| ᠠᠮᠢᠳᠤᠷᠠᠯ ᠤᠨ ᠮᠥᠴᠡ ᠪᠦᠷᠢ ᠳᠤ ᠣᠯᠠᠨ ᠰᠣᠩᠭᠤᠯᠲᠠ ᠲᠣᠬᠢᠶᠠᠯᠳᠤᠨᠠ᠃ ᠠᠵᠢᠯ ᠤᠨ ᠭᠠᠵᠠᠷ ᠲᠠᠭᠠᠨ ᠶᠠᠪᠤᠬᠤ ᠳᠠᠭᠠᠨ ᠠᠯᠢ ᠰᠠᠶᠢᠬᠠᠨ ᠡᠮᠦᠰᠬᠡᠯ ᠵᠠᠰᠠᠯ | ᠢᠶᠠᠷ ᠢᠶᠠᠨ ᠭᠤᠶᠣᠯᠠᠬᠤ ᠭᠡᠳ ᠪᠢᠳᠡ ᠠᠪᠳᠠᠷᠠ ᠬᠤᠷᠭᠤ ᠪᠠᠨ ᠣᠩᠭᠢᠴᠠᠨ ᠰᠢᠯ ᠲᠣᠯᠢᠨ ᠤ ᠡᠮᠦᠨᠡ ᠰᠢᠯᠭᠠᠵᠤ ᠶᠠᠩᠵᠤᠯᠠᠬᠤ ᠪᠥᠭᠡᠳ ᠡᠷᠬᠡᠯᠡᠵᠦ ᠥᠰᠦᠭᠰᠡᠨ ᠨᠢᠭᠡ | ᠨᠢ ᠪᠠᠰᠠ ᠬᠤᠭᠤᠯᠠ ᠤᠮᠳᠠ ᠪᠠᠨ ᠭᠦᠷᠲᠡᠯᠡ ᠰᠣᠩᠭᠤᠵᠤ ᠭᠤᠯᠣᠳᠠᠭ ᠵᠠᠩ ᠲᠠᠢ᠃ ᠡᠭᠦᠪᠡᠷ ᠦᠯᠦ ᠪᠠᠷᠠᠮ ᠠᠮᠠᠷᠠᠭ ᠬᠠᠨᠢ᠂ ᠠᠰᠠᠷ ᠪᠠᠶᠢᠷᠢ᠂ ᠠᠨᠳᠠ ᠨᠥᠬᠦᠷ ᠁ | ᠭᠡᠬᠦᠴᠢᠯᠡᠨ ᠢ ᠪᠢᠳᠡ ᠪᠦᠷ ᠠᠬᠢᠨ ᠲᠠᠭᠢᠨ ᠬᠢᠨᠠᠵᠤ᠂ ᠲᠠᠭᠢᠨ ᠠᠬᠢᠨ ᠰᠡᠳᠬᠢᠵᠦ ᠪᠤᠲᠣᠯ ᠨᠡᠶᠢᠯᠡᠵᠦ ᠰᠠᠨᠠᠭᠠᠨ ᠳᠤ ᠲᠠᠭᠠᠷᠠᠬᠰᠠᠨ ᠢᠶᠠᠨ ᠰᠣᠩᠭᠤᠬᠤ ᠪᠥᠭᠡᠳ ᠣᠯᠳᠣᠢ | ᠮᠢᠨᠤ ᠡᠪᠯᠡᠭᠦᠯᠵᠦ ᠪᠢᠴᠢᠭᠰᠡᠨ ᠡᠨᠡ ᠬᠡᠳᠦᠨ ᠮᠥᠷ ᠢ ᠴᠦ ᠤᠩᠰᠢᠵᠤ ᠰᠣᠨᠢᠷᠬᠠᠬᠤ ᠡᠰᠡᠬᠦ ᠪᠠᠨ ᠣᠩᠰᠢᠬᠴᠢ ᠮᠡᠷᠭᠡᠳ ᠦᠪᠡᠰᠦᠪᠡᠨ ᠰᠣᠩᠭᠤᠵᠤ ᠲᠣᠭᠲᠠᠭᠠᠳᠠᠭ᠃ | ︽ᠰᠠᠶᠢᠨ ᠰᠢᠪᠠᠭᠤ ᠮᠣᠳᠣ ᠶᠢ ᠦᠵᠡᠵᠦ ᠰᠠᠭᠤᠨᠠ︾ ᠭᠡᠵᠦ ᠬᠠᠭᠤᠴᠢ ᠦᠭᠡᠨ ᠳᠤ ᠶᠠᠷᠢᠳᠠᠭ᠃ ᠬᠥᠮᠥᠨ ᠢ ᠨᠡᠩ ᠶᠠᠭᠤᠨ ᠬᠡᠯᠡᠬᠦᠪ︖ ᠰᠠᠶᠢᠨ ᠢ ᠬᠦᠰᠡᠵᠦ᠂ | ᠰᠠᠶᠢᠬᠠᠨ ᠳᠤ ᠬᠦᠷᠬᠦ ᠶᠢᠨ ᠲᠥᠯᠥᠭᠡ ᠰᠢᠯᠢᠵᠦ ᠰᠣᠩᠭᠤᠬᠤ ᠪᠣᠯ ᠰᠠᠷᠠᠭᠤᠯ ᠤᠬᠠᠭᠠᠨᠲᠤ ᠬᠥᠮᠥᠰ ᠤᠨ ᠵᠦᠢ᠃ ᠠᠮᠢᠳᠤᠷᠠᠯ ᠴᠣᠬᠤᠮ ᠵᠥᠭᠡᠢ ᠶᠢᠨ ᠪᠠᠯ ᠰᠢᠭ᠋ | ᠠᠮᠲᠠᠲᠠᠢ ᠶᠤᠮ ᠤᠤ ᠠᠯᠢ ᠡᠰᠡᠬᠦᠯᠡ ᠰᠥᠰᠥ ᠳᠣᠯᠢᠶᠠᠭᠰᠠᠨ ᠮᠡᠲᠦ ᠭᠠᠰᠢᠭᠤᠨ ᠶᠤᠮ ᠤᠤ ᠭᠡᠰᠡᠨ ᠢ ᠰᠢᠯᠭᠠᠵᠤ ᠲᠤᠷᠰᠢᠬᠤ ᠶᠢᠨ ᠤᠴᠢᠷ ᠴᠢ ᠪᠢᠲᠡ ᠣᠯᠠᠨ ᠲᠠᠭᠢᠨ | ᠰᠣᠩᠭᠤᠯᠲᠠ ᠬᠢᠵᠦ᠂ ᠥᠪᠡᠷ ᠢ ᠪᠠᠨ ᠰᠣᠷᠢᠵᠤ ᠰᠢᠯᠭᠠᠳᠠᠭ᠃ ᠲᠡᠭᠡᠭᠦ ᠳᠡᠭᠡᠨ ᠵᠠᠷᠢᠮ ᠰᠣᠩᠭᠤᠯᠲᠠ ᠶᠢ ᠨᠢ ᠴᠠᠭ ᠵᠠᠭᠤᠷᠠ ᠶᠢᠨ ᠬᠤᠭᠤᠷᠣᠨᠳᠤ ᠰᠢᠢᠳᠴᠦ | ᠲᠣᠭᠲᠠᠭᠠᠳᠠᠭ ᠠᠲᠠᠯᠠ ᠬᠠᠶᠠ ᠵᠠᠷᠢᠮ ᠢ ᠨᠢ ᠬᠡᠳᠦᠨ ᠦᠶᠡ ᠶᠢᠨ ᠬᠥᠮᠥᠰ ᠤᠨ ᠬᠥᠯᠥᠰᠦ ᠭᠦᠲᠡᠯᠮᠦᠷᠢ ᠵᠠᠷᠤᠴᠠᠭᠤᠯᠵᠤ᠂ ᠬᠡᠲᠦᠷᠬᠡᠢ ᠥᠨᠳᠥᠷ ︽ᠦᠨᠡ︾ ᠪᠠᠷ | ᠰᠣᠯᠢᠵᠤ ᠠᠪᠴᠢᠷᠠᠳᠠᠭ ᠪᠢᠯᠡ᠃ | ᠠᠳᠠᠯᠢ ᠪᠤᠰᠤ ᠶᠢᠨ ᠰᠣᠩᠭᠤᠯᠲᠠ ᠡᠷᠡᠰ ᠣᠨᠳᠣᠣ ᠬᠤᠶᠠᠷ ᠳ᠋ᠦᠩ ᠳᠤ ᠬᠦᠷᠭᠡᠳᠡᠭ᠃ ︽ᠵᠥᠪ ᠶᠠᠪᠤᠪᠠᠯ ᠵᠥᠭᠡᠯᠡᠨ ᠵᠥᠭᠡᠯᠡᠨ ᠽᠠᠮᠪᠤᠯᠢᠩ︾ ᠭᠡᠰᠡᠨ ᠳᠠᠭᠤᠤ | ᠪᠤᠢ᠃ ᠵᠥᠪ ᠰᠣᠩᠭᠤᠯᠲᠠ ᠵᠦᠢᠲᠡᠢ ᠴᠢᠷᠮᠠᠶᠢᠯᠭᠠ ᠶᠢ ᠬᠥᠲᠥᠯᠵᠦ ᠵᠢᠳᠬᠦᠯ ᠪᠦᠲᠦᠭᠡᠯ ᠤᠨ ᠥᠨᠳᠥᠷ ᠣᠷᠭᠢᠯ ᠳᠤ ᠭᠢᠯᠠᠯᠵᠠᠭᠤᠯᠳᠠᠭ ᠵᠢᠮᠡ ᠲᠠᠢ᠃ ᠡᠰᠡᠷᠭᠦ ᠪᠠᠷ ᠵᠦᠭ | ᠴᠢᠭᠯᠡᠯ ᠢᠶᠠᠨ ᠪᠤᠷᠤᠭᠤ ᠰᠣᠩᠭᠤᠪᠠᠯ ᠴᠣᠬᠤᠮ ︽ᠪᠤᠷᠤᠭᠤ ᠵᠠᠮ ᠢᠶᠠᠷ ᠪᠤᠳᠠᠭᠠ ᠲᠡᠭᠡᠭᠡᠵᠦ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠰᠢᠷᠣᠢ ᠲᠡᠭᠡᠭᠡᠭᠰᠡᠨ︾ ᠦᠯᠢᠭᠡᠷ ᠪᠤᠯᠬᠤ ᠭᠡᠵᠦ ᠮᠡᠳᠡ᠃ | ᠡᠭᠦᠨ ᠤ ᠵᠢᠱᠢᠶᠡ ᠨᠢ ᠪᠢᠳᠡᠨ ᠤ ᠡᠷᠭᠢᠨ ᠲᠣᠭᠤᠷᠢᠨ ᠳᠤ ︽ᠠᠢ ᠳ᠋ᠠ᠂ ᠲᠡᠷᠡ ᠦᠶᠡ ᠳᠤ ᠁︾︽ᠬᠡᠷᠪᠡ ᠁︾ ᠭᠡᠵᠦ ᠥᠪᠡᠷ ᠤᠨ ᠢᠶᠠᠨ ᠠᠨᠳᠠᠭᠤ ᠪᠤᠷᠤᠭᠤ | ᠰᠣᠩᠭᠤᠯᠲᠠ ᠶᠢᠨ ᠢᠶᠠᠨ ᠬᠤᠶᠢᠨᠠ ᠠᠴᠠ ᠠᠮᠠ ᠪᠠᠨ ᠪᠠᠷᠢᠨ ᠭᠠᠰᠠᠯᠵᠤ ᠬᠠᠷᠠᠮᠰᠠᠵᠤ ᠭᠠᠰᠢᠭᠤᠳᠠᠭᠰᠠᠨ ᠦᠯᠢᠭᠡᠷ ᠤᠴᠠᠷᠠᠯ ᠥᠭᠦᠯᠡᠵᠦ ᠳᠡᠯᠭᠡᠨᠡ᠃ ᠶᠠᠭ ᠡᠶᠢᠮᠦ | ᠠᠴᠠ ︽ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠳᠠᠬᠢ ᠬᠠᠮᠤᠭ ᠠᠴᠠ ᠬᠦᠴᠢᠷ ᠲᠦᠪᠡᠭ ᠵᠦᠢᠯ ᠪᠣᠯ ᠰᠣᠩᠭᠤᠯᠲᠠ ᠮᠥᠨ︾ ᠭᠡᠵᠦ ᠲᠣᠮᠠᠰ · ᠮᠣᠸᠢᠷ ᠳ᠋ᠦᠩᠨᠡᠵᠦ ᠥᠭᠦᠯᠡᠭᠰᠡᠨ ᠶᠤᠮ᠃ | ᠰᠣᠷᠣᠬᠴᠢᠳ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤᠨ ᠳᠠᠬᠢ ᠰᠣᠩᠭᠤᠯᠲᠠ ᠪᠠᠨ ᠪᠤᠷᠤᠭᠤ ᠬᠠᠷᠢᠭᠤᠯᠪᠠᠯ ᠪᠠᠯᠠᠯᠵᠤ ᠪᠠᠶᠢᠭᠠᠳ ᠲᠠᠭᠢᠨ ᠰᠣᠩᠭᠤᠵᠤ ᠪᠤᠯᠲᠠᠬ᠃ | ᠭᠡᠪᠡᠴᠦ ᠠᠮᠢᠳᠤᠷᠠᠯ ᠭᠡᠬᠦ ᠬᠠᠲᠠᠭᠤ ᠰᠢᠯᠭᠠᠯᠲᠠ ᠬᠡᠨ ᠬᠥᠮᠥᠨ ᠢ ᠴᠦ ᠡᠷᠬᠡᠯᠡᠭᠦᠯᠵᠦ ᠣᠨᠴᠠᠭᠠᠶᠢᠷᠠᠳᠠᠭ ᠦᠭᠡᠢ᠃ ᠵᠥᠪ ᠶᠠᠪᠤᠬᠤ ᠶᠢᠨ ᠲᠤᠯᠠᠳᠠ ᠵᠥᠪ ᠣᠨᠣᠪᠴᠢᠲᠠᠢ | ᠰᠣᠩᠭᠤᠯᠲᠠ ᠬᠢᠬᠦ ᠬᠡᠷᠡᠭ ᠲᠠᠢ ᠪᠥᠭᠡᠳ ᠵᠥᠪ ᠰᠣᠩᠭᠤᠯᠲᠠ ᠬᠢᠬᠦ ᠳᠤ ᠵᠣᠷᠢᠭ ᠤᠬᠠᠭᠠᠨ ᠱᠠᠭᠠᠷᠳᠠᠨᠠ᠃ ᠣᠯᠠᠨ ᠲᠠᠭᠢᠨ ᠤᠳᠠᠭᠠᠨ ᠤ ᠰᠣᠩᠭᠤᠯᠲᠠ ᠠᠴᠠ ᠪᠢᠲᠡ | ᠠᠮᠢᠳᠤᠷᠠᠯ ᠤᠨ ᠭᠠᠰᠢᠭᠤᠨ ᠢ ᠠᠮᠲᠠᠯᠠᠨ ᠬᠠᠰᠢᠷᠵᠢᠬᠤ ᠶᠢᠨ ᠤᠯᠠᠮ ᠠᠴᠠ ᠥᠪᠡᠷ ᠤᠨ ᠢᠶᠠᠨ ᠬᠠᠷᠠᠯᠲᠠ ᠪᠠᠨ ᠲᠣᠭᠲᠠᠭᠠᠵᠤ᠂ ᠤᠷᠤᠭᠰᠢᠯᠠᠬᠤ ᠴᠢᠭᠯᠡᠯ ᠢᠶᠠᠨ ᠣᠯᠳᠠᠭ᠃ | ᠡᠰᠡ ᠲᠡᠭᠡᠪᠡᠯ ᠬᠠᠷᠠ ᠬᠦᠴᠦ ᠪᠠᠷ ᠵᠢᠳᠬᠦᠵᠦ᠂ ᠬᠠᠲᠠ ᠮᠥᠷᠭᠦᠨ ᠪᠦᠳᠦᠷᠢᠬᠦ ᠪᠥᠭᠡᠳ ᠬᠠᠶᠠ ᠵᠠᠷᠢᠮ ᠳᠠᠭᠠᠨ ︽ᠡᠯᠵᠢᠭᠡ ᠴᠦ ᠦᠭᠡᠢ ᠭᠤᠷᠪᠠᠨ ᠯᠠᠩ ᠴᠦ ᠦᠭᠡᠢ︾ | ᠢᠨᠢᠶᠡᠳᠦᠮ ᠱᠤᠭ ᠪᠤᠯᠬᠤ ᠤᠴᠢᠷ ᠴᠦ ᠪᠤᠢ᠃ ᠡᠨᠡ ᠬᠦ ᠤᠳᠬᠠ ᠠᠴᠠ ᠥᠭᠦᠯᠡᠬᠦ ᠳᠤ ᠵᠥᠪ ᠰᠣᠩᠭᠤᠯᠲᠠ ᠬᠢᠭᠡᠳ ᠵᠦᠢᠲᠡᠢ ᠴᠢᠷᠮᠠᠶᠢᠯᠭᠠ ᠪᠣᠯ ᠠᠳᠠᠯᠢ ᠰᠠᠴᠠᠭᠤ | ᠦᠢᠯᠡᠳᠦᠯ ᠲᠠᠢ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ | ᠠᠮᠢᠳᠤᠷᠠᠯ ᠪᠣᠯ ᠠᠬᠢᠭᠠᠳ ᠪᠤᠴᠠᠰᠢ ᠦᠭᠡᠢ ᠰᠣᠩᠭᠤᠯᠲᠠ ᠮᠥᠨ᠃ ᠭᠡᠨᠡᠳᠡᠬᠦ ᠦᠭᠡᠢ᠂ ᠪᠦᠳᠦᠷᠢᠬᠦ ᠦᠭᠡᠢ ᠪᠠᠷ ᠭᠡᠭᠡᠨ ᠢᠷᠡᠭᠡᠳᠦᠢ ᠪᠠᠨ ᠤᠭᠲᠤᠬᠤ ᠭᠡᠪᠡᠯ | ᠪᠢᠳᠡ ᠠᠬᠢᠨ ᠲᠠᠭᠢᠨ ᠲᠤᠩᠭᠠᠵᠤ ᠣᠨᠣᠪᠴᠢᠲᠠᠢ ᠰᠣᠩᠭᠤᠯᠲᠠ ᠬᠢᠬᠦ ᠶᠢ ᠵᠥᠪᠯᠡᠶᠡ᠃ |