| ᠡᠬᠡ ᠣᠷᠣᠨ ᠢᠶᠠᠨ ᠪᠢ ᠲᠠᠯᠠ ᠭᠡᠪᠡᠯ᠂ ᠡᠯᠢᠭᠡᠨ ᠳᠤᠨᠢ ᠡᠷᠬᠡᠯᠡᠳᠡᠭ ᠡᠪᠡᠰᠦ ᠪᠢ ᠪᠠᠶᠢᠭᠰᠠᠨ᠃ ᠰᠢᠭᠦᠳᠡᠷᠢ ᠶᠢᠨ ᠪᠤᠯᠣᠷᠬᠠᠨ ᠮᠥᠬᠦᠯᠢᠭ ᠤᠳ ᠠᠯᠠᠭᠠᠨ ᠳᠡᠭᠡᠷᠡ | ᠮᠢᠨᠢ ᠪᠦᠩᠵᠢᠭᠢᠨᠡᠭᠦ ᠳᠤ᠂ ᠲᠤᠩᠭᠠᠯᠠᠭ ᠲᠤᠨᠢ ᠵᠢᠰᠦ ᠪᠠ ᠲᠡᠭᠷᠢ ᠪᠠᠨ ᠲᠣᠯᠢᠳᠠᠨ ᠠᠯᠢᠶᠠᠯᠠᠵᠤ᠂ ᠲᠥᠰᠥᠭᠡᠯᠡᠬᠦᠢ ᠳᠡᠭᠡᠨ ᠭᠠᠯᠪᠢᠩᠭᠠ ᠳᠡᠪᠢᠭᠦᠯᠵᠦ᠂ ᠲᠣᠭᠤᠷᠤᠤ | ᠴᠠᠮᠨᠠᠭᠤᠯᠤᠨ ᠪᠠᠶᠠᠰᠳᠠᠭ᠃ ᠠᠵᠠ ᠵᠢᠷᠭᠠᠯ ᠤᠨ ᠨᠠᠷᠠᠨ ᠤ ᠪᠦᠯᠢᠶᠡᠨ ᠣᠷᠣᠭᠤᠯ ᠪᠤᠯᠪᠠᠷᠠᠢ ᠵᠥᠭᠡᠯᠡᠨ ᠵᠤᠯᠠᠢ ᠶᠢ ᠮᠢᠨᠢ ᠡᠩᠬᠦᠷᠡᠶᠢᠯᠡᠨ ᠦᠨᠦᠰᠬᠦ ᠳᠤ᠂ ᠬᠥᠷᠥᠰᠥᠨ ᠤ | ᠭᠡᠯᠡ ᠪᠠᠷ ᠬᠦᠰᠡᠯ ᠢᠶᠠᠨ ᠰᠢᠪᠡᠨᠡᠵᠦ᠂ ᠴᠢᠮᠬᠢ ᠴᠢᠮᠬᠢ ᠪᠠᠷ ᠰᠤᠭᠤᠷᠠᠳᠠᠭ᠃ ᠡᠷᠬᠢᠮᠰᠦᠭ ᠬᠡᠭᠡᠯᠭᠡᠨ ᠰᠠᠷᠠᠨ ᠤ ᠴᠢᠨᠳᠠᠭᠠᠨ ᠬᠤᠷᠤᠭᠤ ᠡᠮᠵᠡᠭ ᠲᠣᠷᠭᠠᠨ ᠮᠡᠯᠮᠡᠢ ᠶᠢ ᠮᠢᠨᠢ | ᠥᠬᠦᠭᠡᠷᠳᠡᠨ ᠢᠯᠪᠢᠬᠦ ᠳᠤ᠂ ᠠᠷᠤᠤᠬᠠᠨ ᠴᠡᠪᠡᠷ ᠬᠠᠶᠢᠷᠠ ᠳᠤᠨᠢ ᠰᠣᠭᠲᠣᠭᠤᠷᠠᠨ᠂ ᠡᠷᠬᠡᠰ ᠭᠠᠷᠠᠭ ᠤᠨ ᠦᠵᠡᠰᠭᠦᠯᠡᠩ ᠭᠠᠶᠢᠬᠠᠮᠰᠢᠭ ᠢ ᠮᠡᠳᠡᠷᠡᠳᠡᠭ᠃ ᠳᠡᠭᠵᠢᠨ | ᠤᠯᠢᠶᠠᠷᠬᠠᠭ ᠣᠳᠣᠳ ᠤᠨ ᠰᠦᠮᠡᠨ ᠴᠡᠩᠬᠡᠷ ᠭᠡᠭᠡ ᠬᠡᠦᠬᠡᠨ ᠬᠠᠷᠠᠭᠠ ᠶᠢ ᠮᠢᠨᠢ ᠡᠨᠡᠷᠢᠨ ᠰᠦᠯᠡᠬᠦ ᠳᠤ᠂ ᠦᠯᠦ ᠦᠵᠡᠭᠳᠡᠬᠦ ᠶᠢᠨ ᠣᠷᠣᠨ ᠵᠠᠢ ᠳᠤ ᠥᠷᠪᠥᠭᠡᠷ | ᠵᠢᠭᠠᠯᠬᠠᠨ ᠪᠣᠯᠵᠣᠮᠣᠷ ᠲᠠᠢ ᠵᠡᠭᠡᠷᠡ ᠶᠢᠨ ᠱᠠᠭᠠ ᠲᠠᠰᠢᠨ ᠵᠤᠭᠠᠯᠠᠳᠠᠭ᠃ ᠣᠩᠭᠤᠨ ᠲᠠᠷᠬᠠᠨ ᠪᠠᠶᠢᠭᠠᠯᠢ ᠪᠠᠨ ᠴᠢᠮᠡᠨ ᠳᠡᠪᠳᠡᠷᠢᠳᠡᠭ ᠰᠣᠯᠣᠩᠭᠠᠨ ᠵᠢᠭᠦᠷ ᠲᠠᠢ ᠡᠷᠪᠡᠬᠡᠢ | ᠨᠢ ᠲᠣᠷᠢᠬᠠᠨ ᠮᠥᠷᠥ ᠶᠢ ᠮᠢᠨᠢ ᠱᠦᠷᠭᠦᠭᠡᠨ ᠪᠥᠵᠢᠬᠦ ᠳᠤ᠂ ᠡᠷᠬᠡ ᠲᠠᠩᠬᠢᠯ ᠨᠠᠭᠢᠯᠦᠭᠠᠨ ᠳᠤᠨᠢ ᠨᠣᠮᠢᠨ ᠨᠣᠭᠤᠭᠠᠨ ᠵᠡᠭᠦᠳᠦ ᠪᠠᠨ ᠵᠢᠷᠤᠭᠠᠳ᠂ ᠢᠨᠵᠠᠭᠠᠨ ᠴᠠᠭᠠᠨ | ᠰᠠᠯᠬᠢᠨ ᠤ ᠬᠡ ᠪᠠᠷ ᠤᠷᠤᠰᠬᠠᠨ᠂ ᠵᠢᠩᠳᠡᠭᠦᠦ ᠭᠤᠨᠳᠠᠭᠤ ᠡᠳᠦᠷ ᠬᠤᠨᠤᠭ ᠢ ᠵᠥᠭᠡᠯᠡᠯᠡᠳᠡᠭ᠃ ᠢᠷᠡᠵᠦ ᠶᠠᠪᠤᠭᠠ ᠬᠡᠨ ᠨᠢᠭᠡᠨ ᠤ ᠠᠰᠬᠠᠭᠰᠠᠨ ᠭᠤᠨᠢᠭ ᠲᠤ ᠡᠯᠢᠭᠡ ᠪᠠᠨ | ᠡᠮᠳᠡᠯᠡᠭᠦᠯᠦᠭᠰᠡᠨ ᠴᠦ᠂ ᠭᠠᠵᠠᠷ ᠤᠨ ᠲᠠᠮᠢᠷ ᠢᠶᠠᠷ ᠰᠢᠨᠳᠠᠰᠤᠯᠠᠨ᠂ ᠡᠷᠭᠢᠭᠡᠳ ᠲᠥᠯᠵᠢᠬᠦ ᠶᠢᠨ ᠤᠬᠠᠭᠠᠨ ᠢᠶᠠᠷ ᠮᠠᠷᠭᠠᠰᠢ ᠪᠠᠨ ᠤᠭᠲᠤᠨ ᠰᠡᠷᠪᠡᠯᠵᠡᠳᠡᠭ᠃ | ᠡᠬᠡ ᠣᠷᠣᠨ ᠢᠶᠠᠨ ᠪᠢ ᠠᠭᠤᠯᠠ ᠭᠡᠪᠡᠯ᠂ ᠵᠢᠷᠦᠬᠡᠨ ᠲᠤᠰᠢᠶᠠ ᠨᠢ ᠵᠡᠭᠦᠷᠮᠡᠭᠯᠡᠳᠡᠭ ᠴᠢᠯᠠᠭᠤ ᠨᠢ ᠪᠢ ᠪᠠᠶᠢᠭᠰᠠᠨ᠃ ᠤᠷᠢᠨ ᠢ ᠵᠠᠭᠤᠭᠠᠳ ᠢᠷᠡᠳᠡᠭ ᠰᠢᠪᠠᠭᠤᠳ | ᠨᠢ ᠡᠩᠭᠡᠷ ᠢ ᠮᠢᠨᠢ ᠨᠠᠯᠠᠭᠠᠳ ᠵᠢᠷᠭᠢᠬᠦ ᠳᠤ᠂ ᠢᠷᠠᠭᠤ ᠴᠡᠭᠡᠯᠬᠡᠨ ᠡᠭᠡᠰᠢᠭ ᠠᠶᠠᠯᠭᠤᠨ ᠢᠶᠠᠷ ᠨᠢ ᠬᠠᠭᠳᠠᠷᠠᠭᠠᠳ ᠤᠳᠠᠭᠰᠠᠨ ᠰᠡᠳᠬᠢᠯ ᠤᠨ ᠮᠢᠨᠢ ᠲᠦᠮᠡ ᠲᠦᠮᠡᠨ | ᠴᠡᠴᠡᠭ ᠠᠮᠢᠯᠠᠵᠤ᠂ ᠲᠣᠮᠤᠭ ᠤᠨ ᠨᠢᠭᠤᠴᠠᠯᠢᠭ ᠥᠩᠭᠡ ᠪᠠᠷ ᠮᠢᠩᠭᠠ ᠮᠢᠩᠭᠠᠨ ᠲᠡᠯᠪᠢ ᠪᠠᠨ ᠵᠠᠳᠠᠯᠳᠠᠭ᠃ ᠮᠥᠴᠢᠷ ᠠᠴᠠ ᠪᠠᠨ ᠡᠷᠲᠡ ᠲᠠᠰᠣᠷᠠᠬᠰᠠᠨ ᠥᠨᠥᠴᠢᠨ | ᠨᠢᠭᠡᠨ ᠨᠠᠪᠴᠢ ᠥᠯᠮᠡᠢ ᠳᠤ ᠮᠢᠨᠢ ᠬᠡᠪᠲᠡᠭᠡᠳ ᠣᠭᠢᠯᠠᠬᠤ ᠳᠤ᠂ ᠪᠥᠭᠡᠴᠡᠶᠢᠯᠡᠨ ᠬᠤᠮᠢᠵᠤ ᠲᠡᠪᠡᠷᠢᠨ᠂ ᠠᠯᠢᠪᠠ ᠮᠥᠬᠦᠯ ᠨᠢ ᠪᠦᠷ ᠠᠮᠢᠯᠠᠯ ᠤᠨ ᠨᠦᠭᠦᠭᠡ ᠨᠢᠭᠡ ᠭᠡᠯᠪᠡᠷᠢ | ᠭᠡᠳᠡᠭ ᠢ ᠣᠶᠢᠯᠠᠭᠠᠭᠤᠯᠤᠨ᠂ ᠦᠨᠳᠦᠰᠦ ᠤᠷᠤᠭᠤ ᠨᠢ ᠢᠯᠡᠭᠡᠳᠡᠭ᠃ ᠨᠡᠶᠢᠯᠡᠮᠡᠯ ᠲᠣᠮᠣ ᠨᠢᠳᠦᠨ ᠳᠡᠭᠡᠨ ᠳᠡᠯᠡᠬᠡᠢ ᠪᠠᠨ ᠪᠠᠭᠲᠠᠭᠠᠵᠤ ᠨᠢᠰᠦᠭᠰᠡᠨ ᠨᠦᠮᠵᠦᠭ ᠵᠢᠭᠠᠬᠠᠨ | ᠥᠷᠥᠮᠡᠨ ᠬᠤᠯᠠᠭᠠᠶᠢᠴᠢ ᠮᠥᠷᠥᠨ ᠳᠡᠭᠡᠷᠡ ᠮᠢᠨᠢ ᠰᠠᠭᠤᠭᠠᠳ ᠠᠮᠤᠰᠬᠢᠬᠤ ᠳᠤ᠂ ᠨᠢᠮᠭᠡᠨ ᠭᠡᠪᠡᠷᠡᠭᠭᠡᠨ ᠲᠠᠯᠠᠪᠴᠢ ᠶᠢᠨ ᠬᠢᠨᠢ ᠪᠣᠷᠣᠬᠠᠨ ᠲᠣᠭᠤᠰᠣ ᠶᠢ ᠬᠥᠩᠭᠡᠬᠡᠨ | ᠦᠯᠢᠶᠡᠨ ᠰᠠᠷᠨᠢᠭᠤᠯᠵᠤ᠂ ᠳᠡᠪᠳᠡᠷᠢᠨ ᠬᠠᠯᠢᠬᠤ ᠲᠣᠭᠠᠯᠠᠩ ᠢᠶᠠᠷ ᠨᠢ ᠦᠨᠡᠨ ᠭᠤᠣᠯ ᠠᠴᠠ ᠪᠠᠨ ᠥᠷᠥ ᠡᠪᠡᠳᠦᠨ ᠬᠥᠭᠡᠷᠦᠬᠦᠶᠢᠯᠡᠵᠦ᠂ ᠨᠤᠷᠠᠵᠤ ᠳᠣᠲᠣᠭᠰᠢ ᠪᠠᠨ | ᠲᠡᠰᠬᠡᠯ ᠦᠭᠡᠢ ᠱᠠᠷᠬᠢᠷᠠᠳᠠᠭ᠃ ᠰᠡᠭᠦᠳᠡᠷ ᠲᠠᠯᠠ ᠶᠢ ᠮᠢᠨᠢ ᠲᠠᠭᠠᠵᠦ ᠤᠷᠭᠤᠭᠰᠠᠨ ᠠᠭᠢ ᠶᠢᠨ ᠠᠭᠠᠭ ᠬᠠᠩᠬᠤ ᠲᠠᠳᠠᠨ ᠠᠩᠬᠢᠯᠬᠤ ᠳᠤ᠂ ᠡᠭᠡᠯ ᠠᠮᠢᠳᠤᠷᠠᠯ ᠢᠶᠠᠨ | ᠳᠠᠮᠨᠠᠭᠠᠳ ᠵᠥᠷᠢᠯᠳᠦᠳᠡᠭ ᠰᠢᠷᠭᠤᠯᠵᠢ ᠨᠢ ᠲᠡᠮᠲᠡᠷᠢᠭᠦᠯ ᠢᠶᠠᠨ ᠮᠥᠷᠭᠦᠯᠳᠦᠭᠦᠯᠦᠨ ᠮᠡᠨᠳᠦ ᠤᠰᠤ ᠪᠠᠨ ᠮᠡᠳᠡᠯᠴᠡᠵᠦ᠂ ᠬᠠᠲᠠᠭᠤᠬᠠᠨ ᠳᠠᠭᠠᠨ ᠳᠡᠩᠳᠡᠭᠦᠦ ᠬᠠᠲᠠᠭᠤᠬᠠᠨ | ᠬᠤᠷᠸᠠ ᠳᠤ ᠡᠩᠬᠡ ᠡᠰᠡᠨ ᠣᠷᠣᠰᠢᠵᠤ ᠲᠣᠭᠲᠠᠨᠢᠬᠤ ᠶᠢᠨ ᠠᠷᠭᠠ ᠲᠡᠮ ᠢᠶᠠᠨ ᠰᠣᠯᠢᠯᠴᠠᠳᠠᠭ᠃ ᠠᠳᠤᠭᠤᠨ ᠤ ᠦᠨᠦᠷ ᠲᠠᠢ ᠵᠡᠷᠭᠡᠯᠭᠡ ᠨᠢ ᠬᠤᠷᠮᠣᠢ ᠶᠢ ᠦᠨᠦᠰᠦᠨ | ᠵᠢᠷᠪᠢᠭᠢᠨᠡᠬᠦ ᠳᠤ᠂ ᠭᠠᠩᠭᠠᠷ ᠱᠠᠭᠠᠵᠠᠩ ᠰᠢᠭ᠋ ᠭᠥᠯᠢᠭᠡᠷ ᠮᠡᠳᠡᠷᠡᠮᠵᠢ ᠰᠤᠳᠠᠰᠤ ᠪᠠᠷ ᠮᠢᠨᠢ ᠵᠢᠷᠢᠯᠵᠡᠵᠦ᠂ ᠣᠢ ᠰᠠᠨᠠᠮᠵᠢᠨ ᠤ ᠡᠴᠢᠨᠡ ᠲᠠᠯᠳᠠ ᠠᠴᠠ ᠪᠢᠯᠢᠭ ᠤᠨ ᠡᠭᠦᠯᠡᠰ | ᠨᠠᠭᠠᠰᠢᠯᠠᠵᠤ᠂ ᠰᠢᠯᠦᠭ ᠤᠨ ᠪᠣᠷᠤᠭᠠ ᠱᠠᠭᠢᠳᠠᠭ᠃ ᠣᠢ ᠶᠢᠨ ᠮᠥᠴᠢᠷ ᠲᠠᠮᠵᠢᠨ ᠳᠡᠭᠦᠯᠢᠳᠡᠭ ᠬᠡᠷᠡᠮᠦ ᠨᠢ ᠠᠮᠢᠰᠬᠤᠭᠠ ᠶᠢ ᠮᠢᠨᠢ ᠴᠢᠩᠨᠠᠭᠠᠳ ᠳᠤᠭᠵᠢᠷᠠᠬᠤ ᠳᠤ᠂ | ᠪᠡᠶᠡᠨ ᠤ ᠬᠢᠨᠢ ᠢᠯᠴᠢ ᠪᠠᠷ ᠪᠠᠶᠢᠭᠠᠯᠢᠯᠢᠭ ᠠᠷᠢᠭᠤᠨ ᠴᠢᠨᠠᠷ ᠳᠣᠲᠣᠭᠰᠢᠯᠠᠵᠤ᠂ ᠬᠥᠨᠳᠡᠢ ᠴᠡᠭᠡᠵᠢᠨ ᠳᠤ ᠮᠢᠨᠢ ᠨᠢᠭᠤᠭᠳᠠᠭᠰᠠᠨ ᠡᠷᠲᠡᠨ ᠤ ᠨᠢᠭᠡᠨ ᠰᠤᠳᠤᠷ ᠤᠨ | ᠲᠠᠰᠤᠷᠬᠠᠢ ᠰᠢᠵᠢᠷᠳᠡᠨ ᠲᠤᠶᠠᠭᠠᠷᠠᠵᠤ᠂ ᠡᠰ ᠮᠡᠳᠡᠷᠡᠯ ᠪᠦᠭᠦᠨ ᠮᠠᠨᠢ ᠨᠣᠮ ᠤᠨ ᠰᠢᠮᠡ ᠪᠠᠷ ᠠᠷᠢᠭᠤᠰᠳᠠᠭ᠃ | ᠡᠬᠡ ᠣᠷᠣᠨ ᠢᠶᠠᠨ ᠪᠢ ᠲᠠᠯᠠᠢ ᠭᠡᠪᠡᠯ᠂ ᠡᠩ ᠦᠭᠡᠢ ᠠᠭᠤᠳᠠᠮ ᠳᠤᠨᠢ ᠪᠦᠪᠡᠶᠢᠯᠡᠭᠳᠡᠳᠡᠭ ᠲᠣᠰᠣᠯ ᠤᠰᠤ ᠨᠢ ᠪᠢ ᠪᠠᠶᠢᠭᠰᠠᠨ᠃ ᠬᠥᠭᠡᠷᠦᠬᠦᠨ ᠬᠥᠭᠡᠷᠦᠬᠦᠨ | ᠵᠢᠭᠠᠰᠤ ᠨᠤᠭᠤᠳ ᠬᠠᠵᠠᠭᠤᠬᠠᠨ ᠢᠶᠠᠷ ᠰᠦᠷᠭᠢᠭᠡᠳ ᠥᠩᠭᠡᠷᠡᠬᠦ ᠳᠤ᠂ ᠠᠮᠤᠷ ᠠᠮᠤᠭᠤᠯᠠᠩ ᠢ ᠨᠢ ᠵᠥᠩᠨᠡᠭᠡᠳ᠂ ᠠᠰᠢᠳᠠ ᠶᠢᠨ ᠰᠠᠶᠢᠬᠠᠨ ᠢᠷᠦᠭᠡᠯ ᠳᠡᠭᠡᠨ ᠥᠭᠭᠢᠶᠡᠮᠦᠷ | ᠬᠤᠷᠠ ᠵᠡᠭᠦᠳᠦᠯᠡᠳᠡᠭ᠃ ᠰᠡᠷᠭᠦᠯᠡᠩ ᠠᠪᠬᠠᠯᠵᠢᠲᠤ ᠵᠠᠮᠠᠭ ᠨᠢ ᠣᠭ᠍ᠶᠤ ᠨᠣᠭᠤᠭᠠᠨ ᠮᠣᠳᠣᠷ ᠢᠶᠠᠨ ᠰᠠᠵᠢᠯᠠᠭᠤᠯᠤᠨ ᠪᠥᠵᠢᠬᠦ ᠳᠤ᠂ ᠨᠥᠮᠥᠷᠢ ᠳᠤᠨᠢ ᠬᠤᠷᠭᠤᠳᠠᠨ ᠬᠢᠵᠠᠭᠠᠷ | ᠦᠭᠡᠢ ᠪᠠᠶᠠᠷ ᠢ ᠨᠢ ᠬᠤᠪᠢᠶᠠᠯᠴᠠᠨ ᠪᠠᠶᠠᠰᠴᠤ᠂ ᠣᠯᠳᠠᠭᠰᠠᠨ ᠵᠠᠶᠠᠭᠠᠨ ᠤ ᠪᠠᠨ ᠬᠡᠰᠢᠭ ᠲᠤ ᠵᠠᠯᠪᠠᠷᠢᠨ᠂ ᠦᠯᠡᠮᠵᠢ ᠶᠢᠨ ᠲᠠᠶᠢᠪᠤᠩ ᠢ ᠬᠦᠰᠡᠳᠡᠭ᠃ ᠲᠡᠷᠭᠡᠯ ᠤᠯᠠᠭᠠᠨ | ᠰᠠᠷᠠ ᠤᠷᠤᠰᠬᠠᠯ ᠤᠨ ᠬᠢᠨᠢ ᠭᠦᠨ ᠳᠤ ᠬᠥᠯᠯᠡᠬᠦ ᠳᠤ᠂ ᠽᠠᠨᠳᠠᠨ ᠮᠣᠳᠣᠨ ᠳᠣᠣᠷᠠ ᠬᠡᠪᠲᠡᠳᠡᠭ ᠭᠠᠨᠳᠢᠭ ᠴᠠᠭᠠᠨ ᠲᠠᠤᠯᠠᠢ ᠶᠢᠨ ᠬᠢᠨᠢ ᠴᠢᠬᠢ ᠨᠢ ᠪᠣᠯᠵᠤ ᠰᠡᠷᠳᠡᠯᠵᠡᠨ᠂ | ᠭᠠᠳᠠᠭᠠᠳᠤ ᠣᠷᠴᠢᠨ ᠤ ᠰᠣᠨᠢᠨ ᠰᠣᠳᠣᠨ ᠰᠣᠨᠣᠰᠬᠠᠯ ᠢᠶᠠᠷ ᠰᠣᠨᠣᠷ ᠢᠶᠠᠨ ᠮᠢᠯᠢᠶᠠᠳᠠᠭ᠃ ᠬᠥᠮᠥᠨ ᠤ ᠴᠣᠪᠣᠭᠤ ᠴᠣᠯᠭᠢᠨ ᠦᠷᠡᠰ ᠠᠪᠤᠷᠠᠬᠤ ᠭᠦᠪᠦᠪᠦᠷ ᠢᠶᠠᠷ ᠳᠡᠭᠳᠡᠨ᠂ | ᠤᠰᠤ ᠴᠠᠯᠭᠢᠭᠤᠯᠤᠨ ᠤᠮᠪᠠᠨ ᠨᠠᠭᠠᠳᠴᠤ᠂ ᠨᠢᠷᠠᠢ ᠬᠤᠩᠭᠤᠷ ᠲᠠᠭᠤᠨ ᠢᠶᠠᠷ ᠴᠢᠩᠭᠢᠨᠡᠨ ᠵᠢᠩᠭᠢᠨᠡᠨ ᠢᠨᠢᠶᠡᠯᠳᠦᠬᠦ ᠳᠤ᠂ ᠬᠤᠷᠴᠠ ᠠᠯᠠᠭ ᠨᠢᠳᠦᠨ ᠤ ᠬᠢᠨᠢ | ᠰᠣᠷᠮᠤᠤᠰᠤᠨ ᠳᠤ ᠭᠢᠯᠲᠠᠭᠠᠨᠠᠵᠤ᠂ ᠲᠣᠩ ᠰᠢᠭ᠋ ᠭᠡᠨᠡᠨ ᠶᠢᠷᠲᠢᠨᠴᠦ ᠶᠢᠨ ᠬᠢᠨᠢ ᠳᠣᠲᠣᠭᠠᠳᠤ ᠴᠢᠨᠠᠳᠤ ᠤᠷᠤᠭᠤ ᠥᠩᠭᠡᠶᠢᠳᠡᠭ᠃ ᠤᠨᠠᠵᠤ ᠪᠤᠰᠬᠤ ᠶᠢᠨ ᠳᠠᠪᠠᠭᠠᠨ | ᠳᠡᠭᠡᠷᠡ ᠬᠠᠳᠠ ᠰᠠᠭᠤᠵᠤ ᠬᠠᠰᠢᠷᠵᠢᠭᠰᠠᠨ ᠲᠣᠮᠣᠴᠤᠤᠯ ᠲᠠᠩ ᠤᠨ ᠰᠢᠷᠦ᠋ᠢᠨ ᠳᠡᠭᠡᠷᠡ ᠨᠠᠷᠠᠯᠠᠨ ᠡᠭᠡᠭᠡᠬᠦ ᠳᠤ᠂ ᠡᠶᠡᠯᠳᠡᠩᠭᠡᠨ ᠮᠦᠰᠢᠶᠡᠯ ᠤᠨ ᠬᠢᠨᠢ ᠳᠣᠯᠭᠢᠰ ᠪᠣᠯᠵᠤ᠂ | ᠠᠮᠢᠨ ᠠᠴᠠ ᠨᠢ ᠤᠨᠠᠭᠰᠠᠨ ᠠᠮᠢᠨ ᠤ ᠬᠢᠨᠢ ᠴᠢᠰᠤᠨ ᠳᠤ ᠨᠢ ᠨᠡᠪᠴᠢᠵᠦ ᠤᠷᠤᠰᠳᠠᠭ᠃ ᠡᠬᠡ ᠣᠷᠣᠨ ᠢᠶᠠᠨ ᠪᠢ ᠤᠷᠠᠯᠢᠭ ᠭᠡᠪᠡᠯ᠂ ᠣᠩᠭᠤᠳ ᠳᠠᠯᠠᠯᠳᠠᠭ | ᠬᠠᠷᠠᠩᠭᠤᠢ ᠶᠢᠨ ᠭᠡᠭᠡ ᠨᠢ ᠪᠢ ᠪᠠᠶᠢᠭᠰᠠᠨ᠃ ᠨᠠᠮᠤᠷ ᠢᠶᠠᠷ ᠪᠤᠴᠠᠭᠠᠳ᠂ ᠬᠠᠪᠤᠷ ᠢᠶᠠᠷ ᠡᠷᠭᠢᠳᠡᠭ ᠭᠠᠯᠠᠭᠤᠳ ᠤᠨ ᠴᠤᠪᠤᠭᠠᠨ ᠳᠤ ᠰᠢᠨᠠᠯᠤᠭᠰᠠᠨ ᠰᠢᠯᠦᠭᠴᠢ ᠶᠢᠨ | ᠡᠮᠵᠡᠭᠬᠡᠨ ᠰᠡᠷᠡᠯ ᠢ ᠦᠭᠡ ᠶᠢᠨ ᠰᠦ ᠪᠠᠷ ᠤᠮᠳᠠᠯᠠᠵᠤ᠂ ᠭᠠᠭᠴᠠᠭᠠᠷᠳᠠᠯ ᠰᠦᠮᠡᠯᠵᠡᠭᠰᠡᠨ ᠪᠢᠷ ᠤᠨ ᠬᠢᠨᠢ ᠦᠵᠦᠭᠦᠷ ᠲᠤ ᠣᠳᠣᠳ ᠤᠨ ᠭᠡᠭᠡ ᠪᠣᠯᠵᠤ ᠲᠤᠨᠤᠷᠠᠳᠠᠭ᠃ | ᠵᠡᠭᠡᠰᠦᠨ ᠲᠦᠷᠦᠭᠦᠦ ᠰᠢᠷᠭᠠᠯᠲᠤᠨ᠂ ᠨᠠᠭᠤᠷ ᠤᠨ ᠮᠡᠯᠮᠡᠢ ᠥᠨᠥᠴᠢᠷᠡᠬᠦ ᠳᠤ᠂ ᠵᠢᠷᠦᠬᠡ ᠨᠢ ᠭᠦᠨᠳᠡᠭᠦᠷᠢᠯᠡᠭᠰᠡᠨ ᠵᠢᠷᠤᠭᠠᠴᠢ ᠶᠢᠨ ᠪᠤᠳᠤᠭ ᠤᠨ ᠬᠠᠪᠲᠠᠰᠤᠨ ᠳᠤ | ᠵᠦᠷᠵᠢ ᠶᠢᠨ ᠤᠯᠠᠪᠤᠷ ᠥᠩᠭᠡ ᠪᠣᠯᠣᠨ ᠵᠢᠭᠤᠷᠠᠭᠳᠠᠳᠠᠭ᠃ ᠨᠠᠮᠤᠷ ᠭᠦᠨᠰᠢᠵᠦ᠂ ᠪᠤᠭᠤ ᠤᠷᠤᠮᠳᠠᠬᠤ ᠳᠤ ᠨᠤᠲᠤᠭ ᠢᠶᠠᠨ ᠳᠤᠷᠠᠰᠤᠨ ᠭᠡᠶᠦᠷᠡᠭᠰᠡᠨ ᠳᠠᠭᠤᠴᠢᠨ ᠤ | ᠬᠤᠭᠤᠯᠠᠢ ᠶᠢᠨ ᠵᠠᠩᠭᠢᠷᠠᠯ ᠢ ᠠᠮᠠᠷᠠᠭ ᠵᠥᠭᠡᠯᠡᠨ ᠢᠯᠪᠢᠭᠡ ᠪᠠᠷ ᠲᠣᠬᠤᠨᠢᠭᠤᠯᠵᠤ᠂ ᠬᠠᠳᠠ ᠠᠴᠠ ᠬᠠᠳᠠ ᠲᠠᠮᠵᠢᠨ ᠴᠤᠤᠷᠢᠶᠠᠯᠠᠭᠰᠠᠨ ᠤᠶᠠᠩᠭᠠᠨ ᠡᠭᠡᠰᠢᠭ ᠤᠨ ᠬᠢᠨᠢ | ᠲᠣᠷᠭᠠᠨ ᠨᠣᠲ ᠪᠣᠯᠵᠤ ᠳᠠᠭᠤᠷᠢᠰᠳᠠᠭ᠃ ᠪᠣᠲᠣᠭᠤ ᠪᠦᠢᠯᠠᠭᠠᠳ᠂ ᠢᠩᠭᠡ ᠲᠡᠰᠢᠬᠦ ᠳᠤ᠂ ᠤᠶᠠᠷᠠᠯ ᠢᠶᠠᠨ ᠲᠡᠪᠴᠢᠵᠦ ᠶᠠᠳᠠᠨ᠂ ᠮᠣᠷᠢᠨ ᠬᠤᠭᠤᠷ ᠢᠶᠠᠨ ᠰᠢᠭᠦᠷᠦᠭᠰᠡᠨ | ᠬᠥᠭᠵᠢᠮᠴᠢᠨ ᠤ ᠬᠤᠷᠤᠭᠤᠨ ᠦᠵᠦᠭᠦᠷ ᠤᠨ ᠰᠢᠳᠢ ᠪᠣᠯᠵᠤ᠂ ᠬᠤᠷᠸᠠ ᠶᠢ ᠬᠤᠶᠠᠷᠬᠠᠨ ᠤᠲᠠᠰᠤᠨᠠ ᠬᠥᠭᠯᠡᠳᠡᠭ᠃ ᠱᠠᠨᠵᠠᠨ ᠡᠭᠡᠰᠢᠭ ᠤᠶᠠᠩᠭᠠᠷᠠᠵᠤ᠂ ᠲᠣᠯᠣᠭᠠᠨ | ᠤᠲᠠᠰᠤᠲᠤ ᠬᠥᠭᠵᠢᠮ ᠵᠢᠩᠭᠢᠷᠰᠡᠭᠦ ᠳᠤ᠂ ᠤᠷᠮᠠ ᠪᠠᠳᠠᠷᠠᠭᠰᠠᠨ ᠤᠷᠠᠨ ᠪᠢᠴᠢᠯᠭᠡᠲᠡᠨᠤ ᠤᠷᠮᠠᠰ ᠰᠡᠳᠬᠢᠯᠭᠡ ᠶᠢ ᠬᠥᠪᠴᠢᠯᠡᠵᠦ᠂ ᠢᠳᠡᠷᠡᠭᠦᠨ ᠠᠮᠢᠳᠤᠯᠢᠭ ᠪᠦᠲᠦᠭᠡᠯ ᠤᠨ | ᠬᠢᠨᠢ ᠢᠳᠡᠯᠢᠭ ᠴᠢᠯᠦᠭᠡᠲᠡᠢ ᠵᠢᠷᠤᠯᠭᠠ ᠪᠤᠯᠳᠠᠭ᠃ | ᠡᠬᠡ ᠣᠷᠣᠨ ᠢᠶᠠᠨ ᠪᠢ ᠬᠠᠪᠤᠷ ᠭᠡᠪᠡᠯ᠂ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳᠤ ᠳᠡᠯᠭᠡᠳᠡᠭ ᠢᠷᠭᠤᠢ ᠨᠢ ᠪᠢ ᠪᠠᠶᠢᠭᠰᠠᠨ᠃ ᠬᠦᠢᠲᠡᠨ ᠤ ᠡᠷᠴᠢ ᠬᠠᠷᠢᠭᠤᠯᠤᠨ᠂ | ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠨ ᠤ ᠠᠮᠤᠷ ᠢ ᠠᠰᠠᠭᠤᠵᠤ ᠭᠡᠰᠡᠷ ᠢᠶᠠᠨ ᠳᠡᠪᠢᠰᠬᠦ ᠳᠤ᠂ ᠢᠴᠢᠭᠡᠨ ᠤ ᠲᠠᠷᠪᠠᠭᠠ ᠨᠦᠭᠡᠨ ᠠᠴᠠ ᠪᠠᠨ ᠪᠤᠯᠲᠠᠶᠢᠵᠤ᠂ ᠳᠤᠷᠠᠯᠠᠯ ᠲᠠᠭᠤᠯᠠᠩᠬᠠᠨ | ᠲᠣᠷᠮᠣᠶᠢᠳᠠᠭ᠃ ᠨᠢᠯ ᠴᠡᠩᠬᠡᠷ ᠲᠠᠯᠪᠢᠨ ᠤ ᠮᠢᠨᠢ ᠤᠶᠠᠬᠠᠨ ᠳᠤ ᠬᠠᠶᠢᠯᠠᠭᠰᠠᠨ ᠲᠡᠯᠡᠮᠡᠨ ᠵᠢᠷᠤᠭᠠ ᠰᠠᠯᠬᠢᠨ ᠭᠦᠶᠦᠳᠡᠯ ᠵᠣᠭᠰᠣᠭᠠᠨ᠂ ᠬᠤᠯᠠᠨ ᠰᠢᠷᠭᠠᠯ ᠲᠡᠷᠡᠰᠦᠨ ᠤ | ᠨᠠᠮᠠᠭᠠᠨ ᠳᠤ ᠬᠠᠪᠤᠷᠵᠢᠵᠤ᠂ ᠡᠷᠲᠡ ᠰᠡᠷᠡᠭᠰᠡᠨ ᠡᠷᠪᠡᠬᠡᠢ ᠶᠢᠨ ᠵᠢᠭᠦᠷ ᠳᠡᠭᠡᠷᠡ ᠲᠥᠯ ᠤᠨ ᠮᠠᠶᠢᠯᠠᠭᠠᠨ ᠢ ᠵᠢᠷᠤᠳᠠᠭ᠃ ᠠᠩᠭᠢᠷ ᠤᠨ ᠬᠠᠯᠢᠭᠤᠨ ᠵᠤᠯᠵᠠᠭᠠ ᠭᠠᠩᠭᠠᠨᠠᠭᠠᠳ | ᠳᠡᠷᠭᠡᠳᠡ ᠠᠴᠠ ᠳᠡᠭᠦᠯᠢᠬᠦ ᠳᠤ᠂ ᠰᠠᠯᠬᠢᠨ ᠪᠣᠷᠣᠭᠠᠨ ᠳᠤ ᠵᠢᠭᠦᠷ ᠨᠢ ᠦᠯᠦ ᠴᠤᠴᠠᠬᠤ ᠶᠢᠨ ᠵᠥᠩᠨᠡᠯ ᠪᠡᠯᠭᠡᠳᠡᠯ ᠢᠶᠠᠨ ᠳᠡᠪᠰᠢᠭᠦᠯᠦᠨ ᠰᠠᠷᠠᠪᠴᠢᠯᠠᠨ ᠰᠠᠷᠠᠪᠴᠢᠯᠠᠨ | ᠪᠠᠷᠠᠯᠠᠳᠠᠭ᠃ ᠲᠣᠯᠣᠩ ᠤᠨ ᠶᠠᠭᠠᠨ ᠲᠣᠶᠠᠭᠠᠨᠠ ᠵᠢᠷᠦᠬᠡᠨ ᠴᠣᠬᠢᠯᠭᠠ ᠪᠠᠨ ᠠᠨᠢᠷᠯᠠᠭᠰᠠᠨ ᠳᠤᠷᠠᠯᠠᠯᠲᠤ ᠬᠤᠣᠰ ᠤᠨ ᠢᠨᠠᠭᠬᠠᠨ ᠠᠯᠬᠤᠭᠠ ᠰᠣᠳᠣᠨ ᠭᠤᠴᠣ | ᠦᠨᠦᠷ ᠢᠶᠠᠷ ᠮᠢᠨᠢ ᠣᠶᠢᠷᠠᠲᠤᠬᠤ ᠳᠤ᠂ ᠬᠠᠳᠠᠨ ᠪᠠᠲᠤ ᠲᠠᠩᠭᠠᠷᠢᠭ ᠢ ᠨᠢ ᠴᠢᠩᠨᠠᠵᠤ᠂ ᠠᠯᠤᠰ ᠤᠨ ᠠᠶᠠᠨ ᠢ ᠨᠢ ᠲᠡᠮᠪᠡᠷᠢᠯᠳᠦ ᠦᠭᠡᠰ ᠢᠶᠠᠷ ᠮᠢᠯᠢᠶᠠᠳᠠᠭ᠃ ᠮᠥᠩᠭᠦᠨ | ᠰᠣᠷ ᠲᠠᠢ ᠬᠠᠯᠢᠮᠠᠭ ᠢᠶᠠᠨ ᠢᠯᠢᠭᠰᠡᠨ ᠡᠪᠦᠭᠡᠳ ᠤᠷᠢᠨ ᠢᠷᠡᠵᠦ ᠳ᠋ᠠ ᠬᠡᠮᠡᠨ ᠥᠭᠡᠳᠡ ᠠᠴᠠ ᠮᠢᠨᠢ ᠰᠢᠷᠳᠡᠭᠡᠳ ᠵᠣᠬᠰᠣᠬᠤ ᠳᠤ᠂ ᠠᠳᠤᠭᠤᠨ ᠤ ᠡᠷᠢᠯ ᠢᠶᠠᠷ | ᠮᠣᠷᠳᠠᠭᠰᠠᠨ ᠢᠳᠡ ᠨᠠᠰᠣᠨ ᠤ ᠣᠮᠤᠭ ᠵᠣᠷᠢᠭ ᠢ ᠨᠢ ᠡᠷᠢᠭᠳᠡᠭᠦᠯᠦᠨ᠂ ᠨᠠᠰᠣᠨ ᠤ ᠡᠷᠬᠡ ᠪᠠᠷ ᠡᠶᠡᠷᠡᠵᠦ ᠵᠥᠭᠡᠯᠡᠷᠡᠭᠰᠡᠨ ᠬᠠᠷᠠᠴᠠᠨ ᠤ ᠬᠢᠨᠢ ᠭᠠᠯ ᠪᠣᠯᠣᠨ ᠠᠰᠠᠳᠠᠭ᠃ | ᠥᠷᠥᠰᠢᠶᠡᠩᠭᠦᠢ ᠨᠢᠭᠦᠯᠡᠰᠦᠩᠭᠦᠢ ᠰᠠᠮᠠᠭᠠᠨ ᠪᠤᠭᠤᠷᠤᠯ ᠡᠮᠡᠭᠡᠳ ᠰᠠᠶᠢᠬᠠᠨ ᠢ ᠮᠢᠨᠢ ᠱᠠᠭᠰᠢᠷᠠᠭᠠᠳ ᠰᠥᠬᠦᠷᠡᠬᠦ ᠳᠤ᠂ ᠦᠷ ᠤᠨ ᠭᠡᠭᠡ ᠤᠭᠲᠤᠨ ᠰᠠᠭᠠᠯᠢ ᠶᠢᠨ | ᠵᠡᠯᠡ ᠪᠠᠨ ᠴᠢᠭᠯᠡᠨ ᠭᠠᠩᠬᠤᠭᠰᠠᠨ ᠣᠷᠢ ᠽᠠᠨᠳᠠᠨ ᠨᠠᠰᠣᠨ ᠤ ᠬᠢᠨᠢ ᠤᠶᠠᠬᠠᠨ ᠳᠤᠷᠠᠰᠤᠮᠵᠢ ᠳᠤᠨᠢ ᠣᠶᠢᠷᠠᠲᠤᠭᠤᠯᠤᠨ᠂ ᠬᠡᠭᠡᠮᠰᠦᠭ ᠶᠠᠪᠤᠭᠰᠠᠨ ᠤ ᠬᠢᠨᠢ ᠭᠡᠷᠡᠴᠢ ᠪᠣᠯᠵᠤ | ᠴᠡᠩᠬᠡᠷᠯᠡᠳᠡᠭ᠃ | ᠡᠬᠡ ᠣᠷᠣᠨ ᠢᠶᠠᠨ ᠪᠢ ᠵᠣᠨ ᠭᠡᠪᠡᠯ᠂ ᠬᠠᠯᠠᠭᠤᠨ ᠢ ᠠᠷᠭᠠᠳᠠᠳᠠᠭ ᠲᠠᠰᠢᠭᠤ ᠰᠣᠪᠤᠳᠣᠨ ᠪᠣᠷᠤᠭᠠ ᠨᠢ ᠪᠢ ᠪᠠᠶᠢᠭᠰᠠᠨ᠃ ᠰᠡᠷᠢᠭᠦᠨ ᠤ ᠲᠤᠤᠯᠢ ᠬᠠᠶᠢᠯᠠᠨ | ᠵᠦᠰᠡᠷᠡᠨ ᠵᠦᠰᠡᠷᠡᠨ ᠱᠠᠭᠢᠬᠤ ᠳᠤ᠂ ᠨᠣᠶᠢᠷᠮᠣᠭᠯᠠᠨ ᠳᠣᠬᠢᠯᠵᠠᠭᠰᠠᠨ ᠤᠨᠠᠭᠠ ᠲᠠᠭᠠ ᠣᠩᠭᠤᠯᠳᠣᠨ ᠴᠣᠪᠬᠤᠴᠢᠵᠤ᠂ ᠠᠨᠢᠰᠬᠠ ᠪᠠᠨ ᠵᠣᠳᠣᠯᠳᠤᠭᠤᠯᠤᠭᠰᠠᠨ ᠬᠤᠷᠠᠭᠠ | ᠢᠰᠢᠭᠡ ᠰᠡᠷᠪᠡᠯᠵᠡᠨ ᠲᠣᠭᠯᠠᠳᠠᠭ᠃ ᠶᠡᠭᠡ ᠠᠩᠭᠠᠭᠰᠠᠨ ᠡᠪᠡᠰᠦ ᠨᠣᠭᠤᠭᠠᠨ ᠤ ᠣᠮᠣᠭᠤᠯᠲᠤᠭᠰᠠᠨ ᠣᠷᠣᠭᠤᠯ ᠳᠤ ᠰᠢᠪᠰᠢᠨ ᠰᠢᠪᠰᠢᠨ ᠠᠭᠤᠰᠬᠤ ᠳᠤ᠂ ᠪᠤᠶᠠᠨᠰᠠᠭ | ᠰᠡᠳᠬᠢᠯ ᠤᠨ ᠭᠡᠭᠡᠨ ᠲᠤᠩᠭᠠᠯᠠᠭ ᠴᠢᠨᠠᠷ ᠲᠤ᠂ ᠣᠶᠣᠨ ᠰᠠᠨᠠᠭᠠ᠂ ᠠᠮᠢ ᠨᠠᠰᠣᠨ ᠤ ᠤᠳᠬᠠ ᠠᠭᠤᠯᠭᠠ ᠴᠡᠪᠡᠷᠰᠢᠳᠡᠭ᠃ ᠠᠯᠠᠭᠠ ᠪᠠᠨ ᠳᠤᠰᠤᠭᠰᠠᠨ ᠪᠦᠭᠦᠨ ᠤ | ᠵᠤᠯᠠᠢ ᠶᠢ ᠳᠡᠪᠲᠦᠭᠡᠨ ᠰᠢᠪᠡᠷᠡᠨ ᠰᠢᠪᠡᠷᠡᠨ ᠣᠷᠣᠵᠤ᠂ ᠨᠠᠮ ᠳᠥᠯᠭᠡᠨ ᠬᠢᠭᠡᠳ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠪᠠᠷ ᠭᠠᠰᠢᠭᠤᠨ ᠬᠢᠭᠡᠳ ᠰᠢᠬᠢᠷᠯᠢᠭ ᠢ ᠰᠦᠯᠵᠢᠨ᠂ ᠬᠥᠮᠥᠨ ᠤ | ᠠᠮᠢᠳᠤᠷᠠᠯ ᠤᠨ ᠵᠣᠯ ᠵᠢᠷᠭᠠᠯᠲᠤ ᠬᠠᠭᠤᠳᠠᠰᠤ ᠶᠢ ᠪᠦᠲᠦᠭᠡᠳᠡᠭ᠃ ᠲᠡᠷᠡᠰᠦ ᠨᠠᠶᠢᠭᠤᠨ᠂ ᠵᠡᠭᠡᠰᠦ ᠱᠤᠤᠭᠢᠭᠰᠠᠨ ᠴᠡᠩᠬᠡᠷ ᠨᠠᠭᠤᠷ ᠤᠨ ᠤᠰᠤ ᠶᠢ ᠴᠠᠭᠠᠷᠢᠭ ᠲᠡᠯᠭᠡᠭᠦᠯᠦᠨ | ᠪᠠᠭᠤᠵᠤ᠂ ᠨᠠᠮ ᠲᠠᠶᠢᠪᠤᠭᠤ ᠣᠷᠣᠰᠢᠬᠤᠢ ᠶᠢᠨ ᠨᠢᠭᠡᠨ ᠶᠣᠰᠣᠨ ᠢ ᠬᠦᠦᠷᠨᠢᠨ᠂ ᠰᠢᠨᠤᠯ ᠨᠢ ᠲᠠᠩᠳᠠᠵᠤ ᠪᠦᠳᠦᠷᠢᠭᠰᠡᠨ ᠨᠢᠭᠡᠨ ᠤ ᠪᠠᠨ ᠰᠡᠳᠬᠢᠯ ᠤᠨ ᠭᠬᠢᠷ ᠲᠣᠭᠤᠰᠣ ᠶᠢ | ᠠᠷᠢᠭᠤᠰᠬᠠᠨ᠂ ᠪᠤᠬᠢᠨᠢᠳᠤᠯ ᠬᠠᠷᠠᠭᠤᠰᠣᠯ ᠢ ᠨᠢ ᠦᠯᠳᠡᠨ᠂ ᠭᠡᠭᠡᠨ ᠵᠦᠭ ᠲᠤ ᠤᠬᠠᠭᠠᠷᠠᠭᠤᠯᠤᠨ ᠬᠥᠲᠥᠯᠳᠡᠭ᠃ ᠬᠥᠮᠥᠨ ᠤ ᠬᠤᠷᠸᠠ ᠶᠢᠨ ᠨᠠᠷᠭᠢᠶᠠᠨ ᠱᠤᠤᠭᠢᠶᠠᠨ ᠢ | ᠨᠠᠮᠳᠠᠭᠠᠨ ᠰᠢᠪᠰᠢᠵᠦ᠂ ᠵᠠᠯᠬᠠᠭᠤ ᠬᠤᠶᠢᠷᠭᠤ ᠳᠠᠭᠠᠨ ᠲᠡᠶᠢᠯᠳᠡᠨ᠂ ᠨᠣᠶᠢᠷᠮᠤᠭ ᠨᠢᠳᠦᠯᠡᠭᠰᠡᠨ ᠬᠡᠨ ᠨᠢᠭᠡᠨ ᠤ ᠬᠢᠨᠢ ᠭᠡᠭᠡᠪᠴᠢ ᠶᠢ ᠲᠣᠬᠰᠢᠨ᠂ ᠡᠷᠢᠨ ᠴᠠᠭ ᠤᠨ | ᠭᠠᠪᠰᠢᠭᠠᠶᠢᠯᠠᠭᠴᠢᠳ ᠤᠨ ᠬᠠᠳᠠᠨ ᠴᠢᠷᠮᠠᠶᠢᠯᠭᠠ ᠶᠢ ᠲᠣᠭᠤᠯᠭᠠᠨ᠂ ᠥᠭᠡᠳᠡ ᠪᠠᠨ ᠥᠭᠡᠳᠡ ᠪᠠᠨ ᠬᠡᠮᠡᠨ ᠡᠷᠴᠢ ᠵᠣᠷᠢᠭ ᠢ ᠨᠢ ᠬᠥᠪᠴᠢᠯᠡᠵᠦ ᠠᠷᠭᠠᠳᠠᠳᠠᠭ᠃ | ᠡᠬᠡ ᠣᠷᠣᠨ ᠢᠶᠠᠨ ᠪᠢ ᠨᠠᠮᠤᠷ ᠭᠡᠪᠡᠯ᠂ ᠡᠮᠦᠨᠡ ᠶᠢ ᠵᠣᠷᠢᠭᠰᠠᠨ ᠬᠠᠷᠢᠶᠠᠴᠠᠢ ᠶᠢᠨ ᠦᠯᠡᠳᠡᠭᠡᠵᠦ ᠬᠤᠴᠣᠷᠭᠠᠭᠰᠠᠨ ᠦᠳᠦ ᠨᠢ ᠪᠢ ᠪᠠᠶᠢᠭᠰᠠᠨ᠃ ᠰᠠᠯᠤᠨ | ᠶᠠᠳᠠᠯᠳᠠ ᠬᠢᠭᠡᠳ ᠦᠳᠡᠨ ᠮᠣᠷᠳᠠᠭᠤᠯᠤᠯᠳᠠ ᠶᠢᠨ ᠬᠢᠯᠢ ᠳᠡᠭᠡᠷᠡ ᠬᠤᠷᠢᠶᠠᠯᠲᠠ ᠶᠢᠨ ᠠᠯᠳᠠᠨ ᠵᠢᠮᠢᠰ ᠠᠮᠰᠠᠭᠴᠢ ᠶᠢᠨ ᠪᠠᠶᠠᠷ ᠭᠤᠨᠢᠭ ᠢ ᠠᠴᠢᠨ ᠳᠡᠭᠳᠡᠨ ᠲᠣᠨᠣᠵᠦ᠂ | ᠠᠬᠢᠨ ᠵᠣᠯᠭᠠᠬᠤ ᠶᠢᠨ ᠬᠤᠪᠢ ᠪᠠᠷᠢᠯᠳᠤᠯᠭᠠ ᠶᠢ ᠬᠥᠮᠥᠨ ᠵᠣᠨ ᠳᠠᠭᠠᠨ ᠲᠣᠭᠤᠯᠭᠠᠳᠠᠭ᠃ ᠭᠤᠯᠢᠶᠠ ᠬᠥᠭᠵᠢᠮᠳᠡᠬᠦ ᠵᠢᠩᠳᠡᠭᠦᠨ ᠦᠳᠡᠰᠢ ᠪᠠᠷ ᠰᠠᠷᠠ ᠵᠦᠰᠦᠨ ᠨᠠᠮᠢᠷᠠᠵᠤ᠂ | ᠣᠷᠴᠢᠵᠤ ᠡᠷᠭᠢᠬᠦ ᠣᠷᠴᠢᠯᠠᠩ ᠤᠨ ᠵᠢᠮᠡ ᠶᠢᠨ ᠬᠤᠭᠤᠰᠤᠨ ᠤ ᠴᠢᠨᠠᠷ ᠢ ᠥᠭᠦᠯᠡᠨ᠂ ᠰᠠᠶᠢᠨ ᠰᠠᠶᠢᠬᠠᠨ ᠤ ᠪᠡᠯᠭᠡᠳᠡᠯ᠂ ᠬᠥᠮᠥᠨ ᠮᠥᠰᠥ ᠶᠢᠨ ᠨᠢᠩᠵᠢᠨ ᠴᠢᠨᠠᠷ ᠲᠤ | ᠠᠮᠢᠳᠤᠷᠠᠯ ᠲᠣᠭᠲᠠᠳᠠᠭ ᠢ ᠥᠭᠦᠯᠡᠳᠡᠭ᠃ ᠳᠤᠷᠠᠯᠠᠯ ᠳᠠᠭᠠᠨ ᠪᠦᠳᠦᠷᠢᠵᠦ ᠣᠬᠢᠯᠠᠭᠰᠠᠨ ᠨᠢᠭᠡᠨ ᠤ ᠬᠢᠨᠢ ᠭᠦ᠋ ᠬᠠᠷᠠᠬᠠᠨ ᠭᠡᠵᠢᠭᠡᠨ ᠳᠡᠭᠡᠷᠡ ᠠᠯᠭᠤᠷᠬᠠᠨ ᠪᠠᠭᠤᠵᠤ᠂ | ᠵᠢᠩᠬᠢᠨᠢ ᠡᠷᠬᠡ ᠴᠢᠯᠦᠭᠡ ᠬᠡᠮᠡᠭᠴᠢ ᠰᠦᠭ ᠰᠦᠨᠡᠰᠦᠨ ᠤ ᠴᠢᠯᠦᠭᠡᠯᠡᠯᠲᠡ᠂ ᠠᠯᠳᠠᠬᠤ ᠨᠢ ᠨᠡᠩ ᠰᠠᠶᠢᠨ ᠢ ᠣᠯᠬᠤ ᠶᠢᠨ ᠲᠥᠯᠥᠭᠡ ᠭᠡᠳᠡᠭ ᠢ ᠮᠡᠳᠡᠷᠡᠭᠦᠯᠳᠡᠭ᠃ ᠬᠡᠵᠢᠶᠡ | ᠬᠠᠮᠢᠭᠠ ᠶᠠᠭᠤ ᠬᠢᠭᠰᠡᠨ ᠴᠦ᠂ ᠥᠪᠡᠷ ᠤᠨ ᠬᠢ ᠪᠠᠷ ᠢᠶᠠᠨ ᠪᠠᠶᠢᠵᠤ ᠴᠢᠳᠠᠪᠠᠯ ᠰᠠᠶ᠋ᠢ ᠭᠤᠷᠢ ᠬᠦᠰᠡᠯ ᠢ ᠢᠮᠠᠭᠲᠠ ᠲᠠᠲᠠᠭᠴᠢ ᠨᠡᠶᠢᠭᠡᠮ ᠬᠡᠮᠡᠬᠦ ᠲᠣᠮᠣ ᠡᠷᠭᠢᠭᠦᠯᠭᠡᠨ ᠳᠤ | ᠲᠥᠭᠡᠷᠢᠵᠦ ᠲᠡᠨᠦᠬᠦ ᠦᠭᠡᠢ ᠪᠠᠶᠢᠳᠠᠭ ᠢ ᠰᠤᠷᠭᠠᠮᠵᠢᠯᠠᠳᠠᠭ᠃ | ᠡᠬᠡ ᠣᠷᠣᠨ ᠢᠶᠠᠨ ᠪᠢ ᠡᠪᠦᠯ ᠭᠡᠪᠡᠯ᠂ ᠡᠰᠡᠨᠢᠯ ᠲᠥᠯᠵᠢᠯ ᠢ ᠡᠪᠦᠷᠯᠡᠭᠡᠳ ᠠᠭᠠᠵᠢᠮᠬᠠᠨ ᠬᠠᠶᠠᠯᠠᠳᠠᠭ ᠴᠠᠰᠤᠨ ᠴᠡᠴᠡᠭ ᠨᠢ ᠪᠢ ᠪᠠᠶᠢᠭᠰᠠᠨ᠃ ᠶᠠᠭ ᠯᠡ | ᠲᠡᠭᠷᠢ ᠶᠢᠨ ᠡᠷᠬᠡ ᠠᠨᠴᠢᠯ ᠰᠢᠭ᠋ ᠬᠠᠮᠤᠭ ᠤᠨ ᠡᠷᠬᠢᠮᠰᠦᠭ ᠬᠥᠳᠡᠯᠦᠯ ᠢᠶᠠᠷ ᠨᠠᠬᠢᠯᠤᠨ ᠨᠣᠭᠢᠯᠵᠠᠵᠦ᠂ ᠲᠣᠭᠤᠰᠣᠲᠤ ᠣᠷᠴᠢᠯᠠᠩ ᠢᠶᠠᠨ ᠬᠤᠨ ᠴᠠᠭᠠᠨ ᠲᠡᠪᠡᠯ ᠢᠶᠠᠷ | ᠭᠤᠶᠣᠨ᠂ ᠡᠷᠭᠢᠬᠦ ᠬᠠᠪᠤᠷ ᠢ ᠲᠡᠭᠦᠯᠳᠡᠷ ᠬᠦᠴᠦᠨ ᠢᠶᠠᠷ ᠤᠭᠲᠤᠨ ᠠᠪᠬᠤ ᠶᠢᠨ ᠲᠡᠭᠦᠰ ᠪᠡᠯᠡᠳᠬᠡᠯ ᠨᠢ ᠪᠤᠯᠳᠠᠭ᠃ ᠴᠡᠩᠬᠡᠷ ᠲᠠᠯᠢ ᠪᠠᠨ ᠰᠡᠪᠢᠨ ᠨᠠᠮᠤᠭᠤᠬᠠᠨ | ᠨᠠᠮᠤᠭᠤᠬᠠᠨ ᠪᠥᠵᠢᠵᠦ᠂ ᠠᠯᠢᠪᠠ ᠬᠠᠷᠰᠢ ᠰᠠᠭᠠᠳ᠂ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠪᠦᠷ ᠦᠰᠦᠨ ᠪᠤᠶᠢᠵᠢᠯᠳᠠ ᠶᠢᠨ ᠨᠢᠭᠡᠨ ᠶᠠᠪᠤᠴᠠ ᠲᠡᠳᠦᠢ ᠭᠡᠳᠡᠭ ᠢ ᠥᠰᠪᠦᠷᠢ ᠶᠢᠨ ᠵᠢᠭᠠᠯ | ᠬᠡᠦᠬᠡᠳ ᠲᠡᠭᠡᠨ ᠰᠢᠪᠡᠨᠡᠨ ᠰᠢᠪᠡᠨᠡᠨ ᠰᠠᠭᠠᠲᠠᠳᠠᠭ᠃ ᠠᠭᠤᠤ ᠠᠴᠢ᠂ ᠥᠭᠭᠢᠶᠡᠮᠦᠷ ᠬᠠᠶᠢᠷᠠ ᠶᠢ ᠠᠶᠠᠯᠤᠨ ᠠᠶᠠᠷ ᠠᠶᠠᠷᠬᠠᠨ ᠪᠤᠳᠠᠷᠠᠵᠦ᠂ ᠲᠣᠰᠣᠯ ᠠᠴᠢ ᠶᠢ ᠲᠠᠯᠠᠢ ᠪᠠᠷ | ᠬᠠᠷᠢᠭᠤᠯᠬᠤ ᠶᠢᠨ ᠤᠴᠢᠷ ᠶᠣᠰᠣᠨ ᠢ ᠥᠭᠦᠯᠡᠵᠦ᠂ ᠥᠲᠡᠭᠦᠰ ᠢᠶᠠᠨ ᠬᠦᠨᠳᠦᠯᠡᠵᠦ᠂ ᠦᠷᠡᠰ ᠢᠶᠠᠨ ᠳᠣᠳᠣᠮᠳᠠᠬᠤ ᠶᠢᠨ ᠤᠷᠠ ᠤᠬᠠᠭᠠᠨ ᠬᠡᠮᠡᠭᠴᠢ ᠭᠬᠢᠷ ᠦᠭᠡᠢ | ᠴᠠᠭᠠᠬᠠᠨ ᠰᠡᠳᠬᠢᠯ ᠠᠴᠠ ᠡᠭᠦᠰᠳᠡᠭ ᠭᠡᠳᠡᠭ ᠢ ᠳᠠᠪᠲᠠᠨ ᠳᠠᠪᠲᠠᠨ ᠵᠢᠭᠠᠳᠠᠭ᠃ ᠪᠤᠵᠠᠷ ᠪᠤᠷᠲᠠᠭ᠂ ᠮᠠᠭᠤ ᠮᠠᠭᠤᠬᠠᠢ ᠪᠦᠭᠦᠨ ᠢ ᠬᠤᠴᠢᠨ ᠬᠤᠴᠢᠨ ᠣᠷᠣᠵᠤ᠂ ᠴᠡᠪᠡᠷ | ᠴᠠᠶᠢᠯᠭᠠᠨ ᠬᠢᠭᠡᠳ ᠦᠵᠡᠰᠭᠦᠯᠡᠩ ᠭᠤᠸᠠ ᠶᠢᠨ ᠲᠠᠶᠢᠯᠣᠨ ᠢᠶᠠᠷ᠂ ᠳᠣᠲᠣᠭᠠᠳᠤ ᠰᠡᠳᠬᠢᠯ ᠤᠨ ᠠᠮᠤᠷ ᠠᠮᠤᠭᠤᠯᠠᠩ ᠤᠨ ᠴᠢᠬᠤᠯᠠ ᠴᠢᠨᠠᠷ ᠢ ᠬᠤᠲᠠᠯᠠ ᠣᠯᠠᠨᠠ | ᠮᠡᠳᠡᠭᠦᠯᠬᠦ ᠭᠡᠵᠦ ᠢᠮᠠᠭᠲᠠ ᠵᠢᠳᠬᠦᠳᠡᠭ᠃ ᠬᠡᠷᠡᠯᠳᠦ ᠳᠡᠯᠪᠡᠭᠡᠨ ᠳᠡᠭᠡᠨ ᠬᠤᠷᠮᠣᠰᠳᠠ ᠶᠢᠨ ᠰᠣᠶᠣᠷᠬᠠᠯ ᠢ ᠰᠢᠩᠭᠡᠬᠡᠨ᠂ ᠡᠬᠡ ᠭᠠᠵᠠᠷ ᠢᠶᠠᠨ ᠦᠨᠦᠰᠦᠨ ᠠᠭᠤᠰᠬᠤ ᠳᠠᠭᠠᠨ᠂ | ᠬᠤᠷᠴᠠ ᠨᠣᠭᠤᠭᠠᠨ ᠰᠣᠶᠤᠭᠠ ᠳᠠᠭᠠᠨ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠭᠢᠯᠪᠠᠭᠤᠯᠤᠨ᠂ ᠣᠮᠣᠭᠯᠠᠩ ᠲᠠᠯᠠ ᠶᠢᠨ ᠢᠶᠠᠨ ᠳᠤᠯᠠᠭᠠᠬᠠᠨ ᠡᠪᠦᠷ ᠠᠴᠠ ᠭᠠᠭᠴᠠ ᠰᠥᠨᠢ ᠶᠢᠨ | ᠵᠠᠢ ᠳᠤ ᠡᠷᠪᠡᠢ ᠬᠥᠬᠡ ᠡᠪᠡᠰᠦ ᠨᠢ ᠪᠣᠯᠵᠤ ᠠᠬᠢᠭᠠᠳ ᠰᠤᠭᠤᠷᠠᠨᠠ ᠭᠡᠵᠦ ᠡᠷᠭᠢᠯᠳᠦᠨ ᠡᠷᠭᠢᠯᠳᠦᠨ ᠣᠷᠣᠳᠠᠭ᠃ | ᠪᠢ ᠡᠬᠡ ᠣᠷᠣᠨ ᠤ ᠪᠠᠨ ᠮᠥᠷᠥᠭᠡᠳᠦᠯ ᠪᠠᠶᠢᠭᠰᠠᠨ︕ | |