| ︽ᠬᠠᠭᠤᠴᠢᠨ ᠣᠨ ᠬᠠᠩᠬᠢᠷᠠᠰᠤᠨ ᠣᠳᠴᠤ᠂ ᠰᠢᠨᠡ ᠣᠨ ᠰᠢᠯᠵᠢᠷᠡᠨ︾ ᠢᠷᠡᠵᠦ ᠪᠤᠢ ᠵᠢᠯ ᠤᠨ ᠡᠬᠢᠨ ᠪᠣᠯ ᠴᠠᠭᠠᠨ ᠰᠠᠷᠠ ᠲᠤᠯᠠ ᠮᠣᠩᠭᠤᠯᠴᠤᠳ ᠤᠨ | ᠲᠤᠬᠠᠢ ᠳᠤ ᠰᠢᠨᠡ ᠣᠨ ᠤ ᠪᠠᠶᠠᠷ ᠶᠤᠮ᠃ ᠠᠯᠢᠪᠠ ᠠᠷᠠᠳ ᠲᠦᠮᠡᠨ ᠰᠢᠨᠡ ᠵᠢᠯ᠂ ᠰᠢᠨᠡ ᠣᠨ ᠲᠠᠢ ᠪᠠᠨ ᠤᠭᠲᠤᠨ ᠵᠣᠯᠭᠠᠬᠤ ᠪᠠᠶᠠᠷ ᠬᠤᠷᠢᠮ ᠤᠨ ᠥᠪᠡᠷᠮᠢᠴᠡ | ᠶᠣᠰᠣ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ ᠪᠥᠭᠡᠳ ᠦᠢᠯᠡᠳᠬᠦ ᠵᠠᠩ ᠦᠢᠯᠡ ᠪᠦᠷᠢ ᠨᠢ ᠰᠢᠨᠡ ᠣᠨ ᠳᠠᠭᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠪᠠᠶᠢᠬᠤ ᠶᠢ ᠪᠡᠯᠭᠡᠳᠡᠨ ᠵᠥᠩᠨᠡᠭᠰᠡᠨ ᠥᠨᠢ | ᠡᠷᠲᠡᠨ ᠤ ᠤᠯᠠᠮᠵᠢᠯᠠᠯᠲᠠᠢ᠂ ᠤᠯᠠᠨ ᠵᠠᠭᠤᠨ ᠤ ᠲᠡᠦᠬᠡ ᠲᠠᠢ᠂ ᠡᠯᠪᠡᠭ ᠶᠣᠰᠣ ᠲᠦᠷᠦ ᠲᠠᠢ ᠬᠠᠮᠤᠭ ᠤᠨ ᠲᠣᠮᠣ ᠪᠠᠶᠠᠷ ᠶᠤᠮ᠃ ᠮᠣᠩᠭᠤᠯᠴᠤᠳ ᠴᠠᠭᠠᠨ ᠰᠠᠷᠠ ᠶᠢ | ︽ᠨᠠᠰᠤ ᠨᠡᠮᠡᠭᠰᠡᠨ ᠤ ᠪᠠᠶᠠᠷ︾ ᠬᠡᠮᠡᠨ ᠶᠡᠬᠡᠳᠡ ᠪᠡᠯᠭᠡᠰᠢᠶᠡᠵᠦ᠂ ᠠᠯᠢᠪᠠ ᠠᠮᠢᠲᠠᠨ ᠤ ᠨᠠᠰᠤ ᠶᠢ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠢᠶᠠᠷ ᠵᠠᠭᠠᠭᠯᠠᠨ ᠪᠤᠳᠤᠳᠠᠭ᠃ | ᠲᠤᠬᠠᠶᠢᠯᠠᠪᠠᠯ᠂ ᠡᠪᠦᠯ ᠤᠨ ᠠᠳᠠᠭ ᠰᠠᠷᠠ ᠶᠢᠨ ᠪᠢᠲᠡᠭᠦᠨ ᠳᠤ ᠲᠦᠷᠦᠭᠰᠡᠨ ᠬᠡᠦᠬᠡᠳ ᠢ ᠮᠠᠷᠭᠠᠰᠢ ᠨᠢ ᠬᠤᠶᠠᠷ ᠨᠠᠰᠤ ᠲᠠᠢ ᠬᠡᠮᠡᠳᠡᠭ᠃ ᠴᠠᠭᠠᠨ ᠰᠠᠷᠠ ᠭᠠᠷᠤᠮᠠᠭᠴᠠ | ᠬᠥᠮᠥᠨ ᠪᠦᠭᠦᠨ ᠨᠢᠭᠡ ᠨᠠᠰᠤ ᠨᠡᠮᠡᠵᠦ᠂ ᠨᠠᠰᠤ ᠨᠡᠮᠡᠭᠰᠡᠨ ᠤ ᠪᠠᠶᠠᠷ ᠢ ᠲᠦᠷᠦᠯ ᠲᠦᠷᠦᠭᠰᠡᠳ ᠵᠤᠨ ᠤᠯᠠᠨ ᠢᠶᠠᠷ ᠢᠶᠠᠨ ᠲᠡᠮᠳᠡᠭᠯᠡᠵᠦ ᠪᠠᠶᠢᠭᠠ ᠪᠤᠯᠬᠤ ᠪᠠᠷ ᠨᠢᠭᠡ | ᠶᠣᠰᠣᠨ ᠤ ᠪᠦᠬᠦ ᠬᠥᠮᠥᠨ ᠤ ︽ᠲᠦᠷᠦᠭᠰᠡᠨ ᠡᠳᠦᠷ ᠤᠨ ᠪᠠᠶᠠᠷ︾ ᠪᠣᠯᠵᠤ ᠪᠤᠢ ᠬᠡᠷᠡᠭ ᠶᠤᠮ᠃ ᠪᠠᠰᠠ ︽ ᠬᠦᠢᠲᠡᠨ ᠤ ᠠᠮᠠ ᠴᠠᠰᠢᠯᠠᠵᠤ᠂ ᠬᠥᠬᠦᠦᠷ ᠤᠨ ᠠᠮᠠ | ᠨᠠᠰᠢᠯᠠᠵᠤ︾ ᠤᠷᠭᠤᠨ ᠲᠥᠯᠵᠢᠬᠦ ᠶᠢᠨ ᠡᠬᠢᠨ᠂ ᠤᠷᠢᠨ ᠬᠠᠪᠤᠷ ᠲᠠᠢ ᠵᠣᠯᠭᠠᠵᠤ ᠪᠤᠢ ᠪᠠᠶᠠᠷᠲᠤ ᠮᠥᠴᠡ ᠶᠤᠮ᠃ ᠨᠡᠭᠦᠳᠡᠯᠴᠢᠨ᠂ ᠮᠠᠯᠴᠢᠨ ᠤᠳᠤᠮᠲᠤ | ᠮᠣᠩᠭᠤᠯᠴᠤᠳ ᠤᠨ ᠲᠤᠬᠠᠢ ᠳᠤ ᠡᠪᠦᠯ ᠢ ᠥᠩ ᠲᠠᠢ ᠲᠤᠭᠤᠯᠵᠤ᠂ ᠦᠰᠦᠨ ᠳᠡᠯᠭᠡᠷᠬᠦ ᠬᠠᠪᠤᠷ ᠴᠠᠭ ᠲᠠᠢ ᠵᠣᠯᠭᠠᠬᠤ ᠨᠢ ᠦᠨᠡᠬᠡᠷ ᠶᠡᠭᠡ ᠪᠠᠶᠠᠷ ᠤᠨ ᠨᠢᠭᠡ ᠪᠢᠯᠡ᠃ | ᠡᠶᠢᠨᠬᠦ ᠬᠠᠪᠤᠷ ᠤᠨ ᠪᠠᠶᠠᠷ ᠳᠠᠪᠬᠤᠷᠯᠠᠭᠰᠠᠨ᠂ ᠪᠡᠯᠭᠡ ᠳᠡᠮᠪᠡᠷᠡᠯ᠂ ᠥᠯᠵᠡᠢ ᠤᠴᠠᠷᠠᠯ ᠪᠦᠷᠢᠳᠦᠭᠰᠡᠨ ᠰᠠᠶᠢᠨ ᠡᠳᠦᠷ ᠢᠶᠠᠨ ᠴᠠᠭᠠᠨ ᠰᠠᠷᠠ ᠬᠡᠮᠡᠨ ᠨᠡᠷᠡᠯᠡᠭᠰᠡᠨ ᠨᠢ | ᠤᠳᠬᠠ ᠤᠴᠢᠷᠲᠠᠢ᠃ | ᠴᠠᠭᠠᠨ ᠥᠩᠭᠡ ᠪᠣᠯ ᠮᠣᠩᠭᠤᠯᠴᠤᠳ ᠤᠨ ᠬᠠᠮᠤᠭ ᠤᠨ ᠡᠷᠬᠢᠮᠯᠡᠨ ᠳᠡᠭᠡᠳᠦᠯᠡᠳᠡᠭ᠂ ᠥᠯᠵᠡᠢ ᠪᠡᠯᠭᠡ ᠲᠠᠢ᠂ ᠪᠠᠶᠠᠷ ᠵᠢᠷᠭᠠᠯ ᠤᠨ ᠥᠩᠭᠡ ᠶᠤᠮ᠃ ᠮᠣᠩᠭᠤᠯ | ᠬᠡᠯᠡᠨ ᠤ ᠴᠠᠭᠠᠨ ᠰᠠᠷᠠ᠂ ᠴᠠᠭᠠᠨ ᠰᠡᠳᠬᠢᠯ᠂ ᠴᠠᠭᠠᠨ ᠵᠦᠭ᠂ ᠴᠠᠭᠠᠨ ᠦᠢᠯᠡ᠂ ᠴᠠᠭᠠᠨ ᠵᠠᠮ᠂ ᠴᠠᠭᠠᠨ ᠭᠠᠵᠠᠷ᠂ ᠴᠠᠭᠠᠨ ᠪᠤᠶᠠᠨ᠂ ᠴᠠᠭᠠᠨ ᠢᠳᠡᠭᠡ᠂ ᠴᠠᠭᠠᠨ ᠬᠠᠨᠢᠶᠠᠳᠤ | ︵ ᠬᠥᠩᠭᠡᠨ ᠬᠠᠨᠢᠶᠠᠳᠤ︶ ᠭᠡᠬᠦ ᠮᠡᠲᠦ ᠦᠭᠡᠰ ᠴᠤ ᠤᠭ ᠦᠩᠭᠡᠨ ᠤ ᠪᠡᠯᠭᠡᠳᠡᠯ ᠢ ᠭᠡᠷᠡᠴᠢᠯᠡᠵᠦ ᠪᠠᠶᠢᠨᠠ᠃ ᠠᠶᠢᠯ ᠳᠤ ᠢᠷᠡᠭᠰᠡᠨ ᠵᠣᠴᠢᠨ ᠭᠡᠶᠢᠴᠢᠨ᠂ ᠢᠳᠡᠭᠡ | ᠪᠤᠳᠠᠭᠠ ᠡᠯᠪᠡᠭ ᠳᠡᠯᠪᠡᠭ᠂ ᠵᠦᠢᠯ ᠪᠦᠷᠢ ᠪᠠᠷ ᠢᠶᠠᠨ ᠪᠠᠶᠢᠯᠠ ᠴᠤ ᠭᠡᠰᠡᠨ᠂ ᠶᠠᠭᠤᠨ ᠤ ᠡᠮᠦᠨᠡ ᠴᠠᠭᠠᠨ ᠢᠳᠡᠭᠡᠨ ᠠᠴᠠ ᠠᠮᠠ ᠬᠦᠷᠴᠦ ᠭᠠᠷᠳᠠᠭ ᠵᠠᠩᠰᠢᠯ ᠲᠠᠢ᠃ ᠡᠨᠡ | ᠨᠢ ᠲᠡᠷᠡᠬᠦ ᠵᠣᠴᠢᠨ ᠭᠡᠶᠢᠴᠢᠨ ᠤ ᠠᠵᠢᠯ ᠶᠠᠪᠤᠳᠠᠯ᠂ ᠦᠢᠯᠡ ᠬᠡᠷᠡᠭ ᠰᠠᠭᠠᠳ ᠳᠠᠳᠬᠠᠷ ᠦᠭᠡᠢ ᠴᠠᠭᠠᠨ ᠮᠥᠷ ᠢᠶᠠᠷ ᠪᠦᠲᠦᠬᠦ ᠪᠣᠯᠲᠤᠭᠠᠢ ᠬᠡᠮᠡᠭᠰᠡᠨ ᠪᠡᠯᠭᠡᠳᠡᠯ ᠶᠤᠮ᠃ | ᠪᠢᠳᠡ ᠪᠦᠬᠦᠨ ᠤ ᠰᠠᠶᠢᠨ ᠮᠡᠳᠡᠬᠦ ᠮᠠᠷᠺᠤ ᠫᠣᠯᠣ ︵13 ᠵᠠᠭᠤᠨ ᠤ ᠦᠶᠡ ᠳᠤ ᠮᠣᠩᠭᠤᠯ ᠳᠤ ᠢᠷᠡᠵᠦ ᠤᠯᠠᠨ ᠵᠢᠯ ᠪᠣᠯᠤᠭᠰᠠᠨ ᠡᠸᠦ᠋ᠷᠦᠫᠡ ᠶᠢᠨ | ᠵᠢᠭᠤᠯᠴᠢᠨ︶ ᠶᠢᠨ ᠲᠡᠮᠳᠡᠭᠯᠡᠯ ᠳᠤ᠄ | ︽ᠲᠡᠳᠡᠨ ᠤ ᠣᠨ ᠨᠢ ᠬᠤᠶᠠᠳᠤᠭᠠᠷ ᠰᠠᠷᠠ ᠠᠴᠠ ᠡᠬᠢᠯᠡᠨᠡ᠃ ᠰᠢᠨᠡ ᠵᠢᠯ ᠤᠨ ᠪᠠᠶᠠᠷ ᠢᠶᠠᠷ ᠶᠡᠭᠡ ᠬᠠᠭᠠᠨ ᠲᠡᠷᠢᠭᠦᠯᠡᠨ ᠪᠦᠬᠦ ᠠᠷᠠᠳ᠂ ᠢᠷᠭᠡᠳ ᠬᠦᠷᠲᠡᠯᠡ | ᠬᠥᠭᠰᠢᠨ ᠵᠠᠯᠠᠭᠤ᠂ ᠡᠷᠡ ᠡᠮᠡ ᠢᠯᠭᠠᠯ ᠦᠭᠡᠢ᠂ ᠬᠥᠷᠥᠩᠭᠡ ᠴᠢᠳᠠᠯ ᠤᠨ ᠬᠢ ᠪᠠᠨ ᠢᠶᠠᠨ ᠬᠢᠷᠢ ᠪᠠᠷ᠂ ᠪᠤᠯᠲᠤ ᠪᠠᠷ ᠴᠠᠭᠠᠨ ᠬᠤᠪᠴᠠᠰᠤ ᠡᠮᠦᠰᠬᠦ ᠵᠠᠩᠰᠢᠯ ᠲᠠᠢ᠃ ᠡᠨᠡ | ᠨᠢ ᠶᠡᠷᠦ ᠠᠴᠠ ᠴᠠᠭᠠᠨ ᠥᠩᠭᠡ ᠲᠠᠢ ᠬᠤᠪᠴᠠᠰᠤ ᠪᠣᠯ ᠠᠵᠠ ᠵᠢᠷᠭᠠᠯᠲᠠᠢ᠂ ᠥᠯᠵᠡᠢ ᠮᠥᠷᠲᠡᠢ᠂ ᠡᠩᠬᠡ ᠡᠰᠡᠨ ᠪᠠᠶᠢᠬᠤ ᠶᠢᠨ ᠪᠡᠯᠭᠡ ᠲᠡᠮᠳᠡᠭ ᠪᠣᠯᠣᠨᠠ ᠭᠡᠵᠦ | ᠦᠵᠡᠳᠡᠭ ᠲᠠᠢ ᠬᠤᠯᠪᠣᠭᠠᠲᠠᠢ᠃ ᠲᠡᠭᠦᠨᠴᠢᠯᠡᠨ ᠳᠡᠭᠡᠳᠦ ᠰᠠᠶᠢᠨ ᠴᠠᠭᠠᠨ ᠥᠩᠭᠡ ᠶᠢᠨ ᠪᠥᠰ ᠢ ᠶᠡᠭᠡ ᠬᠠᠭᠠᠳ ᠲᠤ ᠪᠡᠯᠡᠭ ᠪᠣᠯᠭᠠᠨ ᠪᠠᠷᠢᠵᠤ ᠢᠵᠠᠭᠤᠷᠲᠠᠨ ᠤᠳ ᠴᠤ᠂ | ᠴᠡᠷᠢᠭ ᠤᠨ ᠲᠦᠰᠢᠮᠡᠳ ᠴᠤ᠂ ᠡᠭᠡᠯ ᠠᠷᠠᠳ ᠴᠤ ᠬᠤᠭᠤᠷᠣ ᠬᠤᠭᠤᠷᠣᠨᠳᠤ ᠪᠠᠨ ᠴᠠᠭᠠᠨ ᠥᠩᠭᠡ ᠲᠠᠢ ᠪᠡᠯᠡᠭ ᠪᠠᠷᠢᠳᠠᠭ ᠶᠤᠮ︾ ᠬᠡᠮᠡᠨ ᠪᠢᠴᠢᠵᠡᠢ᠃ ᠡᠨᠡ ᠮᠡᠲᠦ | ᠴᠠᠭᠠᠨ ᠥᠩᠭᠡ ᠶᠢ ᠳᠡᠭᠡᠳᠦᠯᠡᠵᠦ ᠪᠠᠶᠢᠭᠰᠠᠨ ᠪᠠᠷᠢᠮᠲᠠ ᠤᠯᠠᠨ ᠢ ᠥᠭᠦᠯᠡᠵᠦ ᠪᠤᠯᠬᠤ ᠪᠥᠭᠡᠳ ᠪᠠᠰᠠ ᠨᠢᠭᠡ ᠵᠢᠱᠢᠶᠡ ᠲᠠᠲᠠᠬᠤ ᠳᠤ᠂ ᠮᠣᠩᠭᠤᠯ ᠤᠨ ᠨᠢᠭᠤᠴᠠ | ᠲᠣᠪᠴᠢᠶᠠᠨ ᠤ 216 ᠳ᠋ᠤᠭᠠᠷ ᠵᠦᠢᠯ ᠳᠤ ︽ᠪᠠᠰᠠ ᠴᠢᠩᠭᠢᠰ ᠬᠠᠭᠠᠨ᠂ ᠤᠰᠤᠨ ᠡᠪᠦᠭᠡᠨ ᠳᠤ ᠥᠭᠦᠯᠡᠷᠦᠨ᠄ ︽᠁ ᠠᠬᠠᠮᠠᠳ ᠦᠶᠡ ᠶᠢᠨ ᠬᠥᠮᠥᠨ ᠢᠶᠠᠨ ᠪᠠᠬᠢ | ︵ᠴᠣᠯᠠ︶ ᠪᠣᠯᠭᠠᠳᠠᠭ ᠵᠠᠩᠰᠢᠯ ᠲᠠᠢ ᠲᠤᠯᠠ ᠪᠠᠭᠠᠷᠢᠨ ᠠᠬᠠ ᠶᠢᠨ ᠤᠷᠤᠭ ᠤᠰᠤᠨ ᠡᠪᠦᠭᠡᠨ ᠢ ᠪᠠᠬᠢ ᠪᠣᠯᠭᠠᠶᠠ᠃ ᠪᠠᠬᠢ ᠡᠷᠭᠦᠮᠵᠢᠯᠡᠭᠡᠳ᠂ ᠴᠠᠭᠠᠨ ᠳᠡᠪᠡᠯ ᠡᠮᠦᠰᠴᠦ᠂ | ᠴᠠᠭᠠᠨ ᠮᠣᠷᠢ ᠤᠨᠤᠵᠤ᠂ ᠳᠡᠭᠡᠳᠦ ᠰᠠᠭᠤᠷᠢᠨ ᠳᠤ ᠰᠠᠭᠤᠵᠤ᠂ ᠣᠨ ᠰᠠᠷᠠ ᠶᠢ ᠣᠯᠵᠤ ᠰᠣᠩᠭᠤᠵᠤ ᠪᠠᠶᠢᠲᠤᠭᠠᠢ ᠬᠡᠮᠡᠨ ᠵᠠᠷᠯᠢᠭ ᠪᠣᠯᠭᠠᠪᠠ︾ ᠭᠡᠵᠦ ᠭᠠᠷᠳᠠᠭ᠃ ᠡᠨᠡ | ᠪᠦᠬᠦᠨ ᠨᠢ ᠴᠠᠭᠠᠨ ᠥᠩᠭᠡ ᠶᠢ ᠡᠷᠬᠢᠮᠯᠡᠨ ᠳᠡᠭᠡᠳᠦᠯᠡᠬᠦ ᠪᠡᠯᠭᠡᠳᠡᠯ ᠠᠴᠠ ᠡᠭᠦᠳᠴᠡᠢ᠃ ᠴᠠᠭᠠᠨ ᠰᠠᠷᠠ ᠶᠢᠨ ᠪᠠᠶᠠᠷ ᠤᠨ ᠵᠣᠭᠤᠭ ᠤᠨ ᠬᠠᠮᠤᠭ ᠤᠨ ᠬᠦᠨᠳᠦᠲᠡᠢ ᠨᠢ | ᠴᠠᠭᠠᠨ ᠢᠳᠡᠭᠡ ᠪᠤᠶᠤ ᠲᠡᠭᠦᠪᠡᠷ ᠦᠢᠯᠡᠳᠦᠭᠰᠡᠨ ᠬᠤᠭᠤᠯᠠ ᠪᠠᠶᠢᠳᠠᠭ᠃ ᠲᠡᠷᠡᠬᠦ ᠴᠠᠭᠠᠨ ᠢᠳᠡᠭᠡ ᠪᠠᠷ ᠬᠢᠭᠰᠡᠨ ᠢᠳᠡᠭᠡ ᠵᠣᠭᠤᠭ ᠢ ᠴᠠᠭᠠᠯᠠᠭᠠ ᠭᠡᠳᠡᠭ᠃ | ᠵᠣᠯᠭᠠᠬᠤ ᠪᠠᠷ ᠢᠷᠡᠭᠰᠡᠨ ᠵᠣᠴᠢᠨ ᠭᠡᠶᠢᠴᠢᠨ ᠶᠠᠭᠤᠨ ᠲᠦᠷᠦᠭᠦᠨ ᠴᠠᠭᠠᠯᠠᠭᠠ ᠠᠴᠠ ᠠᠮᠰᠠᠳᠠᠭ ᠶᠣᠰᠣ ᠲᠠᠢ᠃ ᠮᠣᠩᠭᠤᠯᠴᠤᠳ ᠰᠢᠨᠡ ᠵᠢᠯ ᠤᠨ ᠡᠨᠡᠬᠦ ᠶᠡᠭᠡ | ᠪᠠᠶᠠᠷ ᠢᠶᠠᠨ ᠶᠣᠰᠣᠯᠠᠨ ᠲᠡᠮᠳᠡᠭᠯᠡᠬᠦ ᠶᠢ ᠴᠠᠭᠠᠯᠠᠬᠤ ᠭᠡᠳᠡᠭ᠃ ᠳᠡᠭᠡᠷᠡ ᠥᠭᠦᠯᠡᠭᠰᠡᠨ ᠢ ᠲᠣᠪᠴᠢᠯᠠᠭᠠᠳ ᠥᠭᠦᠯᠡᠪᠡᠯ᠂ ᠡᠪᠦᠭᠡ ᠳᠡᠭᠡᠳᠦᠰ ᠮᠠᠨᠢ ᠥᠩᠭᠡᠷᠡᠭᠰᠡᠨ ᠣᠨ ᠤ | ᠮᠠᠭᠤ ᠮᠠᠭᠤᠬᠠᠢ ᠪᠦᠬᠦᠨ ᠠᠴᠠ ᠬᠠᠭᠠᠴᠠᠵᠤ᠂ ᠰᠢᠨᠡ ᠣᠨ ᠳᠠᠭᠠᠨ ᠪᠦᠬᠦ ᠶᠠᠭᠤᠮᠠ ᠴᠠᠭᠠᠨ ᠪᠠᠶᠢᠬᠤ ᠶᠢ ᠪᠡᠯᠭᠡᠳᠡᠨ ᠬᠦᠰᠡᠵᠦ ᠴᠠᠭᠠᠨ ᠰᠠᠷᠠ ᠬᠡᠮᠡᠭᠰᠡᠨ ᠠᠵᠠᠢ᠃ | | ᠪᠢᠲᠡᠭᠦᠯᠡᠬᠦ᠂ ᠴᠠᠭᠠᠯᠠᠬᠤ ᠲᠠᠢ ᠬᠤᠯᠪᠣᠭᠳᠠᠭᠰᠠᠨ ᠴᠡᠭᠡᠷ ᠤᠨ ᠶᠣᠰᠣᠨ ᠠᠴᠠ | - ᠪᠢᠲᠡᠭᠦᠨ ᠤ ᠡᠳᠦᠷ ᠠᠮᠢ ᠬᠤᠷᠣᠭᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠪᠢᠲᠡᠭᠦᠨ ᠤ ᠡᠳᠦᠷ ᠠᠮᠠᠨ ᠳᠠᠭᠠᠨ ᠶᠠᠭᠤᠮᠠ ᠵᠠᠵᠢᠯᠤᠭᠠᠳ ᠭᠠᠳᠠᠭᠠ ᠭᠠᠷᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠪᠢᠲᠡᠭᠦᠨ ᠤ ᠡᠳᠦᠷ ᠡᠮ ᠤᠤᠭᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠪᠢᠲᠡᠭᠦᠨ ᠤ ᠡᠳᠦᠷ ᠨᠣᠬᠠᠢ ᠵᠣᠳᠣᠬᠤ ᠪᠣᠯᠣᠨ ᠬᠡᠦᠬᠡᠳ ᠢᠶᠠᠨ ᠬᠠᠷᠢᠶᠠᠵᠤ ᠵᠠᠩᠨᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠪᠢᠲᠡᠭᠦᠨ ᠤ ᠣᠷᠣᠢ ᠮᠠᠯ ᠰᠦᠷᠦᠭ ᠢᠶᠠᠨ ᠠᠯᠳᠠᠵᠤ᠂ ᠬᠥᠳᠡᠭᠡ ᠬᠡᠭᠡᠷᠡ ᠬᠤᠨᠣᠭᠤᠯᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠵᠠᠪᠠᠯ ᠬᠢᠴᠢᠶᠡᠵᠦ ᠪᠦᠷᠢᠨ | ᠬᠤᠲᠠᠯᠠᠭᠤᠯᠬᠤ ᠶᠢ ᠡᠷᠬᠢᠮᠯᠡᠨᠡ᠃ | - ᠪᠢᠲᠡᠭᠦᠨ ᠤ ᠰᠥᠨᠢ ᠠᠶᠢᠯ ᠳᠤ ᠬᠤᠨᠣᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠪᠢᠲᠡᠭᠦᠨ ᠤ ᠰᠥᠨᠢ ᠶᠡᠭᠡ ᠳᠠᠭᠤ ᠪᠠᠷ ᠬᠠᠰᠬᠢᠷᠴᠤ᠂ ᠪᠠᠷᠬᠢᠷᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠪᠢᠲᠡᠭᠦᠨ ᠤ ᠰᠥᠨᠢ ᠴᠠᠳᠬᠤᠯᠠᠩ ᠪᠤᠰᠤ ᠬᠤᠨᠣᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠪᠢᠲᠡᠭᠦᠨ ᠤ ᠰᠥᠨᠢ ᠨᠢᠯᠬᠠ ᠬᠡᠦᠬᠡᠳ ᠢ ᠨᠡᠷᠡ ᠪᠠᠷ ᠨᠢ ᠳᠠᠭᠤᠳᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠪᠢᠲᠡᠭᠦᠨ ᠤ ᠰᠥᠨᠢ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠭᠠᠳᠠᠭᠠ ᠬᠤᠨᠣᠭᠤᠯᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠪᠢᠲᠡᠭᠦᠨ ᠤ ᠰᠥᠨᠢ ᠭᠠᠳᠠᠭᠠ ᠬᠤᠭᠤᠰᠤᠨ ᠰᠠᠪᠠ ᠪᠠᠶᠢᠬᠤ ᠶᠢ ᠴᠡᠭᠡᠷᠯᠡᠵᠦ᠂ ᠳᠣᠲᠣᠷᠠ ᠨᠢ ᠪᠠᠭᠠ ᠰᠠᠭᠠ ᠶᠠᠭᠤᠮᠠ ᠬᠢᠵᠦ ᠲᠠᠯᠪᠢᠬᠤ ᠪᠤᠶᠤ | ᠬᠦᠮᠦᠷᠴᠦ ᠲᠠᠯᠪᠢᠨᠠ᠃ | - ᠪᠢᠲᠡᠭᠦᠨ ᠤ ᠰᠥᠨᠢ ᠭᠠᠵᠠᠷ ᠲᠤ ᠬᠠᠷᠠ ᠤᠰᠤ ᠠᠰᠬᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠪᠢᠲᠡᠭᠦᠨ ᠤ ᠰᠥᠨᠢ ᠶᠡᠭᠡ ᠰᠣᠭᠲᠣᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠭᠬᠢᠷ ᠪᠤᠷᠲᠠᠭ ᠲᠠᠢ ᠴᠠᠭᠠᠯᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠰᠢᠨᠡᠯᠡᠬᠦ ᠠᠴᠠ ᠡᠮᠦᠨᠡ ᠬᠠᠰᠢᠶᠠ ᠬᠤᠷᠤᠭᠠ᠂ ᠭᠡᠷ ᠪᠠᠷᠠᠭᠠ᠂ ᠣᠷᠣ ᠳᠡᠪᠢᠰᠬᠡᠷ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠲᠣᠯᠣᠭᠠᠢ ᠦᠰᠦ ᠭᠡᠵᠢᠭᠡ ᠪᠤᠯᠲᠤ ᠶᠢ | ᠤᠬᠢᠶᠠᠵᠤ᠂ ᠢᠷᠡᠵᠦ ᠪᠤᠢ ᠰᠢᠨᠡ ᠵᠢᠯ ᠢᠶᠠᠨ ᠴᠡᠪᠡᠷ ᠠᠷᠢᠭᠤᠨ ᠢᠶᠠᠷ ᠤᠭᠲᠤᠬᠤ ᠶᠢ ᠬᠢᠴᠢᠶᠡᠨᠡ᠃ | - ᠭᠠᠷ ᠳᠡᠭᠡᠷᠡ ᠪᠠᠨ ᠲᠦᠭᠦᠬᠡᠢ ᠭᠤᠷᠢᠯ ᠨᠠᠭᠠᠯᠳᠤᠭᠤᠯᠵᠤ ᠵᠣᠯᠭᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | - ᠥᠷᠢ ᠰᠢᠷᠢ ᠲᠠᠢ ᠴᠠᠭᠠᠯᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ︽ᠡᠪᠡᠳᠴᠢᠨ ᠦᠭᠡᠢ ᠪᠣᠯ ᠵᠢᠷᠭᠠᠯ᠂ ᠥᠷᠢ ᠦᠭᠡᠢ ᠪᠣᠯ ᠪᠠᠶᠠᠨ︾ ᠭᠡᠵᠦ ᠮᠣᠩᠭᠤᠯᠴᠤᠳ | ᠶᠠᠷᠢᠳᠠᠭ ᠪᠥᠭᠡᠳ ᠰᠢᠨᠡ ᠵᠢᠯ ᠠᠴᠠ ᠡᠮᠦᠨᠡ ᠥᠷᠢ ᠰᠢᠷᠢ ᠪᠠᠨ ᠪᠠᠷᠠᠭᠳᠠᠭᠤᠯᠬᠤ ᠶᠢ ᠡᠷᠬᠢᠮᠯᠡᠳᠡᠭ᠃ | - ᠭᠡᠷᠡᠯ ᠭᠡᠭᠡ ᠦᠭᠡᠢ ᠬᠠᠷᠠᠩᠭᠤᠢ ᠳᠤ ᠵᠣᠯᠭᠠᠵᠤ ᠰᠢᠨᠡᠯᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ | - ᠢᠷᠡᠵᠦ ᠪᠤᠢ ᠰᠢᠨᠡ ᠨᠢᠭᠡᠨ ᠵᠢᠯ ᠳᠡᠭᠡᠨ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠲᠠᠢ᠂ ᠡᠪ ᠡᠶᠡ ᠲᠠᠢ᠂ ᠨᠠᠶᠢᠷ ᠬᠦᠷ ᠲᠠᠢ᠂ ᠰᠠᠶᠢᠨ ᠰᠠᠶᠢᠬᠠᠨ ᠪᠠᠶᠢᠬᠤ ᠶᠢ | ᠪᠡᠯᠭᠡᠳᠡᠳᠡᠭ ᠪᠤᠯᠬᠤ ᠪᠠᠷ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡᠳ ᠢᠶᠠᠷ ᠬᠡᠷᠡᠭᠦᠯ ᠱᠤᠤᠭᠢᠶᠠᠨ᠂ ᠵᠣᠳᠣᠭᠠᠨ ᠴᠣᠬᠢᠶᠠᠨ ᠬᠢᠬᠦ ᠶᠢ ᠶᠡᠬᠡᠳᠡ ᠴᠡᠭᠡᠷᠯᠡᠨᠡ᠃ |