| ᠱᠣᠭᠰᠢᠬᠤ᠄ ᠪᠦᠭᠡᠬᠦ ᠠᠴᠠ ᠲᠦᠷᠭᠡᠨ᠂ ᠭᠦᠶᠦᠬᠦ ᠠᠴᠠ ᠤᠳᠠᠭᠠᠨ᠂ ᠲᠡᠮᠡᠭᠡ ᠪᠦᠷᠢ ᠳᠤ ᠪᠠᠶᠢᠳᠠᠭ ᠨᠢᠭᠡ ᠵᠦᠢᠯ ᠤᠨ ᠶᠠᠪᠤᠳᠠᠯ᠃ ᠲᠤᠰ ᠶᠠᠪᠤᠳᠠᠯ ᠨᠢ ᠤᠨᠤᠵᠤ | ᠶᠠᠪᠤᠬᠤ ᠳᠤ ᠪᠡᠶᠡ ᠳᠤ ᠬᠠᠪᠤ ᠦᠭᠡᠢ ᠪᠣᠯᠬᠤᠷ ᠬᠥᠮᠥᠰ ᠡᠭᠦᠨ ᠢ ︽ᠱᠣᠭᠰᠢᠬᠤ ᠠᠴᠠ ᠥᠭᠡᠷᠡ ᠶᠠᠪᠤᠳᠠᠯ ᠦᠭᠡᠢ᠂ ᠰᠣᠭᠲᠣᠬᠤ ᠠᠴᠠ ᠥᠭᠡᠷᠡ ᠢᠳᠠ ᠦᠭᠡᠢ︾ ᠭᠡᠵᠦ | ᠮᠠᠭᠤᠯᠠᠳᠠᠭ᠃ ᠱᠣᠭᠰᠢᠶᠠ ᠶᠢ ᠪᠠᠰᠠ ᠶᠤᠠᠠᠰᠢᠬᠤ ᠭᠡᠳᠡᠭ᠃ | ᠳᠥᠷᠪᠡᠯᠵᠢᠯᠡᠬᠦ ︵ᠳᠣᠪᠲᠣᠯᠬᠤ︶᠄ ᠱᠣᠭᠰᠢᠬᠤ ᠠᠴᠠ ᠲᠦᠷᠭᠡᠨ ᠰᠢᠭ ᠶᠠᠪᠤᠳᠠᠯ᠃ ᠡᠨᠡ ᠨᠢ ᠵᠥᠪᠲᠡᠢ ᠲᠠᠯᠠ ᠶᠢᠨ ᠡᠮᠦᠨᠡ ᠲᠠᠪᠠᠭ ᠢᠶᠠᠨ ᠪᠤᠷᠤᠭᠤᠲᠠᠢ | ᠲᠠᠯᠠ ᠶᠢᠨ ᠬᠤᠶᠢᠲᠤ ᠲᠠᠪᠠᠭ ᠲᠠᠢ᠂ ᠪᠤᠷᠤᠭᠤᠲᠠᠢ ᠲᠠᠯᠠ ᠶᠢᠨ ᠡᠮᠦᠨᠡ ᠲᠠᠪᠠᠭ ᠢᠶᠠᠨ ᠵᠥᠪᠲᠡᠢ ᠲᠠᠯᠠ ᠶᠢᠨ ᠬᠤᠶᠢᠲᠤ ᠲᠠᠪᠠᠭ ᠲᠠᠢ ᠵᠡᠷᠭᠡᠴᠡᠭᠡ ᠭᠢᠰᠬᠢᠵᠦ ᠳᠥᠷᠪᠡᠯᠵᠢᠨ | ᠮᠥᠷ ᠭᠠᠷᠭᠠᠳᠠᠭ ᠪᠣᠯᠬᠤᠷ ᠳᠥᠷᠪᠡᠯᠵᠢᠯᠡᠬᠦ ᠭᠡᠵᠦ ᠨᠠᠷᠠᠯᠠᠵᠠᠢ᠃ | ᠲᠡᠰᠢᠬᠦ᠄ ᠱᠣᠭᠰᠢᠶᠠ ᠠᠴᠠ ᠲᠦᠷᠭᠡᠨ᠂ ᠳᠠᠪᠬᠢᠬᠤ ᠠᠴᠠ ᠤᠳᠠᠭᠠᠨ ᠭᠦᠶᠦᠳᠡᠯ᠃ ᠡᠨᠡ ᠨᠢ ᠣᠯᠠᠩᠬᠢ ᠳᠠᠭᠠᠨ ᠭᠠᠵᠠᠷ ᠤᠷᠤᠭᠤ ᠪᠡᠶᠡ ᠶᠢᠨ ᠵᠠᠩᠭᠤᠷᠭᠠ | ᠬᠦᠴᠦᠨ ᠢᠶᠠᠷ ᠳᠠᠪᠬᠢᠨ ᠪᠠᠭᠤᠬᠤ ᠶᠠᠪᠤᠳᠠᠯ ᠢ ᠬᠡᠯᠡᠳᠡᠭ᠃ ᠡᠨᠡ ᠶᠠᠪᠤᠳᠠᠯ ᠢ ᠤᠨᠤᠯᠭᠠ ᠡᠳ᠋ᠯᠡᠭᠡ ᠳᠤ ᠪᠠᠷᠤᠭ ᠬᠡᠷᠡᠭᠯᠡᠳᠡᠭ ᠦᠭᠡᠢ᠃ ᠡᠭᠦᠨ ᠢ ᠵᠠᠷᠢᠮ ᠬᠥᠮᠥᠨ ᠪᠠᠰᠠ | ᠬᠠᠶᠢᠮᠡᠯ ᠢᠩᠭᠡᠨ ᠤ ᠣᠨᠴᠠᠭᠠᠢ ᠶᠠᠪᠤᠳᠠᠯ ᠭᠡᠵᠦ ᠬᠡᠯᠡᠳᠡᠭ᠃ | ᠭᠦᠶᠦᠬᠦ᠄ ᠲᠡᠰᠢᠬᠦ ᠠᠴᠠ ᠬᠤᠷᠳᠤᠨ ᠶᠠᠪᠤᠬᠤ ᠶᠠᠪᠤᠳᠠᠯ ᠤᠨ ᠶᠠᠷᠤᠡᠭᠡᠶᠢᠯᠡᠭᠰᠠᠨ ᠨᠡᠷᠡᠶᠢᠳᠦᠯ᠃ ᠭᠦᠶᠦᠬᠦ ᠪᠣᠯ ᠲᠡᠮᠡᠭᠡᠨ ᠤ ᠬᠠᠮᠤᠭ ᠲᠦᠷᠭᠡᠨ ᠶᠠᠪᠤᠳᠠᠯ ᠪᠣᠯᠣᠨᠠ᠃ | ᠡᠨᠡ ᠶᠠᠪᠤᠳᠠᠯ ᠢᠶᠠᠷ ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠬᠠᠮᠤᠭ ᠬᠤᠯᠨ ᠳᠠᠭᠠᠨ 20 ~ 30 ᠭᠠᠵᠠᠷ ᠶᠠᠪᠤᠵᠤ ᠳᠡᠶᠢᠯᠳᠡᠭ᠃ | ᠲᠠᠪᠠᠷᠠᠬᠤ᠄ ᠳᠣᠪᠲᠣᠯᠬᠤ ᠠᠴᠠ ᠬᠤᠷᠳᠤᠨ ᠰᠢᠭ᠋ ᠰᠢᠷᠦᠭᠦᠨ ᠶᠠᠪᠤᠳᠠᠯ᠃ ᠲᠤᠰ ᠶᠠᠪᠤᠳᠠᠯ ᠨᠢ ᠣᠨᠣᠭᠰᠠᠨ ᠬᠥᠮᠥᠨ ᠤ ᠪᠡᠶᠡ ᠳᠤ ᠬᠠᠲᠠᠭᠤ᠂ ᠡᠪ ᠮᠠᠭᠤᠲᠠᠢ | ᠪᠣᠯᠬᠤᠷ ᠲᠠᠪᠠᠷᠠᠭᠠᠵᠤ ᠶᠠᠪᠤᠭᠠ ᠬᠥᠮᠥᠨ ᠵᠠᠪᠠᠯ ᠳᠦᠷᠦᠭᠡ ᠵᠢᠭᠢᠨ ᠥᠨᠳᠡᠶᠢᠵᠦ ᠶᠠᠪᠤᠬᠤ ᠴᠢᠬᠤᠯᠠᠲᠠᠢ᠃ ᠡᠶᠢᠮᠦ ᠠᠴᠠ ᠲᠤᠰ ᠶᠠᠪᠤᠳᠠᠯ ᠢ ᠥᠨᠳᠡᠶᠢᠯᠭᠡᠬᠦ᠂ ᠦᠰᠦᠷᠭᠡᠬᠦ | ᠭᠡᠵᠦ ᠴᠤ ᠬᠡᠯᠡᠳᠡᠭ᠃ | ᠳᠠᠪᠬᠢᠬᠤ ︵ᠰᠤᠪᠤᠷᠠᠭᠠᠬᠤ︶᠄ ᠲᠡᠮᠡᠭᠡᠨ ᠤ ᠪᠦᠬᠦ ᠬᠤᠷᠳᠤᠴᠠ ᠪᠠᠷ ᠶᠠᠪᠤᠬᠤ ᠶᠠᠪᠤᠳᠠᠯ᠃ ᠬᠤᠷᠳᠤᠨ ᠲᠡᠮᠡᠭᠡᠨ ᠳᠤ ᠪᠠᠶᠢᠳᠠᠭ ᠬᠠᠮᠤᠭ ᠲᠦᠷᠭᠡᠨ ᠭᠦᠶᠦᠳᠡᠯ᠃ | ᠲᠤᠰ ᠶᠠᠪᠤᠳᠠᠯ ᠨᠢ ᠪᠠᠷᠤᠭ ᠤᠷᠤᠯᠳᠤᠭᠠᠨ ᠳᠤ ᠯᠠ ᠪᠠᠶᠢᠳᠠᠭ ᠪᠥᠭᠡᠳ ᠭᠢᠰᠬᠢᠬᠦ ᠭᠡᠯᠪᠠᠷᠢ ᠨᠢ ᠵᠥᠪᠲᠡᠢ ᠲᠠᠯᠠ ᠶᠢᠨ ᠬᠤᠶᠢᠲᠤ ᠬᠥᠯ ᠨᠢ ᠪᠤᠷᠤᠭᠤᠲᠠᠢ ᠲᠠᠯᠠ ᠶᠢᠨ | ᠡᠮᠦᠨᠡ ᠬᠥᠯ ᠤᠨ ᠮᠥᠷ ᠤᠨ ᠢᠶᠠᠨ ᠡᠮᠦᠨᠡ ᠨᠢ᠂ ᠪᠤᠷᠤᠭᠤᠲᠠᠢ ᠲᠠᠯᠠ ᠶᠢᠨ ᠬᠤᠶᠢᠲᠤ ᠬᠥᠯ ᠨᠢ ᠵᠥᠪᠲᠡᠢ ᠲᠠᠯᠠ ᠶᠢᠨ ᠡᠮᠦᠨᠡ ᠬᠥᠯ ᠤᠨ ᠮᠥᠷ ᠤᠨ ᠢᠶᠠᠨ ᠡᠮᠦᠨᠡ | ᠨᠢ ᠭᠢᠰᠬᠢᠵᠦ ᠭᠠᠭᠴᠠ ᠭᠠᠭᠴᠠ ᠪᠠᠷ ᠠᠷᠤ ᠠᠷᠤ ᠠᠴᠠ ᠪᠠᠨ ᠰᠤᠪᠤᠷᠠᠭᠰᠠᠨ ᠵᠠᠢ ᠰᠠᠴᠠᠭᠤ ᠮᠥᠷ ᠭᠠᠷᠳᠠᠭ ᠪᠣᠯᠬᠤᠷ ᠲᠡᠭᠦᠨ ᠢ ᠰᠢᠯᠪᠢ ᠵᠥᠷᠢᠭᠦᠯᠬᠦ᠂ ᠭᠠᠭᠴᠠ | ᠭᠠᠭᠴᠠ ᠲᠤᠰᠬᠠᠬᠤ᠂ ᠰᠤᠪᠤᠷᠠᠭᠠᠬᠤ ᠭᠡᠵᠦ ᠨᠠᠷᠠᠯᠠᠵᠠᠢ᠃ ᠡᠨᠡ ᠶᠠᠪᠤᠳᠠᠯ ᠢ ᠮᠠᠯᠴᠢᠳ ︽ᠰᠤᠪᠤᠷᠠᠭᠠᠵᠤ ᠶᠠᠪᠤᠬᠤ ᠳᠤ ᠠᠳᠠ ᠰᠠᠶᠢᠬᠠᠨ᠂ ᠰᠤᠨᠳᠠᠯᠠᠵᠤ ᠶᠠᠪᠤᠬᠤ ᠳᠤ | ᠠᠮᠠᠷᠠᠭ ᠰᠠᠶᠢᠬᠠᠨ︾ ᠭᠡᠵᠦ ᠵᠦᠢᠷᠯᠡᠳᠡᠭ᠃ | ᠴᠣᠪᠬᠤᠷᠠᠬᠤ ︵ᠳᠡᠪᠬᠡᠴᠡᠬᠦ︶᠄ ᠡᠮᠦᠨᠡ ᠬᠤᠶᠠᠷ ᠬᠥᠯ ᠪᠠ ᠬᠤᠶᠢᠲᠤ ᠬᠤᠶᠠᠷ ᠬᠥᠯ ᠢᠶᠠᠨ ᠵᠡᠷᠭᠡᠪᠡᠷ ᠳᠡᠪᠬᠡᠷᠴᠦ ᠶᠠᠪᠤᠬᠤ ᠶᠠᠪᠤᠳᠠᠯ᠃ ᠡᠨᠡ ᠨᠢ ᠭᠤᠣᠯᠳᠠᠭᠤ | ᠲᠤᠰᠢᠶᠠ ᠲᠠᠢ ᠪᠤᠶᠤ ᠴᠣᠮᠤᠭᠠ ᠲᠠᠢ ᠦᠶᠡ ᠳᠤ ᠶᠠᠪᠤᠬᠤ ᠤᠠᠴᠠᠭᠠᠢ ᠶᠠᠪᠤᠳᠠᠯ ᠪᠣᠯᠣᠨᠠ᠃ | ᠴᠦᠮᠴᠢᠬᠦ᠄ ᠡᠮᠦᠨᠡ ᠬᠤᠶᠠᠷ ᠬᠥᠯ ᠢᠶᠠᠨ ᠲᠤᠩ ᠣᠶᠢᠷᠠᠬᠠᠨ ᠭᠢᠰᠬᠢᠵᠦ ᠶᠠᠪᠤᠬᠤ ᠶᠠᠪᠤᠳᠠᠯ᠃ ᠡᠨᠡ ᠨᠢ ᠭᠤᠣᠯᠳᠠᠭᠤ ᠲᠤᠰᠢᠶᠠ ᠲᠠᠢ ᠪᠤᠶᠤ ᠵᠢᠯᠪᠢᠩᠲᠦᠭᠰᠡᠨ | ᠲᠡᠮᠡᠭᠡᠨ ᠳᠤ ᠪᠠᠶᠢᠳᠠᠭ ᠶᠠᠪᠤᠳᠠᠯ ᠪᠣᠯᠣᠨᠠ᠃ | ᠲᠠᠪᠠᠴᠠᠬᠤ᠄ ᠡᠮᠦᠨᠡ ᠬᠤᠶᠠᠷ ᠬᠥᠯ ᠪᠠ ᠬᠤᠶᠢᠲᠤ ᠬᠤᠶᠠᠷ ᠬᠥᠯ ᠨᠢ ᠵᠡᠷᠭᠡ ᠪᠠᠷ ᠳᠡᠪᠬᠡᠴᠡᠨ ᠴᠣᠪᠬᠤᠴᠢᠵᠤ ᠦᠰᠦᠷᠬᠢᠯᠡᠬᠦ ᠨᠢᠭᠡ ᠵᠦᠢᠯ ᠤᠨ ᠶᠠᠪᠤᠳᠠᠯ᠃ | ᠡᠨᠡ ᠨᠢ ᠬᠡᠳᠦᠶᠢᠪᠡᠷ ᠴᠣᠪᠬᠤᠷᠠᠬᠤ ᠲᠠᠢ ᠠᠳᠠᠯᠢᠪᠲᠤᠷ ᠪᠤᠯᠪᠠᠴᠤ ᠲᠤᠰᠢᠶᠠ ᠴᠣᠮᠤᠭᠠ ᠦᠭᠡᠢ ᠰᠤᠯᠠ ᠳᠤᠷᠠ ᠪᠠᠷ ᠪᠠᠶᠢᠬᠤ ᠨᠥᠬᠦᠴᠡᠯ ᠳᠣᠣᠷᠠᠬᠢ ᠶᠠᠪᠤᠳᠠᠯ ᠪᠣᠯᠣᠨᠠ᠃ | ᠡᠨᠡ ᠨᠢ ᠤᠨᠤᠯᠭᠠ ᠠᠴᠢᠯᠭᠠ ᠳᠤ ᠪᠠᠶᠢᠳᠠᠭ ᠶᠡᠷᠦ ᠶᠢᠨ ᠶᠠᠪᠤᠳᠠᠯ ᠪᠢᠰᠢ᠂ ᠬᠠᠷᠢᠨ ᠦᠷᠭᠦᠵᠦ ᠰᠣᠴᠢᠨ ᠲᠡᠪᠡᠳᠡᠵᠦ ᠰᠠᠨᠳᠤᠷᠤᠭᠰᠠᠨ᠂ ᠬᠡᠨᠲᠡᠭ ᠡᠭᠳᠡᠭᠦᠦ ᠨᠢ | ᠬᠦᠷᠥᠭᠰᠠᠨ ᠪᠤᠶᠤ ᠬᠠᠷᠠ ᠬᠤᠷᠳᠤ ᠪᠠᠷ ᠢᠶᠠᠨ ᠭᠦᠶᠦᠵᠦ ᠪᠠᠶᠢᠭᠰᠠᠨ ᠲᠡᠮᠡᠭᠡ ᠭᠦᠶᠦᠳᠡᠯ ᠭᠢᠰᠬᠢᠳᠡᠯ ᠢᠶᠠᠨ ᠠᠯᠳᠠᠭᠰᠠᠨ ︵ᠬᠥᠯ ᠠᠯᠳᠠᠭᠰᠠᠨ︶ ᠦᠶᠡ ᠳᠤ ᠭᠠᠷᠳᠠᠭ | ᠨᠢᠭᠡᠨ ᠵᠦᠢᠯ ᠤᠨ ᠲᠤᠭᠰᠢᠨ ᠰᠢᠷᠦᠭᠦᠨ ᠬᠥᠳᠡᠯᠦᠯ ᠪᠣᠯᠣᠨᠠ᠃ | ᠲᠠᠩᠭᠠᠴᠢᠬᠤ ︵ᠲᠣᠩᠭᠤᠴᠢᠬᠤ︶᠄ ᠲᠠᠪᠠᠴᠠᠬᠤ ᠲᠠᠢ ᠠᠳᠠᠯᠢᠪᠲᠤᠷ ᠪᠤᠯᠪᠠᠴᠤ ᠲᠣᠯᠣᠭᠠᠢ ᠬᠦᠵᠦᠭᠦᠦ ᠪᠠᠨ ᠳᠣᠷᠣᠭᠰᠢ ᠪᠤᠯᠭᠠᠵᠤ᠂ ᠲᠣᠭᠲᠠᠮᠠᠯ ᠴᠢᠭᠯᠡᠯ ᠪᠠ | ᠭᠢᠰᠬᠢᠳᠡᠯ ᠦᠭᠡᠢ ᠪᠠᠷ ᠡᠷᠦᠢ ᠬᠤᠷᠤᠢ ᠦᠭᠡᠢ ᠲᠠᠪᠠᠴᠠᠨ ᠦᠰᠦᠷᠬᠢᠯᠡᠬᠦ ᠶᠢ ᠬᠡᠯᠡᠳᠡᠭ᠃ | ᠪᠤᠬᠠᠬᠤ᠄ ᠲᠣᠩᠭᠤᠴᠢᠬᠤ ᠲᠠᠢ ᠠᠳᠠᠯᠢ ᠪᠤᠯᠪᠠᠴᠤ ᠬᠠᠮᠠᠷ ᠪᠤᠷᠠᠨᠲᠠᠭ ᠢᠶᠠᠨ ᠪᠤᠯᠢᠶᠠᠨ᠂ ᠲᠣᠯᠣᠭᠠᠢ ᠪᠠᠨ ᠣᠮᠣᠷᠤᠤ ᠳᠣᠣᠷᠠ ᠪᠠᠨ ᠠᠪᠴᠤ ᠲᠠᠪᠠᠴᠠᠨ | ᠦᠰᠦᠷᠬᠢᠯᠡᠬᠦ ᠶᠢ ᠵᠢᠭᠠᠳᠠᠭ᠃ ᠡᠨᠡ ᠨᠢ ᠮᠥᠨ ᠬᠥᠮᠥᠨ ᠣᠨᠣᠭᠰᠠᠨ ᠦᠶᠡ ᠳᠤ ᠵᠣᠷᠢᠭᠤᠳᠠ ᠲᠤᠶᠢᠯᠠᠬᠤ ᠶᠢᠨ ᠨᠢᠭᠡ ᠭᠡᠯᠪᠠᠷᠢ ᠪᠣᠯᠣᠨᠠ᠃ | ᠲᠣᠭᠯᠠᠬᠤ᠄ ᠭᠢᠰᠬᠢᠳᠡᠯ ᠨᠢ ᠲᠠᠪᠠᠴᠠᠬᠤ ᠲᠠᠢ ᠠᠳᠠᠯᠢᠬᠠᠨ ᠪᠠᠶᠢᠳᠠᠭ᠃ ᠭᠤᠣᠯᠳᠠᠭᠤ ᠪᠠᠭᠠ ᠨᠠᠰᠤᠨ ᠤ ᠪᠤᠶᠤ ᠲᠠᠷᠭᠤ ᠬᠦᠴᠦ ᠲᠠᠢ᠂ ᠡᠮᠨᠢᠭ ᠬᠠᠩᠭᠠᠯ | ᠲᠡᠮᠡᠭᠡᠨ ᠤ ᠨᠠᠭᠠᠳᠴᠤ ᠪᠤᠶᠢᠷᠭᠠᠬᠤ ᠦᠶᠡ ᠶᠢᠨ ᠶᠠᠪᠤᠳᠠᠯ ᠪᠣᠯᠣᠨᠠ᠃ | ᠪᠣᠯᠭᠢᠬᠤ ︵ᠬᠠᠯᠢᠰᠬᠤ︶᠄ ᠶᠠᠪᠤᠳᠠᠯ ᠳᠤᠮᠳᠠ ᠠᠴᠠ ᠪᠠᠨ ᠭᠡᠨᠡᠳᠲᠡ ᠭᠡᠳᠠᠷᠬᠦ ᠡᠷᠭᠢᠵᠦ ᠦᠰᠦᠷᠬᠦ ᠪᠤᠶᠤ ᠲᠠᠪᠠᠴᠠᠬᠤ᠃ ᠲᠤᠰ ᠶᠠᠪᠤᠳᠠᠯ ᠨᠢ ᠡᠮᠦᠨᠡ ᠪᠤᠶᠤ | ᠬᠠᠵᠠᠭᠤ ᠲᠠᠯᠠ ᠠᠴᠠ ᠪᠠᠨ ᠦᠷᠭᠦᠵᠦ ᠰᠣᠴᠢᠨ ᠲᠡᠪᠡᠳᠡᠵᠦ ᠰᠠᠨᠳᠤᠷᠤᠭᠰᠠᠨ ᠦᠶᠡ ᠳᠤ ᠭᠠᠷᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠲᠡᠮᠡᠭᠡᠨ ᠳᠤ ᠪᠠᠰᠠ ᠵᠥᠭᠡᠯᠡᠨ ᠶᠠᠪᠤᠳᠠᠯ᠂ | ᠵᠥᠭᠡᠯᠡᠨ ᠶᠠᠪᠤᠳᠠᠯ ᠤᠨ ᠡᠰᠡᠷᠭᠦ ᠬᠠᠲᠠᠭᠤ ᠶᠠᠪᠤᠳᠠᠯ᠂ ᠬᠠᠲᠠᠭᠤ ᠶᠠᠪᠤᠳᠠᠯ ᠠᠴᠠ ᠪᠠᠨ ᠬᠠᠲᠠᠭᠤ ᠶᠠᠬᠢᠷ ᠶᠠᠪᠤᠳᠠᠯ᠂ ᠴᠡᠴᠡᠷᠡᠭᠡ ᠮᠠᠶ᠋ᠢᠭ ᠲᠠᠢ ᠮᠢᠵᠢᠷᠡᠭᠡ ᠶᠠᠪᠤᠳᠠᠯ ᠭᠡᠬᠦ | ᠮᠡᠲᠦ ᠶᠢᠨ ᠥᠪᠡᠷᠮᠢᠴᠡ ᠶᠠᠪᠤᠳᠠᠯ ᠭᠢᠰᠬᠢᠳᠡᠯ ᠲᠠᠢ᠃ |