | ᠬᠡᠩᠭᠡᠷᠭᠡ ᠳᠡᠯᠡᠳᠴᠦ᠂ ᠨᠠᠷᠭᠢᠯ ᠤᠨ ᠪᠢᠰᠬᠢᠭᠦᠷ ᠦᠯᠢᠶᠡᠨ᠂ ᠪᠠᠶᠠᠷ ᠤᠨ ᠲᠠᠯᠠᠢ ᠴᠠᠯᠭᠢᠯᠠᠪᠠᠢ᠃ ᠵᠧᠩ ᠾᠧ ᠶᠢ ᠦᠵᠡᠭᠡᠳ ᠠᠬᠠᠯᠠᠭᠴᠢ ᠨᠢ ᠵᠠᠭᠠᠨ ᠠᠴᠠ ᠪᠠᠨ | ᠪᠠᠭᠤᠵᠤ ᠡᠪᠦᠳᠦᠭ ᠨᠤᠭᠤᠯᠤᠨ ᠠᠮᠤᠷ ᠠᠰᠠᠭᠤᠵᠤ᠂ ᠬᠥᠰᠡᠷ ᠡᠯᠢᠬᠡᠳᠡᠨ ᠲᠡᠭᠷᠢ ᠶᠢᠨ ᠢᠪᠡᠭᠡᠯ ᠳᠤᠷ ᠲᠠᠯᠠᠷᠬᠠᠪᠠᠢ᠃ | 1412 ᠣᠨ᠂ ᠥᠨᠢᠳᠡ ᠪᠠᠶᠠᠰᠬᠤᠯᠠᠩᠲᠤ ᠶᠢᠨ ᠠᠷᠪᠠᠳᠤᠭᠠᠷ ᠣᠨ ᠳᠤ ᠵᠧᠩ ᠾᠧ ᠶᠢᠨ ᠣᠩᠭᠤᠴᠠᠲᠤ ᠠᠩᠭᠢ ᠡᠨᠡᠳᠬᠡᠭ ᠲᠠᠯᠠᠢ ᠶᠢᠨ ᠪᠠᠷᠠᠭᠤᠨ | ᠡᠷᠭᠢ ᠶᠢᠨ ᠪᠠᠶᠠᠨ ᠲᠠᠩᠰᠤᠭ ᠨᠦᠬᠦᠷᠰᠡᠭ ᠤᠯᠤᠰ ᠭᠧᠯᠨ ᠳᠤ ᠬᠦᠷᠪᠡᠯ ᠤᠯᠤᠰ ᠤᠨ ᠸᠠᠩ ᠨᠢ ᠡᠳ᠋ ᠡᠷᠳᠡᠨᠢᠰ ᠤᠨ ᠣᠩᠭᠤᠴᠠ ᠤᠳᠠᠬᠤ ᠦᠭᠡᠢ ᠢᠷᠡᠬᠦ ᠶᠢ | ᠰᠣᠨᠣᠰᠤᠭᠠᠳ ᠣᠪᠣᠭ ᠤᠨ ᠲᠦᠷᠣᠬᠦᠣ ᠪᠠᠨ ᠲᠣᠮᠢᠯᠠᠵᠤ᠂ ᠬᠡᠭᠡᠨᠴᠢᠷ ᠵᠠᠰᠠᠵᠤ ᠴᠢᠮᠡᠵᠠᠭᠠᠨ᠂ ᠮᠣᠷᠢᠲᠤ ᠡᠩᠨᠡᠭᠡ ᠪᠠᠷ ᠲᠠᠯᠠᠢ ᠶᠢᠨ ᠭᠠᠷᠠᠮ ᠳᠤ ᠢᠷᠡᠵᠣ ᠲᠣᠮᠳᠠᠳᠣ | ᠤᠯᠤᠰ ᠤᠨ ᠡᠷᠬᠢᠮ ᠵᠣᠴᠢᠳ ᠢ ᠤᠭᠲᠤᠭᠰᠠᠨ ᠠᠵᠤᠭᠤ᠃ ᠨᠡᠶᠢᠰᠯᠡᠯ ᠬᠤᠲᠠᠨ ᠤ ᠸᠠᠩ ᠤᠨ ᠣᠷᠳᠣᠨ ᠳᠤ ᠬᠦᠷᠪᠡᠯ᠂ ᠤᠯᠤᠰ ᠤᠨ ᠸᠠᠩ ᠪᠠᠷ ᠬᠢᠴᠢᠶᠡᠩᠭᠦᠶᠢᠯᠡᠨ | ᠬᠦᠨᠳᠦᠯᠡᠵᠦ ᠮᠥᠷᠭᠦᠨ᠂ ᠵᠠᠷᠯᠢᠭ ᠤᠨ ᠪᠢᠴᠢᠭ ᠢ ᠲᠣᠰᠣᠭᠠᠳ᠂ ᠭᠠᠵᠠᠷ ᠲᠡᠪᠡᠷᠢᠨ ᠰᠥᠭᠦᠳᠴᠦ᠂ ᠭᠠᠯ ᠮᠠᠩᠨᠠᠢ ᠪᠠᠨ ᠭᠠᠵᠠᠷ ᠨᠠᠭᠠᠨ᠂ ᠳᠠᠬᠢᠨᠲᠠ ᠮᠥᠷᠭᠦᠵᠦ ᠬᠠᠭᠠᠨ | ᠳᠤᠷ ᠲᠠᠯᠠᠷᠬᠠᠵᠤ ᠪᠠᠶᠢᠯᠤᠭᠠ᠃ ᠵᠧᠩ ᠾᠧ ᠬᠠᠭᠠᠨ ᠤ ᠬᠡᠰᠢᠭ ᠢ ᠤᠩᠰᠢᠵᠤ ᠳᠠᠭᠤᠰᠤᠭᠰᠠᠨ ᠤ ᠲᠠᠷᠠᠭᠠ᠂ ᠲᠤᠬᠠᠢ ᠶᠢᠨ ᠨᠤᠲᠤᠭ ᠤᠨ ᠵᠠᠩᠰᠢᠯ ᠢᠶᠠᠷ ᠣᠷᠳᠣᠨ ᠤ | ᠭᠠᠵᠠᠷᠠ ᠬᠡᠪᠢᠰ ᠳᠡᠪᠢᠰᠴᠦ᠂ ᠮᠠᠨ ᠤ ᠲᠡᠭᠷᠢ ᠶᠢᠨ ᠡᠯᠴᠢ ᠶᠢ ᠬᠦᠨᠳᠦᠯᠡᠨ ᠬᠦᠯᠢᠶᠡᠨ ᠠᠪᠴᠤ᠂ ᠮᠠᠨ ᠤ ᠵᠠᠩᠵᠤᠨ ᠴᠡᠷᠢᠭ ᠢ ᠬᠤᠷᠢᠮᠯᠠᠨ ᠵᠣᠴᠢᠯᠠᠵᠤ᠂ ᠶᠣᠰᠣᠯᠠᠯ ᠠᠨᠤ | ᠲᠣᠩ ᠬᠦᠨᠳᠦ ᠪᠠᠶᠢᠯᠤᠭᠠ᠃ | ᠵᠧᠩ ᠾᠧ ᠶᠢᠨ ᠲᠠᠯᠠᠢ ᠶᠢᠨ ᠠᠶᠠᠯᠠᠯ ᠤᠨ ᠤᠷᠢᠶᠠᠯᠠᠭᠠ ᠳᠣᠣᠷᠠ ᠲᠣᠮᠳᠠᠳᠣ ᠤᠯᠤᠰ ᠤᠨ ᠭᠠᠳᠠᠭᠠᠳᠤ ᠳᠠᠬᠢ ᠨᠡᠷᠡ ᠬᠦᠨᠳᠦ ᠲᠠᠰᠣᠷᠠᠯ ᠦᠭᠡᠢ ᠮᠠᠨᠳᠤᠨ᠂ | ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ︽ᠲᠣᠮᠳᠠᠳᠣ ᠤᠯᠤᠰ ᠤᠨ ᠬᠠᠯᠠᠭᠤᠷᠠᠯ︾ ᠤᠨ ᠳᠠᠪᠠᠯᠭᠠᠨ ᠪᠣᠰᠴᠤ᠂ ᠣᠩᠭᠤᠴᠠᠲᠤ ᠠᠩᠭᠢ ᠬᠦᠷᠦᠭᠰᠡᠨ ᠤᠯᠤᠰ ᠪᠠ ᠭᠠᠵᠠᠷ ᠣᠷᠣᠨ ᠪᠣᠯᠭᠠᠨ | ᠪᠠᠷᠤᠭ ᠯᠨ ᠪᠦᠷ ᠡᠯᠴᠢ ᠲᠣᠮᠢᠯᠠᠵᠤ ᠲᠣᠮᠳᠠᠳᠣ ᠤᠯᠤᠰ ᠲᠤ ᠠᠯᠪᠠ ᠪᠠᠷᠢᠵᠠᠢ᠃ ᠪᠦᠷᠢᠨ ᠪᠤᠰᠤ ᠪᠦᠷᠢᠳᠬᠡᠯ ᠢ ᠦᠨᠳᠦᠰᠦᠯᠡᠪᠡᠯ ᠥᠨᠢᠳᠡ ᠪᠠᠶᠠᠰᠬᠤᠯᠠᠩᠲᠤ᠂ ᠡᠷᠳᠡᠮ ᠢ | ᠳᠡᠯᠭᠡᠷᠡᠭᠦᠯᠬᠦᠢ ᠣᠨ ᠤ ᠦᠶᠡ ᠳᠤ ᠠᠽᠢᠶᠠ᠂ ᠠᠹᠧᠷᠢᠺᠠ ᠶᠢᠨ 60 ᠢᠯᠡᠭᠦᠦ ᠤᠯᠤᠰ ᠲᠣᠮᠳᠠᠳᠣ ᠤᠯᠤᠰ ᠲᠤ ᠠᠯᠪᠠ ᠪᠠᠷᠢᠭᠰᠠᠨ ᠪᠤᠶᠤ ᠠᠶᠢᠯᠴᠢᠯᠠᠵᠠᠢ᠂ ᠡᠭᠦᠨ ᠳᠤ | 20 ᠰᠢᠬᠠᠮ ᠤᠯᠤᠰ ᠤᠨ ᠸᠠᠩ ᠪᠠᠭᠲᠠᠵᠤ ᠪᠣᠢ᠂ 1411 ᠣᠨ ᠳᠤ ᠮᠠᠯᠠᠺᠠ ᠤᠯᠤᠰ ᠸᠠᠩ ᠪᠠᠶᠢᠮᠢᠰᠣᠷᠨ 540 ᠭᠠᠷᠤᠢ ᠬᠥᠮᠥᠨ ᠲᠠᠢ ᠮᠤᠨᠳᠠᠭ ᠪᠦᠯᠬᠦᠮ | ᠳᠠᠭᠠᠭᠤᠯᠵᠤ ᠲᠣᠮᠳᠠᠳᠣ ᠤᠯᠤᠰ ᠲᠤ ᠠᠶᠢᠯᠴᠢᠯᠠᠷᠠ ᠢᠷᠡᠪᠡ᠃ 1417 ᠣᠨ ᠳᠤ ᠰᠦᠯᠦᠯᠰ ᠤᠯᠤᠰ ᠳ᠋ᠦᠩ ᠸᠠᠩ᠂ ᠱᠢ ᠸᠠᠩ᠂ ᠲᠦᠡᠭ ᠸᠠᠩ 340 ᠢᠯᠡᠭᠦᠦ | ᠬᠥᠮᠥᠨ ᠲᠠᠢ ᠲᠣᠮᠣ ᠪᠦᠯᠬᠦᠮ ᠳᠠᠭᠠᠭᠤᠯᠵᠤ ᠲᠠᠯᠠᠢ ᠶᠢᠨ ᠵᠠᠮ ᠢᠶᠠᠷ ᠠᠶᠢᠯᠴᠢᠯᠠᠵᠤ ᠢᠷᠡᠪᠡ᠃ 1423 ᠣᠨ ᠳᠤ ᠵᠧᠩ ᠾᠧ ᠰᠡᠭᠦᠯᠴᠢ ᠶᠢᠨ ᠤᠳᠠᠭᠠ ᠠᠳ᠋ᠯᠠᠨᠲ | ᠲᠠᠯᠠᠢ ᠳᠤ ᠠᠶᠠᠯᠠᠭᠠᠳ ᠪᠤᠴᠠᠵᠤ ᠢᠷᠡᠬᠦ ᠦᠶᠡ ᠳᠤ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ᠂ ᠡᠮᠦᠨᠡᠲᠦ ᠠᠽᠢᠶᠠ᠂ ᠵᠡᠭᠦᠨ ᠠᠹᠧᠷᠢᠺᠠ ᠶᠢᠨ ᠡᠷᠭᠢ ᠳᠠᠭᠠᠤ ᠳᠠᠬᠢ 16 ᠤᠯᠤᠰ | 1200 ᠢᠯᠡᠭᠦᠦ ᠬᠥᠮᠥᠨ ᠲᠠᠢ ᠡᠯᠴᠢ ᠲᠣᠮᠢᠯᠠᠵᠤ᠂ ᠲᠣᠮᠳᠠᠳᠣ ᠤᠯᠤᠰ ᠲᠤ ᠠᠯᠪᠠ ᠪᠠᠷᠢᠨ᠂ ︽ᠲᠦᠷᠪᠡᠨ ᠲᠠᠯᠠ ᠶᠢᠨ ᠣᠯᠠᠨ ᠤᠯᠤᠰ᠂ ᠶᠢᠰᠦᠨ ᠬᠠᠷᠢ ᠨᠠᠢᠮᠠᠨ | ᠨᠠᠩᠭᠢᠶᠠᠳ︾ ᠬᠠᠭᠠᠨ ᠳᠤ ᠢᠷᠡᠵᠣ ᠪᠠᠷᠠᠭᠠᠯᠬᠠᠨ᠂ ᠡᠩᠬᠡ ᠲᠠᠶᠢᠪᠤᠩ ᠭᠠᠳᠠᠭᠠᠳᠤ ᠬᠠᠷᠢᠯᠴᠠᠭᠠᠨ ᠤ ᠬᠠᠯᠠᠭᠤᠨ ᠥᠷᠨᠢᠯᠲᠡ ᠶᠢ ᠣᠷᠬᠢᠯ ᠳᠤᠨᠢ ᠬᠦᠷᠭᠡᠪᠡᠢ᠃ ᠡᠨᠡ | ᠪᠠᠶᠢᠳᠠᠯ ᠨᠢ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠬᠤᠶᠠᠷ ᠦᠭᠡᠢ ᠪᠥᠭᠡᠳ ᠳᠡᠯᠡᠬᠡᠢ ᠶᠢᠨ ᠡᠷᠲᠡᠨ ᠤ ᠲᠡᠦᠬᠡᠨ ᠳᠤ ᠴᠦ ᠬᠤᠪᠣᠷ ᠲᠣᠬᠢᠶᠠᠯᠳᠤᠬᠤ ᠠᠵᠢ᠃ | ᠵᠧᠩ ᠾᠧ ᠲᠣᠯᠤᠭᠠ ᠤᠳᠠᠭᠠ ᠠᠳ᠋ᠯᠠᠨᠲ ᠶᠢᠨ ᠲᠠᠯᠠᠢ ᠪᠠᠷ ᠠᠶᠠᠯᠠᠵᠤ᠂ ᠠᠽᠢᠶᠠ᠂ ᠠᠹᠧᠷᠢᠺᠠ ᠶᠢᠨ 30 ᠢᠯᠡᠭᠦᠦ ᠤᠯᠤᠰ ᠲᠤ ᠬᠦᠷᠦᠭᠰᠡᠨ ᠭᠤᠣᠯ | ᠠᠶᠠᠯᠠᠯ ᠤᠨ ᠱᠤᠭᠤᠮ ᠨᠢ 40 ᠢᠯᠡᠭᠦᠦ ᠪᠣᠢ ᠶᠤᠮ᠂ ᠡᠳᠡᠬᠡᠷ ᠠᠶᠠᠯᠠᠯ ᠤᠨ ᠱᠤᠭᠤᠮ ᠨᠢ ᠬᠥᠨᠳᠡᠯᠡᠨ ᠭᠤᠯᠳᠤ ᠰᠦᠯᠵᠢᠯᠳᠦᠭᠰᠡᠨ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠭᠠᠷᠠᠮ᠂ | ᠭᠠᠳᠠᠭᠠᠳᠤ ᠠᠷᠠᠯᠵᠢᠶᠠᠨ ᠤ ᠲᠥᠪ ᠢ ᠪᠦᠷᠢᠯᠳᠦᠭᠦᠯᠵᠡᠢ᠃ ᠵᠧᠩ ᠾᠧ ᠶᠢᠨ ᠣᠩᠭᠤᠴᠠᠲᠤ ᠠᠩᠭᠢ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠭᠤᠯᠬᠤᠨ | ᠬᠠᠮᠤᠭ ᠥᠨᠳᠥᠷ᠂ ᠬᠠᠮᠤᠭ ᠲᠠᠪᠰᠢᠬᠰᠠᠨ ᠲᠠᠷᠢᠶᠠᠯᠠᠩ ᠤᠨ ᠪᠦᠲᠦᠭᠡᠭᠳᠡᠬᠦᠨ ᠪᠠ ᠭᠠᠷ ᠦᠢᠯᠡᠳᠬᠡᠯ ᠤᠨ ᠪᠦᠲᠦᠭᠡᠭᠳᠡᠬᠦᠨ ᠢ ᠠᠪᠴᠤ ᠶᠠᠪᠤᠭᠰᠠᠨ ᠶᠤᠮ᠃ ᠭᠠᠳᠠᠭᠠᠳᠤ | ᠠᠷᠠᠯᠵᠢᠶᠠᠨ ᠤ ᠬᠡᠯᠪᠡᠷᠢ ᠨᠢ ᠪᠣᠳᠠᠰ ᠢ ᠪᠣᠳᠠᠰ ᠢᠶᠠᠷ ᠰᠣᠯᠢᠬᠤ ᠪᠣᠳᠠᠰ ᠤᠨ ᠰᠣᠯᠢᠯᠴᠠᠭᠠ᠂ ᠬᠡᠨ ᠠᠯᠢᠨ ᠳᠠᠭᠠᠨ ᠪᠡᠯᠡᠭᠯᠡᠬᠦ ᠠᠯᠪᠠᠨ ᠤ ᠲᠠᠯᠠ ᠶᠢᠨ ᠠᠷᠠᠯᠵᠢᠶᠠ ᠠᠴᠠ | ᠭᠠᠳᠠᠨᠠ ᠤᠯᠤᠰ ᠬᠤᠭᠤᠷᠣᠨᠳᠤ ᠶᠢᠨ ᠠᠯᠪᠠ ᠪᠠᠷᠢᠴᠠ ᠶᠢᠨ ᠠᠷᠠᠯᠵᠢᠶᠠ ᠪᠠᠭᠲᠠᠬᠤ ᠪᠦᠯᠦᠭᠡ᠃ ᠵᠧᠩ ᠾᠧ ᠠᠯᠤᠰ ᠲᠠᠯᠠᠢ ᠪᠠᠷ ᠠᠶᠠᠯᠠᠬᠤ ᠳᠠᠭᠠᠨ ᠨᠣᠶᠠᠷᠬᠠᠭᠴᠢ | ᠠᠩᠭᠢ ᠶᠢᠨ ᠬᠡᠷᠡᠭᠯᠡᠳᠡᠭ ᠬᠡᠭᠡᠨᠴᠢᠷ ᠡᠳ᠋ ᠶᠢ ᠯᠨ ᠠᠪᠴᠢᠷᠠᠭᠠ ᠦᠭᠡᠢ᠂ ᠪᠠᠰᠠ ᠣᠯᠠᠨ ᠨᠡᠶᠢᠳᠡ ᠶᠢᠨ ᠡᠳᠦᠷ ᠲᠣᠳᠣᠮ ᠤᠨ ᠬᠡᠷᠡᠭᠯᠡᠭᠡᠨ ᠤ ᠪᠠᠷᠠᠭᠠ ᠲᠠᠸᠠᠷ ᠢ | ᠣᠷᠣᠭᠤᠯᠵᠤ ᠢᠷᠡᠬᠦ ᠶᠢᠨ ᠬᠠᠮᠲᠤ ᠲᠠᠯᠠᠢ ᠳᠡᠭᠡᠷᠡᠬᠢ ᠡᠯᠡ ᠤᠯᠤᠰ ᠲᠤ ᠲᠣᠮᠳᠠᠳᠣ ᠤᠯᠤᠰ ᠤᠨ ᠪᠠᠷᠠᠭᠠ ᠶᠢ ᠶᠡᠭᠡ ᠪᠠᠷ ᠬᠠᠩᠭᠠᠭᠰᠠᠨ ᠶᠤᠮ᠃ ᠮᠢᠩ ᠤᠯᠤᠰ ᠤᠨ | ᠦᠶᠡ ᠳᠤ ᠲᠣᠮᠳᠠᠳᠣ ᠤᠯᠤᠰ ᠨᠢ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ ᠶᠢᠨ ᠬᠠᠮᠤᠭ ᠲᠣᠮᠣ ᠠᠷᠠᠯᠵᠢᠶᠠᠨ ᠤ ᠬᠠᠨᠢ ᠪᠣᠯᠵᠤ᠂ ᠭᠠᠳᠠᠭᠠᠳᠤ ᠠᠷᠠᠯᠵᠢᠶᠠᠨ ᠤ ᠨᠣᠷᠮᠠ ᠨᠢ ᠵᠢᠯ ᠳᠤ | 100 ᠲᠦᠮᠡᠨ ᠯᠠᠩ ᠮᠥᠩᠭᠦ ᠬᠦᠷᠴᠦ ᠪᠠᠶᠢᠯᠠ᠂ ᠡᠨᠡ ᠲᠤᠭᠠ ᠪᠣᠯ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ ᠶᠢᠨ ᠭᠠᠳᠠᠭᠠᠳᠤ ᠠᠷᠠᠯᠵᠢᠶᠠᠨ ᠤ ᠶᠡᠷᠦᠩᠬᠡᠢ ᠲᠤᠭᠠ ᠲᠠᠢ ᠲᠡᠩᠴᠡᠬᠦ | ᠶᠤᠮ᠃ | ᠵᠧᠩ ᠾᠧ ᠠᠳ᠋ᠯᠠᠨᠲ ᠲᠠᠯᠠᠢ ᠪᠠᠷ ᠳᠣᠯᠤᠭᠠᠨᠲᠠ ᠠᠶᠠᠯᠠᠬᠤ ᠳᠠᠭᠠᠨ ᠲᠣᠮᠳᠠᠳᠣ ᠤᠯᠤᠰ ᠪᠠ ᠳᠡᠯᠡᠬᠡᠢ ᠶᠢᠨ 30 ᠢᠯᠡᠭᠦᠦ ᠤᠯᠤᠰ ᠲᠠᠢ ᠪᠣᠯᠪᠠᠰᠤᠨ ᠢ | ᠤᠯᠠᠮᠵᠢᠯᠠᠬᠤ ᠪᠠ ᠰᠣᠶᠣᠯ ᠤᠨ ᠰᠣᠯᠢᠯᠴᠠᠭᠠᠨ ᠤ ᠬᠥᠭᠦᠷᠭᠡ ᠶᠢ ᠪᠠᠶᠢᠭᠤᠯᠵᠤ᠂ ᠲᠣᠮᠳᠠᠳᠣ ᠤᠯᠤᠰ ᠤᠨ ᠥᠷᠭᠡᠨ ᠳᠡᠯᠭᠡᠷ ᠭᠦᠨ ᠭᠦᠨᠵᠡᠭᠡᠢ ᠰᠣᠶᠣᠯ ᠢ ᠵᠡᠭᠦᠨ ᠡᠮᠦᠨᠡᠲᠦ | ᠠᠽᠢᠶᠠ᠂ ᠡᠮᠦᠨᠡᠲᠦ ᠠᠽᠢᠶᠠ᠂ ᠴᠢᠨᠠᠭᠰᠢᠯᠠᠭᠠᠳ ᠠᠹᠧᠷᠢᠺᠡ ᠲᠢᠪ ᠤᠨ ᠲᠡᠳᠡᠭᠡᠷ ᠠᠯᠤᠰ ᠭᠠᠵᠠᠷ ᠢᠶᠠᠷ ᠤᠯᠠᠮᠵᠢᠯᠠᠪᠠ᠃ ᠱᠠᠭᠠᠵᠠᠩ ᠬᠡᠷᠡᠭᠰᠡᠯ ᠪᠣᠯ ᠲᠣᠮᠳᠠᠳᠣ ᠶᠢᠨ | ᠰᠣᠶᠣᠯ ᠤᠨ ᠥᠩᠭᠡ ᠭᠢᠯᠪᠠᠭᠠ ᠶᠢ ᠶᠡᠷᠦᠩᠬᠡᠶᠢᠯᠡᠨ ᠢᠯᠡᠷᠡᠭᠦᠯᠦᠭᠰᠡᠨ ᠪᠣᠳᠠᠰ ᠤᠨ ᠠᠴᠢᠶᠠᠯᠠᠪᠤᠷᠢ ᠪᠣᠯᠬᠤ ᠶᠤᠮ᠂ ᠱᠠᠭᠠᠵᠠᠩ ᠬᠡᠷᠡᠭᠰᠡᠯ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ᠂ | ᠵᠡᠭᠦᠨ ᠠᠽᠢᠶᠠ ᠳᠤ ᠬᠦᠷᠦᠭᠰᠡᠨ ᠨᠢ ᠰᠣᠶᠣᠯ ᠤᠨ ᠢᠯᠡᠷᠡᠭᠦᠯᠬᠦ ᠬᠡᠯᠪᠡᠷᠢ ᠪᠠ ᠤᠷᠠᠯᠢᠭ ᠤᠨ ᠰᠡᠳᠬᠢᠮᠵᠢ ᠶᠢ ᠤᠯᠠᠮᠵᠢᠯᠠᠭᠰᠠᠨ ᠬᠡᠷᠡᠭ ᠪᠦᠯᠦᠭᠡ᠃ ᠬᠥᠬᠡ ᠱᠠᠭᠠᠵᠠᠩ | ᠠᠶᠠᠭᠠ ᠫᠢᠯᠠ ᠠᠷᠠᠳ ᠤᠨ ᠳᠤᠮᠳᠠ ᠬᠠᠷᠢᠯᠴᠠᠨ ᠬᠦᠷᠭᠡᠬᠦ ᠪᠡᠯᠡᠭ ᠪᠣᠯᠵᠤ᠂ ᠨᠥᠬᠦᠷᠯᠡᠯ ᠢ ᠢᠯᠡᠳᠬᠡᠳᠡᠭ᠃ ᠬᠥᠬᠡ ᠱᠠᠭᠠᠵᠠᠩ ᠯᠣᠩᠬᠤ ᠬᠤᠨᠳᠠᠭᠠ ᠨᠢ ᠪᠠᠶᠠᠨ | ᠠᠶᠢᠯ ᠤᠨ ᠤᠷᠠᠯᠢᠭ ᠤᠨ ᠲᠠᠪᠢᠯᠭᠠ ᠪᠣᠯᠵᠤ ᠪᠠᠶᠠᠨ ᠡᠷᠬᠢᠮ ᠤᠨ ᠪᠡᠯᠭᠡᠳᠡᠯ ᠪᠣᠯᠪᠠᠢ᠃ ᠬᠥᠬᠡ ᠱᠠᠭᠠᠵᠠᠩ ᠲᠣᠮᠣ ᠪᠣᠳᠣᠩ᠂ ᠲᠣᠮᠣ ᠫᠢᠯᠠ ᠨᠢ ᠸᠠᠩ ᠨᠣᠶᠠᠳ ᠤᠨ | ᠬᠡᠭᠡᠨᠴᠢᠷ ᠣᠷᠳᠣ ᠬᠠᠷᠰᠢ ᠶᠢᠨ ᠵᠠᠰᠠᠯ ᠪᠣᠯᠵᠤ᠂ ᠨᠡᠷᠡ ᠬᠦᠨᠳᠦ ᠪᠠ ᠰᠦᠷ ᠬᠡᠷᠡᠯ ᠤᠨ ᠪᠡᠯᠭᠡᠳᠡᠯ ᠪᠣᠯᠣᠯᠤᠭᠠ᠃ ᠱᠠᠭᠠᠵᠠᠩ ᠬᠡᠷᠡᠭᠰᠡᠯ ᠤᠨ ᠤᠷᠠᠯᠢᠭ ᠤᠨ ᠬᠡᠪ ᠨᠠᠮᠪᠠ | ᠨᠢ ᠲᠣᠮᠳᠠᠳᠣ ᠤᠯᠤᠰ ᠤᠨ ᠱᠠᠭᠠᠵᠠᠩ ᠬᠡᠷᠡᠭᠰᠡᠯ ᠢ ᠪᠤᠷᠬᠠᠨ ᠱᠠᠰᠢᠨ ᠤ ᠤᠯᠤᠰ ᠤᠳ ᠤᠨ ᠰᠦᠮᠡ ᠬᠡᠶᠢᠳ ᠢᠶᠠᠨ ᠲᠠᠬᠢᠬᠤ᠂ ᠬᠠᠭᠠᠨ ᠤᠨ ᠲᠦᠷᠣᠯ ᠰᠠᠳᠣᠨ | ᠤᠯᠤᠰ ᠤᠨ ᠤᠭᠰᠠᠭᠠ ᠲᠦᠷᠣᠯ ᠤᠨ ᠳᠠᠭᠠᠭᠤᠯᠵᠤ ᠣᠷᠣᠰᠢᠭᠤᠯᠬᠤ ᠪᠣᠳᠠᠰ᠂ ᠬᠠᠷᠠ ᠪᠣᠷᠣᠴᠤᠤᠯ ᠤᠨ ᠡᠳᠦᠷ ᠲᠣᠳᠣᠮ ᠵᠠᠷᠤᠬᠤ ᠠᠮᠢᠨᠳᠠᠢ ᠪᠣᠯᠵᠠᠢ᠃ ᠲᠣᠷᠭᠠ ᠪᠣᠯ | ᠲᠣᠮᠳᠠᠳᠣ ᠤᠯᠤᠰ ᠤᠨ ᠪᠣᠯᠪᠠᠰᠤᠨ ᠤ ᠪᠡᠯᠭᠡ ᠲᠡᠮᠳᠡᠭ ᠶᠤᠮ᠂ ᠬᠤᠷᠴᠠ ᠰᠠᠶᠢᠬᠠᠨ ᠥᠩᠭᠡ ᠪᠣᠳᠤᠭ᠂ ᠡᠷᠢᠶᠡᠨ ᠮᠠᠷᠢᠶᠠᠨ ᠵᠢᠷᠤᠭ ᠳᠦᠷᠰᠦ ᠨᠢ ᠵᠡᠭᠦᠨ ᠡᠮᠦᠨᠡᠲᠦ | ᠠᠽᠢᠶᠠ᠂ ᠡᠮᠦᠨᠡᠲᠦ ᠠᠽᠢᠶᠠ ᠶᠢᠨ ᠳᠤᠯᠠᠭᠠᠨ ᠠᠭᠤᠷ ᠠᠮᠢᠰᠬᠤᠯ ᠳᠤ ᠶᠠᠭ ᠦᠭᠡᠢ ᠵᠣᠬᠢᠷᠠᠨᠠ᠃ ᠵᠧᠩ ᠾᠧ ᠶᠢᠨ ᠣᠩᠭᠤᠴᠠᠲᠤ ᠠᠩᠭᠢ ᠨᠢ ᠪᠠᠰᠠ ᠡᠨᠡᠷᠢᠨ ᠲᠦᠭᠡᠭᠡᠬᠦ᠂ | ᠡᠷᠬᠢᠮᠯᠡᠨ ᠪᠡᠯᠡᠭᠯᠡᠬᠦ ᠠᠷᠠᠯᠵᠢᠶᠠ ᠵᠡᠷᠭᠡ ᠬᠡᠯᠪᠡᠷᠢ ᠪᠠᠷ ᠲᠣᠮᠳᠠᠳᠣ ᠤᠯᠤᠰ ᠤᠨ ᠶᠡᠭᠡ ᠬᠡᠮᠵᠢᠶᠡᠨ ᠤ ᠭᠠᠤᠯᠢᠨ ᠵᠣᠭᠤᠰ ᠢ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ ᠶᠢᠨ ᠡᠯᠡ | ᠤᠯᠤᠰ ᠲᠤ ᠭᠠᠷᠭᠠᠵᠤ᠂ ᠡᠳᠡᠬᠡᠷ ᠭᠠᠵᠠᠷ ᠣᠷᠣᠨ ᠤ ᠲᠠᠷᠢᠶᠠᠯᠠᠩ᠂ ᠭᠠᠷ ᠦᠢᠯᠡᠳᠬᠡᠯ ᠪᠠ ᠬᠤᠳᠠᠯᠳᠤᠭᠠᠨ ᠤ ᠬᠥᠭᠵᠢᠯᠲᠡ ᠶᠢ ᠠᠬᠢᠭᠤᠯᠪᠠ᠃ ᠲᠣᠮᠳᠠᠳᠣ ᠤᠯᠤᠰ ᠤᠨ | ᠭᠠᠷᠭᠠᠭᠰᠠᠨ ᠮᠥᠩᠭᠦᠨ ᠭᠦᠢᠯᠭᠡᠭᠡᠨ ᠤ ᠳᠦᠷᠢᠮ ᠨᠢ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ ᠳᠤ ᠬᠡᠳᠦᠨ ᠵᠠᠭᠤᠨ ᠲᠠᠮᠵᠢᠨ ᠬᠡᠷᠡᠭᠯᠡᠭᠳᠡᠭᠰᠡᠭᠡᠷ ᠢᠷᠡᠯᠦᠭᠡ᠃ | ᠲᠣᠮᠳᠠᠳᠣ ᠤᠯᠤᠰ ᠤᠨ ᠨᠡᠭᠡᠭᠡᠭᠰᠡᠨ ᠲᠠᠯᠠᠢ ᠶᠢᠨ ᠲᠣᠷᠭᠠᠨ ᠤ ᠵᠠᠮ ᠬᠠᠭᠤᠷᠠᠢ ᠶᠢᠨ ᠲᠣᠷᠭᠠᠨ ᠤ ᠵᠠᠮ ᠠᠴᠠ 81 ᠵᠢᠯ ᠡᠷᠲᠡ᠂ ᠠᠯᠢ ᠡᠷᠲᠡ 2200 | ᠵᠢᠯ ᠤᠨ ᠡᠮᠦᠨᠡ ᠲᠠᠯᠠᠢ ᠲᠠᠩᠭᠢᠰ ᠪᠣᠯ ᠳᠡᠯᠡᠬᠡᠢ ᠳ᠋ᠠᠬᠢᠨ ᠲᠠᠢ ᠬᠠᠷᠢᠯᠴᠠᠬᠤ ᠬᠠᠮᠤᠭ ᠲᠦᠬᠦᠮ ᠵᠠᠮ ᠬᠡᠳᠡᠭ ᠢ ᠳᠡᠭᠡᠳᠦᠰ ᠮᠢᠨᠢ ᠮᠡᠳᠡᠴᠢᠬᠡᠭᠰᠡᠨ ᠶᠤᠮ᠃ ᠵᠧᠩ ᠾᠧ | ᠠᠳ᠋ᠯᠠᠨᠲ ᠲᠠᠯᠠᠢ ᠪᠠᠷ ᠳᠣᠯᠤᠭᠠᠨᠲᠠ ᠠᠶᠠᠯᠠᠭᠰᠠᠨ ᠠᠭᠤᠤ ᠦᠢᠯᠡᠰ ᠪᠠ ᠰᠦᠷ ᠦᠵᠡᠭᠦᠯᠦᠭᠰᠡᠨ ᠶᠠᠪᠤᠳᠠᠯ ᠨᠢ ᠲᠣᠮᠳᠠᠳᠣ ᠤᠯᠤᠰ ᠢ ᠲᠠᠯᠠᠢ ᠲᠠᠩᠭᠢᠰ ᠤᠨ ᠲᠣᠮᠣ | ᠤᠯᠤᠰ ᠪᠣᠯᠭᠠᠨ ᠂ ᠶᠠᠫᠤᠨ ᠠᠴᠠ ᠠᠹᠧᠷᠢᠺᠠ ᠲᠢᠪ ᠤᠨ ᠵᠡᠭᠦᠨ ᠡᠷᠭᠢ ᠬᠦᠷᠬᠦ ᠲᠠᠯᠠᠢ ᠶᠢᠨ ᠡᠷᠬᠡ ᠶᠢ ᠣᠯᠵᠤ᠂ ᠲᠣᠮᠳᠠᠳᠣ ᠤᠯᠤᠰ ᠤᠨ ᠲᠠᠯᠠᠢ ᠶᠢᠨ ᠠᠶᠠᠯᠠᠯ ᠤᠨ | ᠦᠢᠯᠡᠰ ᠢ ᠣᠷᠬᠢᠯ ᠳᠤᠨᠢ ᠬᠦᠷᠭᠡᠪᠡᠢ᠃ ᠵᠧᠩ ᠾᠧ ᠲᠡᠷᠨ ᠦᠶᠡ ᠳᠤ ᠲᠠᠯᠠᠢ ᠲᠠᠩᠭᠢᠰ ᠪᠣᠯ ᠮᠤᠨᠳᠠᠭ ᠲᠣᠮᠣ ᠪᠠᠶᠢᠭᠠᠯᠢᠯᠢᠭ ᠡᠷᠳᠡᠨᠢᠰ ᠤᠨ ᠬᠥᠮᠥᠷᠭᠡ᠂ ᠬᠥᠮᠥᠨ | ᠲᠥᠷᠥᠯᠬᠢᠲᠡᠨ ᠤ ᠪᠣᠯᠪᠠᠰᠤᠨ ᠤ ᠥᠯᠥᠭᠡᠢ᠂ ᠲᠠᠯᠠᠢ ᠲᠠᠩᠭᠢᠰ ᠢ ᠡᠵᠡᠮᠰᠢᠴᠢᠬᠡᠪᠡᠯ ᠠᠷᠠᠳ ᠢᠶᠠᠨ ᠠᠮᠤᠭᠤᠯᠵᠤ᠂ ᠤᠯᠤᠰ ᠢᠶᠠᠨ ᠲᠣᠭᠲᠠᠪᠤᠷᠢᠵᠢᠭᠤᠯᠵᠤ᠂ ᠬᠠᠨᠳᠤᠭᠰᠠᠨ | ᠵᠦᠭ ᠲᠤ ᠳᠠᠶᠢᠰᠤᠨ ᠦᠭᠡᠢ ᠲᠠᠯᠠᠢ ᠶᠢᠨ ᠴᠡᠷᠢᠭ ᠤᠨ ᠣᠩᠭᠤᠴᠠᠲᠤ ᠴᠡᠷᠢᠭ ᠪᠣᠯ ᠲᠠᠯᠠᠢ ᠲᠠᠩᠭᠢᠰ ᠢ ᠡᠵᠡᠮᠰᠢᠬᠦ ᠰᠠᠭᠤᠷᠢ ᠬᠡᠳᠡᠭ ᠢ ᠮᠡᠳᠡᠵᠣ ᠪᠠᠶᠢᠪᠠ᠃ ᠵᠧᠩ | ᠾᠧ ᠶᠢᠨ ᠲᠠᠯᠠᠢ ᠶᠢᠨ ᠡᠷᠬᠡ ᠶᠢᠨ ᠦᠵᠡᠯᠲᠡ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠨᠣᠶᠠᠷᠬᠠᠭᠴᠢᠳ ᠲᠤ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠭᠳᠡᠭᠰᠡᠨ ᠰᠠᠨ ᠪᠣᠯ ᠳᠡᠯᠡᠬᠡᠢ ᠶᠢᠨ ᠪᠣᠯᠪᠠᠰᠤᠨ ᠤ | ᠲᠡᠦᠬᠡ ᠥᠭᠡᠷᠡ ᠪᠠᠷ ᠪᠢᠴᠢᠭᠳᠡᠬᠦ ᠪᠦᠯᠦᠭᠡ᠃ ᠬᠠᠷᠠᠮᠰᠠᠯᠲᠠᠢ ᠨᠢ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠨᠣᠶᠠᠷᠬᠠᠭᠴᠢ ᠠᠩᠭᠢ ᠮᠢᠩᠭᠠᠨ ᠵᠢᠯ ᠤᠯᠠᠮᠵᠢᠯᠠᠭᠰᠠᠨ ᠲᠠᠷᠢᠶᠠᠯᠠᠩ ᠢᠶᠠᠷ | ᠤᠯᠤᠰ ᠢᠶᠠᠨ ᠪᠠᠶᠢᠭᠤᠯᠬᠤ᠂ ᠲᠠᠷᠢᠶᠠᠯᠠᠩ ᠨᠡᠬᠡᠮᠡᠯ ᠢᠶᠠᠷ ᠠᠮᠢᠵᠢᠷᠠᠭᠠᠨ ᠤ ᠦᠨᠳᠦᠰᠦ ᠪᠣᠯᠭᠠᠬᠤ᠂ ᠥᠪᠡᠷ ᠢᠶᠠᠨ ᠥᠪᠡᠷ ᠢ ᠪᠠᠨ ᠬᠠᠩᠭᠠᠬᠤ᠂ ᠡᠬᠡ ᠭᠠᠵᠠᠷ ᠢᠶᠠᠨ | ᠪᠢᠲᠡᠭᠦᠮᠵᠢᠯᠡᠬᠦ ᠡᠬᠡ ᠬᠠᠭᠤᠷᠠᠢ ᠶᠢᠨ ᠦᠵᠡᠯᠲᠡ ᠶᠢ ᠮᠥᠷᠳᠡᠭᠰᠡᠨ ᠢᠶᠠᠷ ᠣᠯᠳᠠᠰᠢ ᠦᠭᠡᠢ ᠵᠠᠪᠰᠢᠶᠠᠨ ᠢ ᠠᠯᠳᠠᠵᠤ ᠣᠷᠬᠢᠯᠤᠭᠠ᠃ ᠲᠣᠮᠳᠠᠳᠣ ᠤᠯᠤᠰ ᠰᠠᠶ᠋ᠢᠬᠠᠨ ᠲᠠᠯᠠᠢ | ᠲᠠᠩᠭᠢᠰ ᠲᠤ ᠭᠢᠰᠬᠢᠭᠰᠡᠨ ᠬᠥᠯ ᠢᠶᠠᠨ ᠡᠬᠡ ᠬᠠᠭᠤᠷᠠᠢ ᠳᠠᠭᠠᠨ ᠲᠠᠳᠠᠨ ᠠᠪᠠᠴᠢᠵᠤ ᠲᠠᠯᠠᠢ ᠠᠴᠠ ᠨᠢᠭᠤᠷ ᠪᠤᠷᠤᠭᠤᠯᠠᠵᠤ᠂ ᠬᠠᠭᠠᠯᠭᠠ ᠪᠠᠨ ᠲᠦᠭᠵᠢᠨ ᠬᠠᠪᠲᠠᠰᠤ | ᠳᠠᠪᠠᠭᠤ ᠦᠭᠡᠢ᠂ ᠲᠠᠯᠠᠢ ᠶᠢ ᠪᠢᠲᠡᠭᠦᠮᠵᠢᠯᠡᠬᠦ ᠳᠦᠷᠢᠮ ᠬᠡᠷᠡᠭᠵᠢᠭᠦᠯᠵᠦ᠂ ᠵᠧᠩ ᠾᠧ ᠶᠢᠨ ᠠᠳ᠋ᠯᠠᠨᠲ ᠲᠠᠯᠠᠢ ᠪᠠᠷ ᠳᠣᠯᠤᠭᠠᠨᠲᠠ ᠠᠶᠠᠯᠠᠭᠰᠠᠨ ᠨᠠᠨᠳᠢᠨ ᠮᠠᠲ᠋ᠧᠷᠢᠶᠠᠯ ᠢ | ᠬᠦᠷᠳᠡᠯᠡ ᠬᠠᠶᠠᠭᠳᠠᠮᠠᠯ ᠴᠠᠭᠠᠰᠤ ᠪᠣᠯᠭᠠᠵᠣ᠂ ᠭᠠᠯᠳᠠᠵᠤ ᠣᠷᠬᠢᠭᠰᠠᠨ ᠠᠵᠤᠭᠤ᠃ |