| ᠰᠥᠭᠦᠬᠡᠢ ᠭᠤᠲᠤᠯ ᠤᠨ ᠪᠦᠲᠦᠴᠡ ᠨᠢ ᠲᠦᠷᠡᠢ᠂ ᠤᠯᠠ᠂ ᠦᠰᠦᠭᠡᠢ ᠪᠠᠷ ᠪᠦᠷᠢᠯᠳᠦᠨᠡ᠃ ᠭᠤᠲᠤᠯ ᠬᠢᠬᠦ ᠳᠤ ᠡᠯᠳᠡᠭᠰᠡᠨ ᠬᠥᠮ᠂ ᠬᠤᠨᠢ᠂ ᠢᠮᠠᠭᠠᠨ ᠤ ᠠᠷᠠᠰᠤ᠂ | ᠬᠢᠯᠢᠩ ᠪᠤᠶᠤ ᠰᠣᠭᠰᠤᠭᠠᠯ᠂ ᠰᠠᠷᠢᠰᠤ ᠶᠢᠨ ᠠᠯᠢ ᠨᠢᠭᠡ ᠶᠢ ᠰᠣᠩᠭᠤᠵᠤ᠂ ᠲᠠᠮᠤᠭᠰᠠᠨ ᠰᠢᠷᠪᠦᠰᠦ ᠵᠡᠷᠭᠡ ᠶᠢ ᠪᠡᠯᠡᠳᠬᠡᠨᠡ᠃ | ᠲᠦᠷᠡᠢ ᠳᠤ ᠪᠥᠰ ᠲᠦᠷᠡᠢ᠂ ᠠᠷᠠᠰᠤᠨ ᠲᠦᠷᠡᠢ ᠭᠡᠵᠦ ᠬᠤᠶᠠᠷ ᠵᠦᠢᠯ ᠪᠤᠢ᠃ ᠠᠷᠠᠰᠤᠨ ᠲᠦᠷᠡᠢ ᠶᠢ ᠬᠢᠬᠦ ᠳᠤ ᠬᠤᠨᠢ᠂ ᠢᠮᠠᠭᠠ᠂ ᠲᠤᠭᠤᠯ ᠤᠨ ᠡᠯᠳᠡᠭᠰᠡᠨ᠂ | ᠦᠰᠦᠯᠡᠭᠰᠡᠨ ᠠᠷᠠᠰᠤ ᠶᠢ ᠬᠡᠷᠡᠭᠯᠡᠨᠡ᠃ ᠪᠥᠰ ᠲᠦᠷᠡᠢ ᠶᠢ ᠬᠢᠬᠦ ᠳᠤ ᠭᠠᠳᠠᠷᠯᠠᠬᠤ᠂ ᠳᠣᠲᠣᠷᠯᠠᠬᠤ ᠡᠳ᠋ ᠢ ᠰᠢᠨᠡ ᠴᠠᠭᠠᠨ ᠪᠥᠰ᠂ ᠳᠤᠮᠳᠠ ᠨᠢ ᠬᠠᠪᠴᠢᠭᠤᠯᠬᠤ ᠳᠤ | ᠬᠠᠭᠤᠴᠢᠨ ᠪᠥᠰ ᠬᠡᠷᠡᠭᠯᠡᠨᠡ᠃ ᠪᠥᠰ ᠢᠶᠠᠨ ᠰᠣᠩᠭᠤᠵᠤ ᠪᠠᠷᠠᠪᠠᠯ ᠲᠡᠭᠦᠨ ᠢ ᠪᠠᠨ ᠭᠤᠷᠪᠠ ᠳᠦᠷᠪᠡᠨ ᠳᠠᠪᠬᠤᠷ ᠴᠠᠷᠠᠭᠳᠠᠨ ᠬᠠᠲᠠᠭᠤᠷᠠᠭᠤᠯᠤᠭᠠᠳ ᠡᠰᠬᠡᠬᠦ ᠳᠤ ᠪᠡᠯᠡᠨ | ᠪᠣᠯᠭᠠᠨᠠ᠃ ᠲᠦᠷᠡᠢ ᠳᠦᠷᠪᠡᠨ ᠬᠡᠰᠡᠭ ᠪᠠᠶᠢᠵᠤ᠂ ᠡᠰᠬᠡᠵᠦ ᠪᠠᠷᠠᠪᠠᠯ ᠰᠢᠷᠢᠨᠡ᠃ ᠰᠢᠷᠢᠵᠦ ᠪᠠᠷᠠᠪᠠᠯ ᠬᠠᠷᠢᠯᠴᠠᠨ ᠲᠡᠩᠴᠡᠭᠦᠯᠵᠦ᠂ ᠥᠬᠡᠯᠡᠨ ᠵᠠᠰᠠᠨᠠ᠃ ᠢᠩᠭᠢᠭᠡᠳ | ᠬᠦᠪᠡᠭᠡᠯᠡᠵᠦ ᠪᠠᠷᠢᠨᠠ᠃ ᠲᠦᠷᠡᠢ ᠳᠤ ᠪᠠᠨ ᠤᠭᠠᠯᠵᠠ ᠬᠠᠳᠬᠤᠨᠠ᠃ ᠲᠦᠷᠡᠢ ᠪᠠᠨ ᠨᠡᠶᠢᠯᠡᠭᠦᠯᠵᠦ ᠣᠶᠣᠨᠠ᠃ ᠲᠦᠷᠡᠢ ᠶᠢᠨ ᠬᠤᠩᠰᠢᠶᠠᠷ ᠲᠤ ᠥᠯᠮᠡᠢ ᠪᠠᠨ ᠪᠠᠷᠢᠵᠤ | ᠬᠠᠳᠠᠨᠠ᠃ ᠤᠯᠠ ᠶᠢ ᠬᠥᠮ ᠢᠶᠠᠷ ᠬᠢᠨᠡ᠃ ᠲᠡᠭᠦᠨ ᠢ ᠡᠰᠬᠡᠵᠦ ᠠᠪᠬᠤ ᠳᠤ ᠪᠠᠨ ᠤᠷᠲᠤ᠂ ᠥᠷᠭᠡᠨ ᠰᠢᠭ ᠬᠠᠶᠢᠴᠢᠯᠠᠵᠤ ᠠᠪᠤᠨᠠ᠃ ᠰᠥᠭᠦᠬᠡᠢ ᠭᠤᠲᠤᠯ ᠳᠤ ᠵᠤᠯᠤᠭ | ᠪᠠᠶᠢᠳᠠᠭ ᠦᠭᠡᠢ ᠲᠤᠯᠠ ᠥᠷᠭᠡᠨ ᠡᠰᠬᠡᠵᠦ ᠪᠠᠶᠢᠳᠠᠭ᠃ ᠤᠯᠠ ᠶᠢᠨ ᠬᠤᠩᠰᠢᠶᠠᠷ ᠲᠤ ᠵᠢᠵᠢᠭᠬᠡᠨ ᠭᠤᠷᠪᠠᠯᠵᠢᠨ ᠭᠠᠷᠭᠠᠳᠠᠭ᠂ ᠡᠭᠦᠨ ᠢ ᠲᠠᠨᠠ ᠭᠡᠳᠡᠭ᠃ ᠤᠯᠠ ᠲᠦᠷᠡᠢ | ᠬᠤᠶᠠᠷ ᠢ ᠵᠠᠯᠭᠠᠬᠤ ᠳᠤ ᠠᠳᠡ ᠨᠡᠶᠢᠯᠡᠬᠦ ᠶᠣᠰᠣᠲᠠᠢ᠃ | ᠦᠰᠦᠭᠡᠢ᠄ ᠤᠯᠠ ᠶᠢᠨ ᠬᠤᠶᠢᠲᠤ ᠲᠠᠯᠠ ᠳᠤ ᠦᠰᠦᠭᠡᠢ ᠭᠠᠷᠭᠠᠨᠠ᠃ ᠦᠰᠦᠭᠡᠢ ᠶᠢ ᠳᠠᠩ ᠪᠤᠶᠤ ᠳᠠᠪᠬᠤᠷ ᠬᠤᠶᠠᠷ ᠶᠠᠩᠵᠤ ᠪᠠᠷ ᠭᠠᠷᠭᠠᠳᠠᠭ᠃ ᠪᠥᠰ | ᠲᠦᠷᠡᠢ ᠲᠠᠢ ᠰᠥᠭᠦᠬᠡᠢ ᠶᠢ ᠳᠤᠯᠠᠭᠠᠨ ᠤᠯᠠᠷᠢᠯ ᠳᠤ᠂ ᠠᠷᠠᠰᠤᠨ ᠲᠦᠷᠡᠢ ᠲᠠᠢ ᠰᠥᠭᠦᠬᠡᠢ ᠶᠢ ᠬᠦᠢᠲᠡᠨ ᠡᠷᠢᠨ ᠳᠤ ᠡᠮᠦᠰᠳᠡᠭ᠃ |